ESTER 6:3 - Alkitab Singog In Mongondow Masa In Tanaa

³ Ki datu in noḻibó, “Horomat bo tontuḻí onu inta ain inogoi kon i Mordekhai tua?” Bobantung mita tatua in notubag, “Diábí in sia notarima kon onu bo onu.”

ESTER 6:3 Iomraidhean Croise

KINOBAḺIAN 40:23

Táe mopoposadia kon oinumon i datu tatua in diá bidon kinotoropannea in ki Yusup. Totok bidon in kinoḻiongannea in ki Yusup.

ESTER 6:2

Kon bonunea oyúon in pinais kon ki Mordekhai in nopotaaudon kon tomayá i Bigtan bo i Teres, pojabat doyowa inta pinoki ḷukadan in gopot i datu kon moḷongasi moḻimod kon i datu.

ESTER 6:4

Bo ki datu in noguman, “Ki ine in pogawaiku kon komaḻig in tanaa mako?” Noikoḷatbí in ki Haman bagupa sinumuot kon palas in komaḻig; sia in mamangoi mopoigum kon i datu sinbá ki Mordekhai in popobambédon kon oigi inta ain pinosindog tatua.

MOHOHUTUBA 9:15

Kon kotá tatua oyúon in intau nobiag nobogá inta mobijaksana. Sia in nokoposaḷamatbí kon kotá tatua. Táe popisí in sia nobiag nobogá, onu in pinomianea tatua baḷúdon kinoḻiongan bo diá tobatúmai in intau nokotorop kon inia

DANIEL 5:16

Bo bagu dinongogku kon iko in mokobukat kon bayongan inta noibuni bo mokopotaau doman kon onu inta mororiga mita raion. Aka iko mokobaca kon pais tanaa poḷat mokopotaau kon mangaḻenea kon inakó, yo iko in ogoianku in pakeang dodatuan ná jubah nokamumu bo boboḷ buḷawan nobaḻí tomponuot kahoromatan. Koḻikud intua iko in baḻíonku mongongawasa nogintoḷu kon bonu in dodatuanku.”

DANIEL 5:29

Dá ḷagidon in ki Belsyazar nomarenta kon pogawainea mita sinbá mopopaké in jubah nokamumu kon i Daniel bo mopoboboḷ in boboḷ buḷawan kon sigogownea. Bo dinuínea in ki Daniel nobaḻí pongawasa nogintoḷu kon bonu in dodatuannea.

DANIEL 5:7

Bo nomaḷú totok in sia in nopoigum sinbá mononanow, mototaau bo intau inta nonotaau totok in bobayá in tundi in oiníon. Naonda in mosia namangoi, ki datu in noguman, “Ki ine in mokobaca kon pais tatua bo mopotaau in mangaḻenea kon inakó, yo ogoianku in pakeang dodatuan ná jubah nokamumu bo boboḷ buḷawan nobaḻí tomponuot kahoromatan. Koḻikud intua sia in duíonku mobaḻí mongongawasa intoḷunea kon dodatuanku.”