ESTER 6:10 - Alkitab Singog In Mongondow Masa In Tanaa

¹⁰ Bo ki datu in noguman kon i Haman, “Koḷamemet, gamádon in ḷambung bo kabaḷo tatua bo ogoidon in bayongan in kahoromatan tatua kon i Mordekhai, intau in Yahudi tatua. Aidaidon ná inta pinogumanmu koina, bo dikabí gaatan in tobatúmai. Sia intua ḻimitú mako kon tayowon in bonawang in komaḻig.”

ESTER 6:10 Iomraidhean Croise

DATU MITA 2 10:10

Naadon in buktinea kon bayongan inta siningog i Tuhan soaḷ adí bo ompu i Ahab in mobaḻíbí. Ki Tuhan in nogaidon kon bayongan inta pinoguman-Nea pinongin i Elia mogogundoi-Nea.”

ESTER 6:11

Bo ki Haman in nogamá kon ḷambung bo kabaḷo tatua bo nopopaké kon i Mordekhai. Naonda in ki Mordekhai sinumakoi kon kabaḷo tatua, dinia i Haman in sia pinoḻibu kon rawang in kotá, sindaḷan momaḷú, “Indoiai, nanaa in aid i datu mobogoi in ponghargaan kon intau inta ihoromatnea!”

ESTER 6:9

Intau moḷoben kon negara nongkon golongan in intau moḷoben in musti mopoḷutud in ḷambung tatua kon intau inta horomaton i Tuang tua, bo tumakin kon intau tatua kotako-takoi kon kabaḷo i Tuang mongin rawang in kotá. Intau moḷoben tatua in mayá kon munanea sindaḷan momaḷú, ‘Nanaa in aid i datu mobogoi in ponghargaan kon intau inta ihoromatnea!’ ”

MAZMUR 31:24

Kotabibí in ki Tuhan, ei bayongan in umat-Nea, Ki Tuhan in moḷukadbí kon intau inta mosatia. Táe intau moḷoḷatú in hukumon-Nea takin diá in ukuran.

DANIEL 4:37

Dá tanaa in akuoi, ki Nebukadnezar modayow, mopoḷantud bo mopomulia kon i Datu in Soroga. Bayongan in oaidan-Nea in moitutui bo moadil, bo Sia in mokopotungkudbí kon intau mita inta moḷoḷatú.

LUKAS 14:11

Sin ki ine in mosiḷantud, yo popoompáan, táe ki ine in moompá in dodia, yo sia in poḷantudon.”

WAHYU 18:7

Ogoidon kon inia in roriga bo inta mokoajar kon gina inta motongkai in kobayong in kamuliaan bo kaoyúonan inta ain kinorasaannea tontaní. Sin sia in umuran moguman kon bonu in ginanea tontaní, ‘Akuoi naa in bokí inta momarenta! Akuoi naa in deemanbí mobobaḷu; akuoi in diábí mokorasa kon ajar in gina!’