ESTER 6:1 - Alkitab Singog In Mongondow Masa In Tanaa

¹ Kon doḷom doman tatua ki datu diá nokosiug. Tuamai in pinoki gamánea in buk inta pinomaisan kon onu in nobaḻí kon dodatuan bo pinoki baca kon intau.

ESTER 6:1 Iomraidhean Croise

KINOBAḺIAN 22:14

Tampat tatua sinangoian i Abraham “Ki Tuhan noposadia onu inta paraḷu”. Bo dapot in masai naa intau moguman “Kon tudu in buḷud-Nea ki Tuhan moposadia kon onu inta paraḷuon”.

ESTER 10:2

Bayongan in aidnea inta moḷoben bo inta motoyang, bo ouman doman inta notompod kon soaḷ naonda in sia noduí kon i Mordekhai nobaḻí pojabat inta moḷantud, in pinais kon bonu in buk ouman in datu mita in Persia bo Media.

ESTER 2:21

Kon singgai tobatú, kon tungkuḷ in ki Mordekhai mopobayámai in oaidannea kon komaḻig, intau doyowa pojabat i datu, ki Bigtan bo ki Teres, in noyopopog moibog moḻimod kon i Datu Ahasyweros, sin totok in moyaat in gina monia kon inia.

ESTER 2:22

Tomayá tatua in kinotaauan i Mordekhai bo ḷaginea pinotaau kon i Ester. Bo bayá-bayá domandon inouman i Ester kon i datu onu inta pinotaau i Mordekhai tua.

ESTER 2:23

Pelekara tatua in sinarididon, dá noniata magí kon totuubí intua. Intau doyowa tatua ihukum ginantong. Podudui in parenta i datu, onu inta nobaḻí tatua pinais kon bonu in buk ouman in dodatuan.

ESTER 5:8

“Aka mosanangbí in gina i Tuang in mobogoi kon onu in poigumonku, yo buipa mamangoi in ki Tuang bo ki Haman kon bobutungan inta aidan in bobantung naa ikoḷom doḷom. Bain kon bobutungan tatua bo pogumanku onu in poigumon in bobantung naa kon i Tuang.”

YESAYA 41:17

Aka bangusaku inta noiḷaḻe tua motayak kon tubig, bo sigogow monia in moingkag popisí in morogang, dá Akuoi, ki Tuhan, in motubagbí kon sambayang monia; Allah in Israel in diábí monaḷámai kon umat-Nea.

DANIEL 2:1

Kon doḷom tobatú, doyowa notaong naonda in ki Datu Nebukadnezar nomarenta, sinumogoindop in sia. Togoindopnea tua nokoajar totok kon ginanea, dá diádon in sia mokosiug bui.

DANIEL 6:18

Nopaḷut mako kon tua batu moḷoben tobatú pinoḻingkop kon bibig in angob tatua, bo ki datu in nocap kon batu tatua nopomaké in cap in dodatuan bo cap in intau mita moḷoben, dá diádon tobatúmai in intau in mokopoḷuat kon i Daniel nongkon singa mita tatua.

MALEAKHI 3:16

Bo intau mita inta moondok kon i Tuhan in mosigumanan, Ki Tuhan in nokodongog bo nonaridi kon onu inta siningog monia. Intau mita inta nohoromat kon i-Nia bo inta notoguondok kon i-Nia, pinais in tangoinea kon bonu in buk pomomaisan inta kon tayowon-Nea.

SURAT I PAULUS KON JAMAAT RUM 11:33

Totuu motoyang tabi i Allah! Totuu doman moḷoben in kabijaksanaan bo pongotahuan-Nea! Ki inebí in mokotaridi kon kaputusan-Nea mita tatua? Ki ine doman in momangarti kon pogogaid-Nea?