ESTER 5:4 - Alkitab Singog In Mongondow Masa In Tanaa

⁴ Ki Ester in notubag, “Aka mosanang in gina i Tuang, dá mamangoipa in doḷom naa in ki Tuang bo ki Haman kon bobutungan inta aidanku kon i Tuang.”

ESTER 5:4 Iomraidhean Croise

KINOBAḺIAN 27:25

Bo ki Ishak nogumandon, “Ogoidon magí kon inakó in ponoyá tanion. Bain mopaḷut mako in akuoi mongaan bo barakatanku iko.” Inogoidon i Yakub in ponoyá tatua kon inia bo inogoiannea doman in anggur topiḻik inumonnea.

ESTER 1:9

Kon dodai intua ki Wasti, ki buḷoi datu, in nomia doman kon rame kon bobay mita kon bonu in komaḻig.

ESTER 3:15

Intau mita inta pinotabá iḻimikat in minayá nogatod kon surat mita tatua kon bayongan in propinsi dodatuan. Podudui kon onu inta pinoguman i datu dá parenta tatua in pinotaau doman kon Susan, ibukotá in Persia. Nopaḷut mako kon tua ki datu bo ki Haman in iḻimitú mako bo monginumai kon anggur, táe kotá in Susan in nodoḻiok popisí in habar tatua.

ESTER 5:3

Bo ki datu in noḻibó, “Nongonu uḻe, Buḷoiku? Onu in koibogmu? Pogumandon! Umpakabí tongo botak in dodatuan ku in igumonmu, yo ogoikubí doman.”

ESTER 5:5

Pinotabá i datu in ki Haman ḷagi mamangoi, sinbá mosia in motaau mayá kon sonsoma i Ester. Dá namangoidon in mosia kon bobutungan inta inaidan i Ester tatua.

ESTER 5:8

“Aka mosanangbí in gina i Tuang in mobogoi kon onu in poigumonku, yo buipa mamangoi in ki Tuang bo ki Haman kon bobutungan inta aidan in bobantung naa ikoḷom doḷom. Bain kon bobutungan tatua bo pogumanku onu in poigumon in bobantung naa kon i Tuang.”

MAZMUR 112:5

Pia in kamang in intau inta mopia in gina bo inta moibog mopoḷuan bo mojujur kon bayongan in yagi-yagi.

AMSAL 29:11

Intau bodok tumorú moyogintayowan mako, táe intau mobijaksana in mosabar bo monanom kon torúnea.

KORINTUS 1 14:20

Utatku mita! Dika ná pororai in mongoadí. Aka kon soaḷ mita inta mongoromú, dá musti ná pororai in mongoadí in moiko. Táe aka kon soaḷ pororai, yo poraibí ná intau inta nogurangdon.