ESTER 5:2 - Alkitab Singog In Mongondow Masa In Tanaa

² Naonda in sia nokoontong kon i Ratu Ester sinimindog kon ḷuai, notabi in sia bo pinotundúnea kon i Ester in tungkudnea buḷawan. Dá dinimiug in ki Ester, bo noḻiai kon popod in tungkud tatua.

ESTER 5:2 Iomraidhean Croise

KINOBAḺIAN 32:28

Intau tatua in noguman, “Tangoimu in deeman bidon ki Yakub. Iko noridomokdon takin i Allah bo takin intau, bo iko in nokountung; tuamai tangoimu in ki Israel bidon.”

NEHEMIA 1:11

Indongogaipa in sambayangku bo sambayang in bayongan mogogundoi-Mu mita ibanea, inta moibog mohoromat kon ini-Mu. Tuḷungaipa sinbá kon singgai in naa mogogundoi-Mu in mokouḻídon kon totabi nongkon i datu.” Kon dodai intua akuoi in mopoposadia in oinumon i datu.

ESTER 2:9

Ki Hegai in noitongau totok in nokoontong kon i Ester bo noibog kon inia. Dá ḷagidon pinakéan in inta mokotaingkat bo inogoian in kaanon inta ain sinantú. Ki Ester in pinamping kon tampat inta totok in mopia kon komaḻig in bobay tatua bo mongodeaga pitu inta totok in mokaḻet kon komaḻig i datu in pinoki bantungan kon inia.

ESTER 4:11

“Komintan intau, pinomayá ḷoḷaki andeka bobay, inta aka diá inoiní, bo mamangoi kon tayowon i datu kon palas kon bonu in komaḻig, in mustibí hukumon matoi. Tua in nobaḻí undang-undang bo bayongan in intau pinangkoi kon monononggina i datu nodapot kon rayat kon bayongan in propinsi, nonotaaubí kon tua. Tongábí tobatú in daḷan sinbá moisimparut nongkon undang-undang tatua, tuata in aka ki datu mopotundú in tungkudnea buḷawan kon intau tatua. Aka tua bo mobaḻí, yo mosaḷamat in sia. Táe ain tobuḷan naa diá in akuoi inoiní i datu.”

ESTER 8:4

Ki datu in nopotonggó in tungkud buḷawannea kon i Ester, dá sinimindogdon in ki Ester bo noguman,

MAZMUR 116:1

Akuoi in moibog kon i Tuhan, sin inindongogan-Nea in akuoi bo nonaridimai kon oigumku.

AMSAL 21:1

Naonda bo pononompia i Tuhan kon tubig in ongkag sinbá moiḻig podudui in ibog-Nea, natua doman in pokokapit-Nea kon raian in datu.

OUMAN IN RASUL MITA 10:4

Dá takin ondok, nobobui in sia kon malaekat tatua bo noḻibó, “Nongonu Tuang?” Dá malaekat tatua in noguman, “Bayongan inta pinoigummu kon sambayang bo oaidmu inta mopia kon intau mita bogá, aindon noiyaput kon i Allah bo iko in umuran kon bonu in gina-Nea.

OUMAN IN RASUL MITA 7:10

bo pinilatan i Allah in sia kon bayongan roriga bo inogoian in totabi bo pandoi wakutu in minayá kon tayowon i Piraun datu intau in Mesir tua, sahingga in binaḻí i Piraun gubernur kon butá in Mesir bo nongawasa kon bonu in komaḻig i Piraun.