ESTER 5:11 - Alkitab Singog In Mongondow Masa In Tanaa

¹¹ Bo ki Haman in nongonguman kon ambungangaḷ kon i monia bo nopoontong in kaoyúonannea, kobayong in adínea ḷoḷaki, ḷoḻitúan pomomarentaan inta inogoi i datu, bo pangkatnea inta moḷantu-ḷantud nongkon bayongan in pogawai ibanea.

ESTER 5:11 Iomraidhean Croise

KINOBAḺIAN 31:1

Ki Yakub nokodongog kon ki adí mita i Laban nosingog nanaa, “Ki Yakub ain nogamá kon bayongan kapunyaan i amá naton. Bayongan kapunyaannea komintan nongkon kapunyaan i amá naton.”

ESTER 1:4

Onom nobuḷan in koonggotnea ki datu nopoontong in kaoyúonan in komaḻignea bo kogogaga in dodatuan nea.

ESTER 3:1

Diá noonggot kon tua ki Datu Ahasyweros noduí kon intau tobatú inta ki Haman in tangoinea nobaḻí perdana menteri. Ki Haman in ki adí i Hamedata nongkon buí in Agag.

ESTER 8:15

Nopaḷut mako kon tua ki Mordekhai in nonaḷámaidon kon komaḻig takin nogiḷambung in ḷambung intau moḷoben inta nobidu bo nobudó, jubah nokamumu nongkon lenan moaḷus bo mahkota buḷawan inta mogaga totok. Intau kon kotá in Susan monggoḷakap mita sin noḷunganga in gina monia.

MAZMUR 49:6

Akuoi in diábí moondok kon tungkuḷ in singgai diá mopia, tungkuḷ in akuoi kinopung in musung inta moraat.

MAZMUR 49:7

Mosia tua in mopongata in kaoyúonannea, bo mopododia in kapunyaannea.

MAZMUR 52:9

“Tuata in intau inta diá namangoi kon i Allah, táe mongamang mako kon kaoyúonan inta mobarong totok bo mogadop kon pakakat inta inagownea.”

YESAYA 10:8

Sia in dinumodia, gumannea, “Tongguḷu in tontaraku mita in komintanbí datu!

DANIEL 4:30

akuoi in noguman, “Indoiai, totuu motoyang in kotá in Babel! Akuoibí in noposindog kon tua nobaḻí ki iná in negara sin moponiata kon kawasa bo ropotku, koḷoḷantud bo koḷoḷobenku!”

MARKUS 10:24

Noherang totok in murí-Nea mita in nokodongog kon singog i Yesus tatua. Táe ki Yesus noguman doman kon i monia, “Adí-Ku mita, totuubí kon moyoyigabí in mobaḻí anggota umat i Allah!

TIMOTIUS 1 6:17

Ponoropdon kon intau mita inta nobiag nooyúon, bá mosia in diá dumodia bo diá mopodoyon in kobiagan monia kon barang mita inta modai-daitbí, ná kaoyúonan in dunia naa. Mosia in mustibí mopodoyon in kobiagan monia kon i Allah inta ain nobogoi in bayongan yagi-yagi kon i naton inta diádon koiapan in kobayongnea, inta pakéonmai naton muḷoi in singgai.