ESTER 4:4 - Alkitab Singog In Mongondow Masa In Tanaa

⁴ Naonda in mongodeaga mita bo pojabat inta ain sinantú mobantung kon i Bokí Ester nopotaau kon inia onu inta inaidan i Mordekhai, norobonoḷ totok in gina i Ester. Sia nokidia in ḷambung kon i Mordekhai toḻiu in sosapinea, táe doí in sia notarima.

ESTER 4:4 Iomraidhean Croise

KINOBAḺIAN 37:35

Bayongan i adínea, ḷoḷaki bo bobay namangoi nohibur bo nodondouḷug kon inia, táe sia in doí dondouḷugan, Gumannea, “Modapot in matoi umurankubí ombaḷan in sia.” Natuata in nobaḻí, ki Yakub umuran nongombaḷ sin ki Yusup ki adínea tatua.

DATU MITA 2 9:32

Iḷumangag in ki Yehu kon jandela bo noguman, “Ki ine in moibog kon inakó?” Nokodongogmai kon tua, doyowa toḷu in pogawai in komaḻig iḷumongow monag.

ESTER 1:12

Táe naonda in bobantung mita tatua nopotaau in parenta i datu kon i Bokí Wasti, ki bokí in doíbí namangoi, dá sinumorúdon totok in ki datu.

ESTER 4:3

Bo kon bayongan in propinsi, intau mita in Yahudi nongombaḷ bo nogamui naonda in parenta i datu pinotaau. Nopuasa in mosia, nongombaḷ bo nopongadu, bo nobayong in kon sigad monia in nomaké in sosapi bo inumuḻid kon ḷobud.

ESTER 4:5

Bo ki Ester in nogoiní kon i Hatah, pojabat tobatú inta pinotabá i datu mobantung kon i Ester. Pinotabánea in ki Hatah moḻibó kon i Mordekhai mongo onu in nobaḻí bo nongonu sin momiabí kon natua.

MAZMUR 77:2

Noḷangon in pinokokuaniku kon i Allah; noḷangon in kuaniku, bo inindongogan-Nea in akuoi.

YESAYA 56:3

Intau ango-angoi inta dinumugang kon umat i Tuhan in diábí motaau in moguman, “ki Tuhan in diá nobogoi kon inakó mosumba kon i-Nia noyotakin in umat-Nea.” Intau inta kinabiri in diábí motaau morai “Akuoi in diábí motaau mobaḻí indugang in umat i Tuhan, sin Akuoi in diá mokouḻí kon buí.”

YEREMIA 31:15

Ki Tuhan in noguman, “Kon Rama kinodongogan in ombaḷ, bo amui inta takindon in ajar in gina. Ki Rahel in nongombaḷ kon i adínea mita, sia in doíbí ḻipoion sin diádon in mosia.

OUMAN IN RASUL MITA 8:27

Dá nobuat domandon in ki Pilipus bo minayá. Dodai intua oyúon tobatú pogawai moḷantud kon komaḻig in Etiopia. Sia tua intau inta pinirisaya mokadai kon bayongan kapunyaan i Sri Kandake, bokí kon butá in Etiopia. Intau tatua in namangoi nosambayang kon Yerusalem bo naonda in mobuidon, sia in sinumakoi kon keretanea. Kon bonu in binayáannea tatua sia sindaḷan mobaca kon buk i Nabi Yesaya.

SAMUEL 1 8:15

Gobá in tudunea bo gobá in anggurmu poigumanneadon kon pajak mopuḷú noporosen nongkon bungai in boyó, bodongka ogoinea kon porwira mita bo pogawainea mita.