ESTER 4:16 - Alkitab Singog In Mongondow Masa In Tanaa

¹⁶ “Sipundon in bayongan intau in Yahudi inta kon Susan bo sambayangai in akuoi. Dika mongaan bo monginum in toḷu nosinggai bo toḷu nogobii in koonggotnea. Akuoi tontaní bo mongodeaga mita inta nobantung kon inakó in mopuasabí doman. Mopaḷut mako kon tua akuoi in mayá kon tayowon i datu, umpakabí ḻimimpat tua kon undang-undang. Aka akuoi bo musti matoi popisí intua, dá biódon mako in akuoi matoi!”

ESTER 4:16 Iomraidhean Croise

KINOBAḺIAN 18:19

Sia ain piniḻí-Ku sinbá motundú kon i adínea mita bo kon buínea sinbá motoindudui kon i-Nakó bo mogaid kon onu inta mopia bo moadil. Aka soaḷ tatua aidan monia, yo bayongan in dandi-Ku kon i Abraham in intompodan-Ku.”

KINOBAḺIAN 43:14

Poigumon mako ki Allah Inta Totok in Mokawasa mopobaḻí kon i gubernur tatua motabi kon i monimu, dapot in moibogdon in sia mopobui mangoi kon i Benyamin bo kon i Simeon kon i monimu. Yo akuoi naa, aka mustibí kobuḻian i adíku mita, yo donaaidon mako aka tuabí in mobaḻí.”

SAMUEL 2 10:12

Mokoporoton kon gina! Koḻigai kita mokopobarani in moḷongasi sin kopontingan in bangusa naton bo kopontingan in kotá mita i Allah naton. Igumon mako ki Allah in mogaid kon onu in koibog-Nea.”

DATU MITA 2 7:4

Aka tumuot in kita kon kotá, yo matoi in kita in gogoy; bo aka umuran doman kon naa in kita, yo matoibí doman. Maníka bo mayádon in kita kon pinononḷoḷaigan in intau in Siria. Paling-paling ḻimodonbí monia in kita. Táe kamungkinan doman diábí onuon monia in kita.”

TAWARIKH 2 20:3

Noondok in ki Yosapat bo nosambayang in sia nopoigum in totundú i Tuhan. Onda intua sia in nomarenta sinbá bayongan in rayat mopuasa.

EZRA 8:21

Bo kon bingkí in Ongkag in Ahawa tatua akuoi nopotaau kon mosia komintan in mustibí mopuasa bo tumonsiup kon tayowon i Allah. Kami in nosambayang sinbá ki Allah in nokapit kon inami kon binayáan tatua, bo mogoḻiung kon inami, kon i adí mita nami bo bayongan in kapunyaan nami.

ESTER 4:15

Dá ki Ester in nokidia in habar tanaa kon i Mordekhai,

ESTER 4:17

Bo minayádon in ki Mordekhai bo nogaid kon bayongan inta pinongoyow i Ester kon inia.

ESTER 4:3

Bo kon bayongan in propinsi, intau mita in Yahudi nongombaḷ bo nogamui naonda in parenta i datu pinotaau. Nopuasa in mosia, nongombaḷ bo nopongadu, bo nobayong in kon sigad monia in nomaké in sosapi bo inumuḻid kon ḷobud.

ESTER 5:1

Kon singgai intoḷunea kon pinopuasaannea, ki Ester in nogiḷambung in ḷambung bokí, bo minayá in palas kon bonu in komaḻig bo sinimindog kon tayowon in ngara in bobakidan. Ki Datu in ḻimitú mako kon ḷoḻitúannea sinumayow in ngara tatua.

ESTER 9:31

Surat tatua in noguman doman sinbá mosia bo buí monia in mustibí monanob kon singgai mita in Purim podudui in singgainea, ná doman mosia monorop kon singgai mita popuasaan bo singgai mita ponogumatoian. Tuata in tombonu in surat i Mordekhai bo i Ratu Ester.

YESAYA 22:12

Kon tungkuḷ intua ki Tuhan Inta Totok in moḷantud bo Inta Totok in mokawasa nopotabá kon i monimu nongombaḷ bo nogamui, nongarug kon buok bo nogibintoḷ.

YEREMIA 36:9

Kon buḷan in siownea kon taong iḻimanea kon pinomarentaan i Yoyakin datu in Yohuda, rayat nopuasa, sinbá mokouḻí kon totabi nongkon i Tuhan. Intau inta nogutun kon Yerusalem bo intau inta namangoi nongkon kotá mita in Yohuda, komintan nopuasa.

DANIEL 2:18

Pinotabánea in mosia nosambayang kon i Allah kon soroga sinbá totabion-Neapa in mosia bo mopotaau in bonu in togoindop tatua. Takin natua dá mosia in diábí hukumon matoi poyotakinon in intau mongopandoi ibanea.

MATIUS 12:40

Sin naonda in ki Yunus toḷu nosinggai bo toḷu nogobii kon bonu in sian in toyá, yo natua doman in ki Adí Intau in mogutun kon gantog in butá toḷu nosinggai bo toḷu nogobii.

LUKAS 9:24

Sin intau inta tongá umuran moibog mogaid kon oaidannea tontaní, kobuḻian in kobiagannea, táe intau inta moibog moḻiong kon rupa-rupa sin mogaid kon oaidan-Ku, mosaḷamat in sia.

YOHANES 19:22

Táe ki Pilatus in notubag, “Onu inta ain pinaisku, diá bidon motaau baḷuian.”

OUMAN IN RASUL MITA 10:7

Naonda in minayádon malaekat inta noguman kon i Kornelius tua, ki Kornelius in nogoiní kon bobantungnea doyowa bo tontara tobatú inta totok in motoindudui.

OUMAN IN RASUL MITA 20:24

Táe tua in diábí hirauonkumai matoi kabí asaḷ bo oaidan inta pinoki aid i Tuhan Yesus kon i nakó in moḷapatku aidan bo ginaku in umuran motantú modapot in kopaḷutan kobiaganku naa kon akuoi in mustibí mopoyaput in Habar Mopia inta ain pinonotabi i Allah kon i naton.

OUMAN IN RASUL MITA 21:13

Táe ki Paulus in noguman kon i monia, “Nongonu sin mongombaḷbí in moiko naníon, bá kotaauan monimu kon ombaḷ monimu nion totokbí in mokororiga kon ginaku! Akuoi in diá bidon moondok, deemanbí tongá togoton, umpakabí modapot in matoi kon Yerusalem sin mopotaau in Habar Mopia nongkon i Tuhan.”

OUMAN IN RASUL MITA 27:33

Naonda in motoyongdon momuká in mata in singgai, ki Paulus in nonongganut kon bayongan intau kon tua sinbá mongaanpa. Sia in noguman nanaa, “Aindon mopuḷú bo opat nosinggai in koonggotnea moiko in dongkadon mogoḷat mako bo monahang doman mako in gogoy.

OUMAN IN RASUL MITA 9:9

Toḷu nosinggai sia in diá nokoontong bo solama intua diá doman nongaa-ngaan bo diá doman nonginu-nginum.

SURAT I PAULUS KON JAMAAT RUM 16:4

Mosia tua ain nopotaru in nyawa monia sin moposaḷamat kon inakó. Akuoi takin jamaat mita inta deeman intau in Yahudi mopoyaput in sukur moantó kon i monia tua.

PILIPI 2:30

Sin lantaran oaidan i Kristus dá gogió in sia bo minatoi; norelabí totok in sia in nopotaru in nyawanea monoḻiu kon i monimu mobantung kon inakó moginḷapat kon onu inta diápa noḷapat.

YOSUA 24:15

Aka kuma bo moiko doí mogundoi kon i Tuhan, ponantúdon kon tosingogon in singgai naa doman ki ine in koibog monimu sumbáan: kon i ilah mita ibanea inta sinumba in mogoguyangmu kon Mesopotamia koḻipod ande kon ilah mita in intau in Amori inta butánea in pinogutunan monimu masai naa. Táe kami – akuoi bo tombonu in baḷoiku – in umuranbí mogundoi tongá kon i Tuhan.”

SAMUEL 1 19:5

Sia ain nopotaru in kobiagannea kon dodai in noḻimod kon i Goliat, bo ki Tuhan nobogoidon in kauntungan moḷoben kon Israel pinongin inia. Ki Amá tontaní in nokoontong kon onu inta nobaḻí tatua, bo nopia in gina i amá in nokoontong kon dodai intua. Dá, nongonu sin tanaa in ki Amá in moibogbí mopororigamai kon intau inta diá kotaḷá bo moibog moḻimod kon i Daud takin diá in kinodoyonannea?”