ESTER 3:9 - Alkitab Singog In Mongondow Masa In Tanaa

⁹ Aka diá mobogat in gina i Tuang, dá mopia-piabí kon poḷuaion in surat parenta moyopú kon i monia. Bo aka ki Tuang moibog motarima kon onu in pinoigum in bobantung naa, dá notantú bidon kon bobantung naa in mokoogoibí kon noiḻiu kon 340.000 nokilo in saḷaka kon bonu in poti i Tuang.”

ESTER 3:9 Iomraidhean Croise

KINOBAḺIAN 23:16

Noibog in ki Abraham kon boḻi inta sinantúnea tatua. Sia in nogiapdon kon doit saḷaka inta pinoguman i Epron inta opat nogatut tatua, podudui in pogogiapan in intau mita mopopotaḷui. Bo inuboḻianneadon kon i Epron, takin koonto-ontong in bayongan intau in Het kon tua.

ESTER 3:10

Nokodongogmai kon tua, ki datu in norabut kon sisingnea nongkon gongguyamúnea inta kopake-pakénea sin mocap kon pongumuman mita inta sinotaaunea, bo inogoinea kon i Haman, musung moḷoben in bangusa Yahudi.

ESTER 3:8

Bo ki Haman in noguman kon i datu, “Tuang, oyúon in bangusa tobatú inta mokoherang inta noibaya-bayá mako kon batúan in propinsi in dodatuan tanaa. Adat kabiasaannea in noyoposibí totok in bangusa mita ibanea. Mosia in doíbí dinumudui kon hukum mita in dodatuan. Dá, maníka ki Tuang in dikadon mopomayá mako in mosia mogaid kon onuka in kinoibog monia.

ESTER 4:7

Inouman i Mordekhai kon inia onu inta nobaḻí bo tongonu in kobayong in doit saḷaka inta pinodandi i Haman kon bonuon kon poti in datu, naonda in mopaḷut mako ḻimodon komintan in intau in Yahudi.

ESTER 7:4

Sin bobantung bo bangusa in bobantung naa in pinotaḷuidon sin ḻimodon. Aka kuma bo kami naa in tongábí pinotaḷui sin baḻíon ata, dá tongábí in bobantung naa kibio-biómai bo diábí monuyayow kon i Tuang. Táe tanaa in kami ḻimodon bo putúan!”

DANIEL 3:8

Tongonumai in intau in Babel nomaké kon kasampatan tatua sin mopobodito kon intau in Yahudi.

MATIUS 18:24

Naonda in sia momangkoidon mogiap, pinotayowdon in tobatú intau inta koboḻi kon pulúan juta,