ESTER 3:4 - Alkitab Singog In Mongondow Masa In Tanaa

⁴ bo pomuḷoi in singgai mosia in momakisa kon inia sinbá dumuduidon kon parenta tatua, táe sia in doíbí mokidongog. Gumannea, “Akuoi in intau in Yahudi; akuoi in diábí motaau in tumungkud kon tayowon in intau.” Bo mosia nopotaau intua kon i Haman sin mosia in moibog monotaau mongo onu in popoaid i Haman kon i Mordekhai.

ESTER 3:4 Iomraidhean Croise

KINOBAḺIAN 39:10

Umpaka ki buḷoi Potipar umuran modondouḷug kon i Yusup pomuḷoi in singgai, táe tayowmobiag tatua in umuranbí doman doí mosiug takinnea.

EZRA 1:3

Igumon mako ki Allah moḷukad kon i monimu komintan inta nobaḻí umat-Nea. Moiko in mustibí mobui kon Yerusalem bo moposindog bui in Baḷoi Tuhan, Allah in Israel, ki Allah inta nogutun kon Yerusalem.

ESTER 3:3

Pogawai mita ibanea kon komaḻig in noḻibó kon inia nongonu sin sia in ḻimimpatbí kon parenta i datu,

ESTER 3:5

Ki Haman in sinumorú totok kon dodai in nokotaau kon ki Mordekhai in doí tumonsiup kon inia.

DANIEL 3:12

Táe tongonumai in intau in Yahudi inta ain inogoian i Tuangku in oaidan saḷaku pomarenta kon propinsi in Babel ain nonganggap kon diábí in mangaḻenea in parenta i Tuangku tatua. Mosia tua in ki Sadrakh, ki Mesakh bo ki Abednego. Intau mita tatua in doíbí mosumba kon ilah mita i Tuangku bo doí doman mosumba kon patong buḷawan inta pinosindog i Tuangku.”

DANIEL 6:13

minayádon in mosia komintan kon i datu sin mopongadu kon i Daniel. Mosia in noguman, “Ki Tuangku in notekengdon kon surat parenta inta moguman kon diápa ogoi in bayongan intau kon bonu in toḷu nopuḷú nosinggai naa in mopoyaput in oigum kon i dewanea andeka kon intau koḻikudbí in kon i Tuangku! Bo noguman doman, kon ki ine in ḻimimpat kon parenta tatua yo pogambatbí kon bubú in singa?” Ki Datu in notubag, “Totuu, bo parenta tatua in nobaḻídon undang-undang in Media bo Persia inta diábí motaau inggamáan bui.”

YUNUS 1:9

Tubag i Yunus, “Akuoi naa intau in Ibrani. Akuoi in nosumba kon i Tuhan Allah kon soroga, inta nomaḻí kon dagat bo toba.”