ESTER 3:1 - Alkitab Singog In Mongondow Masa In Tanaa

¹ Diá noonggot kon tua ki Datu Ahasyweros noduí kon intau tobatú inta ki Haman in tangoinea nobaḻí perdana menteri. Ki Haman in ki adí i Hamedata nongkon buí in Agag.

ESTER 3:1 Iomraidhean Croise

KINOBAḺIAN 41:40

Iko in baḻíonku gubernur, bo bayongan rayatku in dumuduibí kon parentamu. Tongábí kawasaku tontaní in kon naa in moḷantu-ḷantud nongkon kawasamu.”

KINOBAḺIAN 41:55

Kon dodai intau mita in Mesir momangkoidon momalarat, mosia namangoi noigum kon kaanon kon i datu. Bo ki datu in nopotabá kon i monia mayá kon i Yusup bo dumudui kon bayongan inta parentaan i Yusup kon i monia.

EZRA 7:14

Sin akuoi takin mononongginaku taya pitu in nopotabá kon i Utat mayá in Yerusalem bo Yohuda sin monaridi kon kaadaannea bo moindoi mongo Hukum i Allah inta pinoki kadai kon i Utat, in totu-totuu dinuduian.

ESTER 1:14

Naa in monononggina mita inta mokakit oiníon i datu: ki Karsena, ki Setar, ki Admata, ki Tarsis, ki Meres, ki Marsena, bo ki Memukan. Mosia tua in intau mita moḷoben in Persia bo Media inta koḷoḻitúan moḷantud totok kon dodatuan.

ESTER 3:10

Nokodongogmai kon tua, ki datu in norabut kon sisingnea nongkon gongguyamúnea inta kopake-pakénea sin mocap kon pongumuman mita inta sinotaaunea, bo inogoinea kon i Haman, musung moḷoben in bangusa Yahudi.

ESTER 5:11

Bo ki Haman in nongonguman kon ambungangaḷ kon i monia bo nopoontong in kaoyúonannea, kobayong in adínea ḷoḷaki, ḷoḻitúan pomomarentaan inta inogoi i datu, bo pangkatnea inta moḷantu-ḷantud nongkon bayongan in pogawai ibanea.

ESTER 7:6

Ki Ester in notubag, “Ki Haman inta moraat tanaa in musung bo inta momogutú kon inami!” Takin noondok totok ki Haman inimindoi kon i datu bo kon i bokí.

ESTER 8:3

Nopaḷut mako kon tua ki Ester bui namangoi kon tayowon i datu. Sinumungkud in sia takin koomba-ombaḷ bo nopoigum kon i datu monginggamá kon tomayá moraat inta inaidan i Haman kon intau in Yahudi.

MAZMUR 12:8

Intau moraat modondaḷoi magí-mako, aid moraat duíon in bayongan in intau. Táe Iko in moḷukad kon inami, o Tuhan, ḷukadaipa in kami nongkon intau mita inta moraat tatua.

AMSAL 29:2

Aka intau moadil in momarenta, mopia in gina in rayat. Táe aka intau moraat in mongawasa, yo mororiga in rayat.

MOHOHUTUBA 10:6

Intau bodok in inogoian ḷoḻitúan moḷantud, bo intau inta mopandoi in diá nokouḻí kon onu bo onu.

DANIEL 6:2

Ki Darius nosilai kon dodatuannea nobaḻí mogatut bo doyowa nopuḷú nopropinsi inta kon batúannea pinarenta in gubernur.

PINOGIAPAN 24:7

Mosia nokouḻí kon tubig in uyan inta mobayong totok, bibit in pinomuḷa mokouḻí kon tubig mobayong. Datu monia in mobaḻí ponango-nangoian, moiḻiu kon i Agag, bo dodatuannea in totok poḷantudon.

SAMUEL 1 15:33

Táe ki Samuel noguman, “Ná doman onda bo pitowmu inta nokopopisí kon nobayong in guyanga bobay kinobuḻian in adí monia, yo natua doman in ki inámu kobuḻian i adínea.” Bo ki Samuel nonibat kon i Agag nodapot in minatoi kon tayowon in mezbah kon Gilgal.

SAMUEL 1 15:8

Bayongan in rayat bo tontara in intau in Amalek iḻimod i Saul. Táe ki Agag datu in intau in Amalek in dinomok bo pinomayá mako i Saul takin tontaranea nobiag, natua doman in bayongan domba bo sapi inta totok in mongopia, ki adí in sapi bo ki adí in domba inta totok in noḷongó, bo bayongan in onu inta koboḻi; tongábí bobiagon inta diá in mangaḻenea bo inta diá koboḻi tua in iḻimod.