ESTER 2:6 - Alkitab Singog In Mongondow Masa In Tanaa

⁶ Ki Mordekhai in dinakopdon kon dodai in Yerusalem sinaḷow i Nebukadnezar, datu in Babel. Ki Mordekhai in dinia pinobayá in Babel noyotakin i Yoyakin, datu in Yohuda, bo nobayongpa doman in intau dinakop ibanea.

ESTER 2:6 Iomraidhean Croise

DATU MITA 2 24:12

bo ki Datu Yoyakhin takin i inánea, i adínea mita, in porwiranea mita takin pogawai mita in komaḻignea sinumungkud kon i Nebukadnezar. Bo ki Yoyakhin in sinahang. Tua in nobaḻí kon taong noginwaḷu kon pinomarentaan i Nebukadnezar.

TAWARIKH 2 36:20

Rayat inta nobiagpa in dinianea kon Babel. Kon tua in mosia nobaḻí ki atanea bo ki ata in buínea nodapot in kon tungkuḷ in dodatuan Persia nongawasa.

YEREMIA 22:24

Ki Tuhan in noguman kon i Datu Yoyakhin, ki adí ḷoḷaki i Yoyakin datu in Yohuda, “Podoyon kon i-Nakó, Allah inta nobiag, poguman-Ku kon umpaka iko nion aka kon i-Nakó naonda bo sising meterai kon ḻima koḷanan-Ku, táe iko in rabuton-Kubí

YEREMIA 22:28

Akuoi ki Yeremia in noguman, “Degá ki Datu Yoyakhin in nobaḻídon naonda bo kuyon noḷosi inta iḷumbú bo kinodoídon? Tua degá in mangaḻenea kon sia bo ki adínea mita in untunon bo ḷumbúon kon butá inta diá kinotaauan monia?”

YEREMIA 24:1

Kon singgai tobatú naonda in ki Yoyakhin ki adí ḷoḷaki i Yoyakin datu in Yohuda noyotakin in pojabat pomarenta in Yohuda, mongogurig mita bo intau mita inta totok in motaau mogaid kon oaidan monia inakut i Nebukadnezar datu in Babel, bo dinia saḷaku intau dinakop nongkon Yerusalem pinobayá in Babel, ki Tuhan in nobogoi in tobatú oontongon kon inakó. Akuoi in nokoontong kon karansi doyowa binonuan in bungai in ara noiukat kon tayowon in Baḷoi Tuhan.