ESTER 2:23 - Alkitab Singog In Mongondow Masa In Tanaa

²³ Pelekara tatua in sinarididon, dá noniata magí kon totuubí intua. Intau doyowa tatua ihukum ginantong. Podudui in parenta i datu, onu inta nobaḻí tatua pinais kon bonu in buk ouman in dodatuan.

ESTER 2:23 Iomraidhean Croise

KINOBAḺIAN 40:19

Toḷupa nosinggai naa ki datu mopotabádon kon intau momongkó kon uḷumu bodongka bambéonnea in mayatmu kon oigi tobatú, bo ḷagapan mita mamangoi mokaan kon tapúmu.”

KINOBAḺIAN 40:22

Táe inta mopoposadia kon kaanonnea ihukum dapot in minatoi. Tua komintan in nobaḻí notongkai ná inta ain pinoguman i Yusup.

EZRA 4:15

sinbá ki Tuang mokitayak in surat mita in mogoguyang mita i Tuang. Nongkon tombonunea kotaauandon i Tuang kon kotá in Yerusalem moibogbí momarontak bo nongkon koḻipodpabí umuran mokoporugimai kon datu mita bo pongawasa in propinsi. Intaunea mita in umuranbí mororiga tongganutan. Tuamai in kotá tatua in irimumudon.

ESTER 10:2

Bayongan in aidnea inta moḷoben bo inta motoyang, bo ouman doman inta notompod kon soaḷ naonda in sia noduí kon i Mordekhai nobaḻí pojabat inta moḷantud, in pinais kon bonu in buk ouman in datu mita in Persia bo Media.

ESTER 5:14

Nokodongogmai kon tua ki buḷoinea bo bayongan in totakinnea noguman, “Pokiaidaidon in oigi pobambéan inta koḷantudnea in doyowa nopuḷú bodoyowá nometer. Bo mopoikoḷomai, doḷo-doḷom poigumdon kon i datu mobambé kon i Mordekhai kon oigi tatua. Dá motaaudon in iko mayá kon bobutungan tatua takin pia in gina.” Aka kon i Haman yo mopiabí totok in tosingogon tatua, tuamai in ḷagidon sia nokiaid in oigi pogantongan tatua.

ESTER 6:1

Kon doḷom doman tatua ki datu diá nokosiug. Tuamai in pinoki gamánea in buk inta pinomaisan kon onu in nobaḻí kon dodatuan bo pinoki baca kon intau.

ESTER 7:10

Natuata in nobaḻí ki Haman pinobambé kon oigi inta ain pinosindognea kon i Mordekhai. Nopaḷut mako kon tua noinggamádon in torú i datu.

MALEAKHI 3:16

Bo intau mita inta moondok kon i Tuhan in mosigumanan, Ki Tuhan in nokodongog bo nonaridi kon onu inta siningog monia. Intau mita inta nohoromat kon i-Nia bo inta notoguondok kon i-Nia, pinais in tangoinea kon bonu in buk pomomaisan inta kon tayowon-Nea.

YOSUA 8:29

Datu in kotá tatua in binambé kon oigi tobatú, bo pinomayá mako nodapot in ḷoḷabungnea. Kon dodai in mata in singgai sinumoyop, pinoki gamádon i Yosua in mayat tatua bo iḷumbú kon tayowon in ḷoḻingkop moḷoben in kotá. Onda intua tampat tatua binumbunan in batu inta mobarong totok. Batu mita tatua umuranpabí oyúon nodapot in tanaa mako.