ESTER 2:18 - Alkitab Singog In Mongondow Masa In Tanaa

¹⁸ Nopaḷut mako kon tua, ki datu in nomia kon rame moḷoben sin pohoromatan kon i Ester bo nogoiní kon bayongan in pogawainea bo intaunea mita moḷoben. Sia in nopotaau kon singgai pogogaian kon bayongan in dodatuan bo nosilai-silai mako kon tombuinag inta mobayong totok.

ESTER 2:18 Iomraidhean Croise

KINOBAḺIAN 29:22

Ki Laban nomia kon rame ponikaan bo nogoiní kon bayongan intau kon kotá tatua.

NEHEMIA 8:11

Bo intau mita in Lewi in nopoonow domandon kon rayat bo nobui-buimai in noguman, “Dika morobonoḷ in gina in kon singgai inta mokudus naa.”

ESTER 1:7

Ki datu in noposadia in anggur inta mobarong totok inta binonu kon seré mita buḷawan inta noyagi-yagimai.

ESTER 9:22

Sin kon singgai mita tatuata in mosia nonaḷow kon musung mita monia, dá robonoḷ bo nakit in gina monia nobaḷui pia bo sanang in gina. Tuamai mosia in mustibí momia kon ponanoban kon singgai mita tatua pongin bobutungan bo mongaan poḷat mosiogoian in kaanon bo mosilai kon totuḷung kon intau nobiag nobogá.

DONDONG MOḶANTUD 3:11

Ḷuaidon, ei mongodeaga mita in Sion, indoiaidon in ki Datu Salomo takin topí in datu inta pinoḷutud i inánea, kon singgai pinonikaannea, kon singgai sia noḷunganga.

DONDONG MOḶANTUD 5:1

Akuoi in namangoi in gobáku, batoḷ in dodobku, buḷoiku, sinipunku in taḷong mobondu bo toyokayuku mita; kinaanku in ḻipú in pasukan bo bilukku, ininumku in susu bo tubig in anggurku. Pongaan bo ponginumdon yobayat mita, ponginumdon modapot in moḷoḷangu in totabian.

MATIUS 22:2

“Aka ki Allah in momarenta, yo naonda bo poumpamaan tanaa: Tobatú datu inta nogaid kon rame sin ponikaan i adínea.

MARKUS 6:21

Pangabisannea ki Herodias nokouḻí kon kasampatan kon dodai in kinotompodan umur i Herodes. Dodai intua ki Herodes nogaid kon rame kon i monia inta nokadai kon jabatan mongoḷantud kon dodatuan, mosia inta porwira bo itoi mita in ḻipú in Galilea.

LUKAS 14:8

“Aka oyúon in intau mogoiní kon i monimu mayá in ponikaan, yo donaai moiko muna-munamai mayá bo ḻimitú kon tampat inta mopira totok, sin dikabo oyúon doman intau ibanea inta inoiní monia in moponti-ponting nongkon i monimu,

WAHYU 11:10

Moḷungangabí totok gina in bayongan intau kon dunia naa in mokoontong kon mayat in sakusi doyowa tatua. Porameanbí monia in kinopatoian nayadua tua. Bo mosia mosiogoianbí in tombuinag, lantaran nabi doyowa tatua ain nopoangoi in roriga moantó kon bayongan intau kon dunia naa.

WAHYU 19:9

Bo malaekat tatua in noguman kon inakó, “Paisdon in naa: ‘Mosanangdon totok in intau inta inoiní mamangoi in rame ponikaan i Adí in domba tatua.’ ” Malaekat tatua in noguman doman bui kon inakó, “Habar tanaa in totu-totuubí nongkon i Allah.”

SAMUEL 1 25:8

Tungkuḷaidon ḻibó kon i monia, notantúbí kon totuuon monia intua. Manangka intua, haraponku mako sinbá intauku mita in tarimaan mopia kon baḷoimu, sin kami in namangoi kon singgai moḷoben naa. Ogoiaipa kaasí in bobantungmu mita naa bo akuoi, ki Daud, inta yobayatmu mopia, tongáka onu in koibogmu ogoi.”