ESTER 2:17 - Alkitab Singog In Mongondow Masa In Tanaa

¹⁷ Siabí in kinosanang bo kinopia in gina i datu nongkon sigad in mongodeaga mita ibanea. Tuamai in kinotabi totok i datu in sia. Dá pinopoḷutudandon i datu in mahkota in dodatuan in uḷu i Ester bo binaḻí bokí in sia nomaḷui kon i Bokí Wasti.

ESTER 2:17 Iomraidhean Croise

ESTER 1:11

Pinotabánea in mosia modia mangoi kon i Bokí Wasti poḷat mogisapoyo in sapoyo in dodatuan. Ki bokí tatua in moḷunat totok, bo moibog in ki datu mopoontong in koḷunatnea kon intau mita moḷoben bo bayongan in mokokiangoinea.

ESTER 2:16

Natuata, kon taong impitunea kon pinomarentaan i Ahasyweros kon buḷan impuḷúnea, inta buḷan Tebet, ki Ester dinia kon tayowon i Datu Ahasyweros kon komaḻig in datu.

ESTER 4:14

Intau in Yahudi in notantúbí kon mokouḻí kon totuḷung naondaka in daḷannea modapot in mosia mosaḷamat. Táe aka iko bo tongá kibio-biómai kon bonu in kaadaan ná tanaa, yo iko tontaní in matoibí doman bo motoḷuadí i amámu in modait bidon in oumannea. Dika bo dika, iko in piniḻí bokí popisíbí in kaadaan ná tanaa!”

AMSAL 21:1

Naonda bo pononompia i Tuhan kon tubig in ongkag sinbá moiḻig podudui in ibog-Nea, natua doman in pokokapit-Nea kon raian in datu.

YEHEZKIEL 17:24

Bayongan in pangkoi in kayu kon butá in monotaaudon kon Akuoibí in ki Tuhan. Pangkoi in kayu inta moḷantud in pupuḷon-Ku; pangkoi in kayu inta moompá in baḻíon-Ku moḷantud moiḷontú. Pangkoi in kayu inta motoḷubú in ingkagan-Kudon; bo pangkoi in kayu inta noingkag in poponubú-Kudon bo momungai. Akuoi, ki Tuhan, ain nosingog, bayongan inta siningog-Ku in mobaḻíbí.”

SAMUEL 1 2:8

Nongkon roriga binuat-Nea in intau inta diá koonu bo onu, nongkon roriga pinoḷuat-Neadon in intau inta mokooyá. Mosia in binaḻí-Nea yobayat in intau mita moḷoben, bo inogoian in tangoi moḷantud. Aip in butá naa ki Tuhanbí in kitogi, kon ḻimonikannea pinosindog-Nea in dunia.