ESTER 2:14 - Alkitab Singog In Mongondow Masa In Tanaa

¹⁴ Sia in dinia kon komaḻig i datu kon dodai in doḷom, bo nopoikoḷomai kon singgai sia in diaan kon komaḻig ibanea, bo tompiaan i Saasgas, pojabat tobatú inta moindoi kon pahang i datu. Mongodeaga tatua in diá bidon mayá kon tayowon i datu, koḻikudbí in aka moibog in ki datu bo mogoiní kon inia podudui in tangoinea.

ESTER 2:14 Iomraidhean Croise

KINOBAḺIAN 34:19

Bo ki Sikhem noibogdon ḷagi dinumudui kon onu in sarat tatua popisí in totokdon ibognea kon i Dina. Kon sigad in bayongan ginaḷum motoḷuadí monia ki Sikhemdon naa inta totok in ihoromat monia.

ESTER 2:13

Kon dodai in mongodeaga tobatú tumayow kon i datu, motaaubí in sia momaké kon onu in koibognea.

ESTER 2:15

Dá noidapotdon kon i Ester in wakutu mayá in tayowon i datu. – Ki Ester in ki adí i Abihail inta ki adí in doyowa mogutat i Mordekhai intau inta nomaḻí kon i Ester ki adínea tontaní; ki Ester in kinosanang in bayongan intau inta mokoontong kon inia. Naonda ain sia minayá kon tayowon i datu, ki Ester in nogiḷambung in ḷambung podudui in topotundú bo tonggina i Hegai, tongguḷu in komaḻig in bobay.

ESTER 4:11

“Komintan intau, pinomayá ḷoḷaki andeka bobay, inta aka diá inoiní, bo mamangoi kon tayowon i datu kon palas kon bonu in komaḻig, in mustibí hukumon matoi. Tua in nobaḻí undang-undang bo bayongan in intau pinangkoi kon monononggina i datu nodapot kon rayat kon bayongan in propinsi, nonotaaubí kon tua. Tongábí tobatú in daḷan sinbá moisimparut nongkon undang-undang tatua, tuata in aka ki datu mopotundú in tungkudnea buḷawan kon intau tatua. Aka tua bo mobaḻí, yo mosaḷamat in sia. Táe ain tobuḷan naa diá in akuoi inoiní i datu.”

YESAYA 43:1

Israel, nanaa in guman i Tuhan, “Akuoibí in inta nomaḻí bo inta nomia kon inimu, dika moondok, iko in notantú bidon kon posaḷamaton-Ku! Akuoi in nogoinídon kon inimu pinongin tangoimu, iko in Akuoi in kitogi.

YESAYA 45:4

Iko in inoiní-Ku bo inogoian-Ku in donoi, umpakabí diá kinotaauanmu in Akuoi. Potabá-Ku in iko motuḷung kon Israel mogogundoi-Ku, sin mosia in bangusa inta piniḻí-Ku.

ULANGAN 21:14

Aka kon singgai moiduduimai bo iko doídon kon inia, iko in motaau bidon mopotabá kon inia kon ondaka in koibognea bo moiḷuatdon. Sia in diábí motaau baḻíonmu ná ata ande potaḷuimu, sin sia aindon pinakisamu mosiug takinmu.”