ESTER 2:12 - Alkitab Singog In Mongondow Masa In Tanaa

¹² Podudui in atorang, bobay mita in tompiaan kopiraan sinbá modugang motaingkat kon bonu in totaong: onom nobuḷan in pakéan in ḷana baukan in kamania, bo onom nobuḷan moiduduimai in pakéan ḷana baukan in mongo bo mongobondu ibanea. Nopaḷut mako kon tua, kon batúan in mongodeaga mokouḻí kon wakutu mayá kon tayowon i Datu Ahasyweros.

ESTER 2:12 Iomraidhean Croise

ESTER 2:11

Pomuḷoi in singgai ki Mordekhai modondaḷoi kon palas kon tayowon in komaḻig in bobay tatua sin moḻibó kon kaadaan i Ester bo onu in nobaḻí kon inia.

ESTER 2:13

Kon dodai in mongodeaga tobatú tumayow kon i datu, motaaubí in sia momaké kon onu in koibognea.

ESTER 2:3

Ki Tuang in musti moduídon kon pogawai mita kon bayongan in propinsi in dodatuan tanaa sin motayak kon mongodeaga mita inta mongoḷunat bo diaan monia komintan kon komaḻig in bobay kon Susan naa. Ki Hegai, pojabat inta ain sinantú nobaḻí tongguḷu in tombonu in komaḻig in bobay, in moindoi kon i monia bo monompia kon koḷoḷunat monia.

ESTER 2:9

Ki Hegai in noitongau totok in nokoontong kon i Ester bo noibog kon inia. Dá ḷagidon pinakéan in inta mokotaingkat bo inogoian in kaanon inta ain sinantú. Ki Ester in pinamping kon tampat inta totok in mopia kon komaḻig in bobay tatua bo mongodeaga pitu inta totok in mokaḻet kon komaḻig i datu in pinoki bantungan kon inia.

AMSAL 7:17

bo ain binutakanku in taḷong mobondu, sondana bo kayu manis.

DONDONG MOḶANTUD 3:6

Onu degá intua inta namangoi nongkon padang gurun, naonda bo poyok nosipun? Kobondunea in naonda bo taḷong mobondu bo kamania, bo pupur mita mobondu nongkon mopopotaḷui.

YESAYA 3:24

Tanaa in mosia mopomaké in mongo bo mongobondu, moiduduimai mobongkogdon in bó monia. Togot in ogotan monia inta moaḷus baḷuianbí in uwoi inta mokasar. Buok in uḷu monia inta mogaga in bangkuḷuganbí. Ḷambung monia inta mongopia toḻiuanbí in inta nongoberak. Tanaa moḷunat in mosia; kon singgai moiduduimai pogot monia in diá mopia popisí in dinaḷóan.

YESAYA 57:9

Moiko in nopomaké in ḷana bo inta mongo bo mongobondu, bo mayá mosumba kon i Dewa Molokh. Moiko in mopotabá in totabá mita mayá in butá mita inta moyayú nodapot in dunia in intau minatoi.