ESTER 10:3 - Alkitab Singog In Mongondow Masa In Tanaa

³ Ki Mordekhai, intau in Yahudi tatua in tantúbí nokantang kon oaidan moḷantud kon ḻimonagan i Datu Ahasyweros. Ki Mordekhai in ihoromat bo kinoibog in intau mita tongobangusanea. Sia in noḷongasi nogaid sin kasaḷamatan bo kobiagan motompia in bangusanea bo bayongan in buí monia.

ESTER 10:3 Iomraidhean Croise

KINOBAḺIAN 41:40

Iko in baḻíonku gubernur, bo bayongan rayatku in dumuduibí kon parentamu. Tongábí kawasaku tontaní in kon naa in moḷantu-ḷantud nongkon kawasamu.”

KINOBAḺIAN 45:10

Ki Amá in motaaubí mogutun kon butá in Gosyen, modiug kon inakó – ki amá takin adí bo ompu, domba, bembé, sapi bo bayongan kapunyaan i amá.

KINOBAḺIAN 45:11

Aka ki amá kon Gosyen, yo akuoi in motaau moḷukad kon i amá. Sempo in malarat naa in ḻimapa notaong bo usahaanku sinbá ki papa takin adí mita bain ompu bo ginaḷum bo bobiagon i amá diá in matoi in gogoy.’ ”

TAWARIKH 2 28:7

Ki adí ḷoḷaki i Ahas inta ki Maaseya iḻimod i Zikhri porwira tobatú in Israel. Ki Zikhri in noḻimod doman kon i Azrikam inta kitogi totaau kon oaidan in komaḻig i datu, bo ki Elkana intau inta pinopopirisaan i Datu in oaidannea.

NEHEMIA 2:10

Táe naonda in ki Sanbalat, intau in Bet-Horon, bo ki Tobia, pojabat tobatú nongkon Amon, in nokodongog kon akuoi in namangoi kon kopontingan in bangusa in Israel, nobú totok in mosia.

ESTER 2:5

Kon kotá in Susan tatua oyúon in intau in Yahudi inta tangoinea in ki Mordekhai ki adí i Yeir. Sia in buí i Kis bo i Simei nongkon suku i Benyamin.

ESTER 3:2

Ki datu in nomarenta kon bayongan in pogawainea sinbá mohoromat kon i Haman poḷat tumungkud kon tayowonnea. Komintanbí dinumudui kon parenta tatua, koḻikudbí in ki Mordekhai.

DANIEL 5:16

Bo bagu dinongogku kon iko in mokobukat kon bayongan inta noibuni bo mokopotaau doman kon onu inta mororiga mita raion. Aka iko mokobaca kon pais tanaa poḷat mokopotaau kon mangaḻenea kon inakó, yo iko in ogoianku in pakeang dodatuan ná jubah nokamumu bo boboḷ buḷawan nobaḻí tomponuot kahoromatan. Koḻikud intua iko in baḻíonku mongongawasa nogintoḷu kon bonu in dodatuanku.”

DANIEL 5:29

Dá ḷagidon in ki Belsyazar nomarenta kon pogawainea mita sinbá mopopaké in jubah nokamumu kon i Daniel bo mopoboboḷ in boboḷ buḷawan kon sigogownea. Bo dinuínea in ki Daniel nobaḻí pongawasa nogintoḷu kon bonu in dodatuannea.

DANIEL 6:3

Ki Daniel bo intau doyowa ibanea in dinuínea sin moindoi kon oaidan in gubernur mita tatua sinbá ki datu diá porugionmai.

SURAT I PAULUS KON JAMAAT RUM 10:1

Utat mita, ibogonku totok bá bangusaku in posaḷamaton. Dá tuamai akuoi in totokdon in totu-totuu mosambayang kon i Allah sin kopontingan monia.

SURAT I PAULUS KON JAMAAT RUM 14:18

Intau inta nobantung natua kon i Kristus, sia tua inta mokosanang kon gina i Allah, bo sia in horomaton doman in intau ibanea.

SAMUEL 1 18:16

Táe bayongan intau in Israel bo Yohuda motabi kon i Daud sin sia in nobaḻí itoi inta mobayong in inaidannea inta mopia.

SAMUEL 1 23:17

Guman i Yonatan kon inia, “Dika moondok, iko in diábí kokawasaan i amáku. Kinotaauanneabí totok kon ikobí in mobaḻí datu in Israel bo akuoi in mokouḻíbí kon oaidan kon ḻimonaganmu.”