ESTER 10:2 - Alkitab Singog In Mongondow Masa In Tanaa

² Bayongan in aidnea inta moḷoben bo inta motoyang, bo ouman doman inta notompod kon soaḷ naonda in sia noduí kon i Mordekhai nobaḻí pojabat inta moḷantud, in pinais kon bonu in buk ouman in datu mita in Persia bo Media.

ESTER 10:2 Iomraidhean Croise

DATU MITA IMITÁNEA 11:41

Ouman ibanea soaḷ ki Salomo, bo bayongan inta ain inaidannea, bo soaḷ pongotahuannea aindon pinais kon bonu in buk Ouman Kinobiagan i Salomo.

DATU MITA IMITÁNEA 14:19

Ouman ibanea soaḷ ki Datu Yerobeam, pinomarentaannea bo tongganutnea noparang, ain pinais kon bonu in buk Ouman kon onu inta nobaḻí kon Datu mita in Israel.

DATU MITA IMITÁNEA 22:39

Ouman ibanea kon i Datu Ahab, bo ouman komaḻig in gading in gajah bo bayongan in kotá inta pinosindognea, in pinaisdon kon bonu in buk Ouman in Datu mita in Israel.

ESTER 2:23

Pelekara tatua in sinarididon, dá noniata magí kon totuubí intua. Intau doyowa tatua ihukum ginantong. Podudui in parenta i datu, onu inta nobaḻí tatua pinais kon bonu in buk ouman in dodatuan.

ESTER 6:1

Kon doḷom doman tatua ki datu diá nokosiug. Tuamai in pinoki gamánea in buk inta pinomaisan kon onu in nobaḻí kon dodatuan bo pinoki baca kon intau.

ESTER 8:15

Nopaḷut mako kon tua ki Mordekhai in nonaḷámaidon kon komaḻig takin nogiḷambung in ḷambung intau moḷoben inta nobidu bo nobudó, jubah nokamumu nongkon lenan moaḷus bo mahkota buḷawan inta mogaga totok. Intau kon kotá in Susan monggoḷakap mita sin noḷunganga in gina monia.

ESTER 8:2

Ki datu in noḷongkut kon sisingnea inta ain ginamánea bui kon i Haman bo inogoinea kon i Mordekhai. Bo ki Ester in noduí kon i Mordekhai nobaḻí intau inta kitogi totaau kon kapunyaan i Haman.

ESTER 9:4

Kon sinangkub in dodatuan, kinotaauan in intau mita kon ki Mordekhai tua in moḷobenbí totok in pongarunea kon komaḻig bo kodugang-kodugang domandon in kawasa nea.

MAZMUR 18:35

Sinundú-Nea in akuoi moparang, dá motaaudon in akuoi momadang kon puḷu in piot inta totok in moropot.

DANIEL 2:48

Onda intua ki Daniel inogoiannea in ḷoḻitúan inta moḷantud, sinotabiannea in tombuinag mobayong inta mongogaga, bo dinuínea nobaḻí gubernur in Babel, bo binaḻínea itoi inta totok in moḷantud kon bayongan in monononggina in komaḻig.