ESTER 1:12 - Alkitab Singog In Mongondow Masa In Tanaa

¹² Táe naonda in bobantung mita tatua nopotaau in parenta i datu kon i Bokí Wasti, ki bokí in doíbí namangoi, dá sinumorúdon totok in ki datu.

ESTER 1:12 Iomraidhean Croise

KINOBAḺIAN 3:16

Bo ki Tuhan in noguman kon bobay tatua, “Dugangan-Ku in rorigamu kon tungkuḷ in iko sidia bo kon dodai in iko mononggadí. Táe umpaka natua, iko in umuranbí doman mosiug moyotakin i buḷoimu, bo iko in tantúbí kon bonu in kawasanea.”

ESTER 1:11

Pinotabánea in mosia modia mangoi kon i Bokí Wasti poḷat mogisapoyo in sapoyo in dodatuan. Ki bokí tatua in moḷunat totok, bo moibog in ki datu mopoontong in koḷunatnea kon intau mita moḷoben bo bayongan in mokokiangoinea.

ESTER 1:13

Oyúon in kabiasaan i datu kon mopoigum in tosingogon kon intau mita inta mopandoi totok in hukum kon soaḷ hukum bo adat. Tuamai in inoinínea in mononongginanea inta nonotaau mongo onu in musti pomiaan kon pelekara ná tatua.

ESTER 7:7

Sinumorú totok in ki datu, bo sinimindog nonaḷámai kon meja bo baḷú iḻumuai, minayá in taman komaḻig. Kinotaauandon i Haman kon ki datu in nomontowdon kon tosingogon kon mohukum kon inia, tuamai in sia diábí nonaḷámai kon i Ratu Ester bo totok in mopoigum sinbá posaḷamaton.

MAZMUR 74:1

Dondong topotundú i Asap. O Allah, degá modapot in mononoi taḷaan-Mu in kami? Nongonu sin Iko in umuranbí tumorú kon umat-Mu tontaní?

MAZMUR 79:5

O Tuhan, degá modapot in mononoi tumorú in Iko, bo intoi-Mu in moborambang naonda bo tuḷú?

IḶUAIAN 32:19

Naonda in ki Musa nodiugdon kon ḷoḷaigan tatua, inontongnea in patong sapi buḷawan tatua bo intau mita motayokmai kon tua, dá sinumorúdon totok in sia. Kon tuapa doman, kon sioḷmai in buḷud tatua, pinogonag i Musa in batu inta kodia-dianea tatua dá norimu-rimumud.

IḶUAIAN 32:22

Tubag i Harun, “Dikapa tumorú kon inakó; kinotaauanmudon tontaní naonda in kinobobarani intau mita tanaa momia kon inta moraat.

AMSAL 19:12

Torú in datu naonda bo ganggor in singa; kopopia in datu naonda bo oḷú inta momobat kon mobobiag mita.

AMSAL 20:2

Torú in datu naonda bo ganggor in singa; intau inta mokopomuká kon torúnea notongkaibí in mopobodito kon awaknea tontaní.

DANIEL 2:12

Nokodongogmai kon tua ki datu in sinumorúdon totok bo nomarenta kon moḻimod kon bayongan in intau mongopandoi inta kon Babel.

DANIEL 3:13

Nokodongogmai kon tua sinumorúdon totok in ki datu, bo nomarenta sinbá intau taya toḷu tatua in diaan kon tayowonnea.

DANIEL 3:19

Dá sinumagabdon in torú i Datu Nebukadnezar kon i Sadrakh, Mesakh bo kon i Abednego, dá inumuradon totok in pogotnea. Sia in nomarenta sinbá tuḷú dugangan kopitu in kopatúnea nongkon inta biasamai.

NAHUM 1:6

Ki ine in mokotongod aka ki Tuhan tumorú? Diábí in moipaḷuput nongkon torú-Nea! Sia in moponiata in torú-Nea inta modokot batu in morimumud bo mobaḻí ḷobud kon tayowon-Nea.

EPESUS 5:22

Buḷoi, bobay in kotoinduduidon kon i buḷoimu, ná kototoinduduimu kon i Tuhan.

EPESUS 5:24

Tuamai in naonda bo jamaat inta musti motoindudui kon i Kristus, yo musti doman natua in buḷoi bobay, kon bayongan in yagi-yagi musti in sia motoindudui kon i buḷoinea.

ULANGAN 29:20

Ki Tuhan in diábí mongampung kon intau ná tatua. Táe, Sia in kotugatanbí in torú i Tuhan inta moḷoben, bo bayongan bodito inta pinais kon bonu in buk tanaa in moiumabí kon inia modapot in sia yopúon i Tuhan.

PETRUS 1 3:1

Ná doman tua in moiko, bobay mita, kodu-koduduibí kon i buḷoi monimu, sinbá aka oyúon in kon sigad monia in diá mopirisaya kon habar nongkon i Allah, yo oaid monimu tua in mokopobaḻí kon i monia mopirisaya. Diá bidon paraḷu in moiko mosingog kon onu bo onu kon i monia,