DANIEL 9:8 - Alkitab Singog In Mongondow Masa In Tanaa

⁸ Datu mita nami, itoi mita nami bo mogoguyang nami ain nogaid kon inta mokooyá bo ain binaradosa kon ini-Mu, o Tuhan.

DANIEL 9:8 Iomraidhean Croise

DATU MITA 2 21:15

Bayongan tua in aidan-Kubí kon umat-Ku sin mosia in binaradosadon kon i-Nakó bo nopomukádon in torú-Ku pinangkoipa kon mogoguyang monia iḻumuai nongkon Mesir noidapot in singgai naa.”

TAWARIKH 2 6:37

igumon mako indongogan-Mupa kaasí in sambayang monia. Aka kon butá tatua bo monaḷámai in mosia kon dosa mita monia, bo mosambayang kon ini-Mu poḷat mongaku kon mosia in aindon binaradosa bo nogaidon kon inta moraat, indongogaipa kaasí in sambayang monia, o Tuhan.

NEHEMIA 1:6

Indoiaipa in akuoi o Tuhan, bo indongogaipa in sambayang inta pinoyaputku kon ini-Mu singgai doḷom sin kopontingan in umat Israel, mogogundoi-Mu tua. Akuonku kon kami, umat in Israel, ain binaradosa; akuoi bo mogoguyangku mita ain binaradosa doman.

YESAYA 64:4

Diápa kon dodai in onda oyúon in nokodongog, bo diápa doman kon dodai in onda oyúon in nokoontong kon koḻikud in Iko, oyúon in ilah inta nogaid kon onuka, kon intau inta noharap mako kon inia.

YEREMIA 14:20

Tuhan, tongábí kon ini-Mu tontaní kami in nogaidon kon dosa Akúon nami in dosa nami tontaní bo dosa in mogoguyang nami.

YEREMIA 32:32

popisí in bayongan aid moraat in intau in Yohuda bo Yerusalem takin datu mita, pojabat in pomarenta, imang, bo nabi mita monia.

YEREMIA 7:19

Táe totuubí, deemanbí Akuoi in pinoyaat monia in gina, táe awakbí monia tontaní nodapot in mosia in nooyá.

OMBAḶ 1:18

Táe ki Tuhanbí in totuu, popisí in parenta-Nea ain iḻimpatanku. Indongogaipa in akuoi, ei bangusa mita, indoiaika in akuoi kon bonu in roriga. Intau mita tayowmobiag bo mongodeagaku in dinakop, bo inakut pinobayá in pinoḷumbúan.

OMBAḶ 3:42

“Kami in binaradosa bo nomarontak kon ini-Mu, o Tuhan, bo diábí iko mongampung.

OMBAḶ 5:16

Onu inta nokoyunggagá kon inami in diádon, kami in nobodito popisí in binaradosadon.

YEHEZKIEL 16:63

Ampungan-Kubí in bayongan in taḷámu, táe diábí koḻionganmu intua bo angoianbí in oyá in moguman kon onu bo onu in iko. Akuoi ki Tuhan Inta Totok in moḷantud ain nosingog.”

YEHEZKIEL 5:6

Táe Yerusalem ain nondoí kon parenta-Ku bo noniata magí noiḻiudon kon kororaat in bangusa mita ibanea, nodapot in noiḻiudon in diá kototoinduduinea kon negara mita inta kon ḻibuneamai. Yerusalem iḻimimpat kon parenta-Ku mita bo doí dumudui kon hukum-Ku mita.”

DANIEL 9:9

Iko in umuran moibog mongampung bo motabi, umpakabí kami ain noḷawang kon ini-Mu.