DANIEL 9:5 - Alkitab Singog In Mongondow Masa In Tanaa

⁵ Kami in binaradosadon, kami in nogaidon kon inta moraat, bo nogaidon kon inta noitaḷá. Kami in nomarontakdon bo iḻimimpatdon kon parenta-Mu poḷat sinumabat kon atorang-Mu mita.

DANIEL 9:5 Iomraidhean Croise

DATU MITA 2 18:12

Samaria in noḷabú popisí in intau Israel diá motoindudui kon i Tuhan, Allah monia. Mosia in noḻiong kon dodandian inta pinomia i Tuhan takin i monia, bo mosia in iḻimimpat kon bayongan in parenta i Musa, mogogundoi-Nea. Mosia in doíbí mokidongog bo doí doman dumudui.

DATU MITA 2 21:15

Bayongan tua in aidan-Kubí kon umat-Ku sin mosia in binaradosadon kon i-Nakó bo nopomukádon in torú-Ku pinangkoipa kon mogoguyang monia iḻumuai nongkon Mesir noidapot in singgai naa.”

EZRA 9:6

Akuoi in noguman, “Oo Allahku, akuoi naa in mooyá in dumungá kon tayowon-Mu. Dosa nami in moyo-moyoguntuḷdon kon tudu in uḷu nami noidapotdon in ḷangit.

MAZMUR 106:6

Kami in binaradosadon naonda bo mogoguyang nami; kami in nogaidon kon inta moraat bo nonoḻikudon.

MAZMUR 119:102

Diábí pomayáku mako in hukum-Mu, sin Ikobí in notundú kon inakó.

MAZMUR 119:176

Akuoi in noiḷangkam naonda bo domba inta nobuḻi, tuamai in angoidon, bo tayakdon in mogogundoi-Mu naa, sin diábí sinaḷáanku in parenta-Mu mita.

MAZMUR 18:21

Ki Tuhan in notuḻí kon aidku inta noitutui; binarakatan-Nea in akuoi sin akuoi in diá kotaḷá.

YESAYA 53:6

Kita komintan in noiḷangkam naonda bo domba, kon batúannea notayak kon daḷannea-daḷannea. Ki Tuhan ain nopouma kon inia in bayongan aid naton inta moraat.

YESAYA 59:13

Kami in nonguboḷdon bo nomarontak kon i Tuhan, bo doí dumudui kon i Allah nami. Kami in nondorotdon kon intau ibanea bo nobaḷui in raian; raian nami in noiḷaḻedon, bo tosingogon mita nami in uboḷ.

YESAYA 64:4

Diápa kon dodai in onda oyúon in nokodongog, bo diápa doman kon dodai in onda oyúon in nokoontong kon koḻikud in Iko, oyúon in ilah inta nogaid kon onuka, kon intau inta noharap mako kon inia.

YEREMIA 14:20

Tuhan, tongábí kon ini-Mu tontaní kami in nogaidon kon dosa Akúon nami in dosa nami tontaní bo dosa in mogoguyang nami.

YEREMIA 14:7

Umat-Ku nokuani, ‘Tuhan, umpaka dosa nami mopotaḷá kon i nami tongá tuḷungaipa in kami podudui in dandi-Mu Iko in nopobui-buimaidon in sinaḷáan nami; totuu, kami in binaradosa kon ini-Mu.

YEREMIA 3:25

Dá, pomayádon mako in kami in mobaba kon oyá, bo pomayádon mako in kami mobaḻí mohina. Sin, kami bo mogoguyang nami ain binaradosa kon i Tuhan Allah nami, bo diá kon dodai in onda in notoḷutui kon parenta-Nea mita.”

YEREMIA 30:14

Bayongan in intau inta kinoibogmu nokoḻiongdon kon inimu; mosia in doí bidon morai kon inimu. Naonda bo musung Akuoi ain nonubu bo nohukum kon i monimu kinoḻingá, popisí in nobayongdon in dosamu bo moḷoben in taḷámu.

YEREMIA 44:3

Tua in nobaḻí popisí in intaunea in binaradosa, dá sinumorú in Akuoi. Mosia in noposumba in kuruban bo nogundoi kon dewa mita inta diápa kon dodai in onda in sinumba monia tontaní, i monimu bo in mogoguyangmu.

OMBAḶ 1:18

Táe ki Tuhanbí in totuu, popisí in parenta-Nea ain iḻimpatanku. Indongogaipa in akuoi, ei bangusa mita, indoiaika in akuoi kon bonu in roriga. Intau mita tayowmobiag bo mongodeagaku in dinakop, bo inakut pinobayá in pinoḷumbúan.

OMBAḶ 1:20

O, Tuhan! Indoiaipa kaasí in akuoi, moḻia-ḻiaw in ginaku bo moondok, nogoguyaat popisí in aidku moraat dungkuḷmai. Kon daḷan mita oyúon in poḻimodan, kon bonu in baḷoi oyúon in matoi.

OMBAḶ 3:42

“Kami in binaradosa bo nomarontak kon ini-Mu, o Tuhan, bo diábí iko mongampung.

YEHEZKIEL 5:6

Táe Yerusalem ain nondoí kon parenta-Ku bo noniata magí noiḻiudon kon kororaat in bangusa mita ibanea, nodapot in noiḻiudon in diá kototoinduduinea kon negara mita inta kon ḻibuneamai. Yerusalem iḻimimpat kon parenta-Ku mita bo doí dumudui kon hukum-Ku mita.”

YEHEZKIEL 6:9

kon tua mosia in mobiag kon bonu in poḷumbúan. Bo kotoropandon monia in Akuoi bo komangaḻeandon monia kon Akuoi in mohukum bo moningkuḻe kon i monia sin gina monia in diá motoindudui kon i-Nakó. Mosia in nonaḷámaidon kon i-Nakó bo ain nomiḻí kon berhala nobaḻí toḻiu-Ku. Bo mosia in doídon kon awak monia tontaní popisí in bayongan in aid moraat bo moromú inta ain inaidan monia.

DANIEL 9:11

Bayongan in Israel ain iḻimimpat kon hukum-Mu mita bo doí mokidongog kon singog-Mu. Kami in binaradosa kon ini-Mu, bo tuamai pinouma-Mu kon inami in kutuk inta ain pinais kon bonu in Buk i Musa, mogogundoi-Mu.

DANIEL 9:15

Oo Tuhan, Allah nami, Iko in nopoontongdon in kawasa-Mu pinongin nodia kon umat-Mu iḻumuai nongkon Mesir, bo kawasa-Mu tatua in umuranpabí toro-toroponmai. Kami in binaradosadon bo nogaid kon noitaḷá.

DANIEL 9:9

Iko in umuran moibog mongampung bo motabi, umpakabí kami ain noḷawang kon ini-Mu.

HOSEA 1:2

Kon dodai in ki Tuhan dungkuḷ totok nosingog kon bangusa in Israel pinongin inakó, ki Tuhan in noguman, “Hosea, tonibuḷoidon in bobay tobatú inta sundaḷ, bo ki adímu mita doman in moidayan kon inia. Umat-Ku in notongkai ná ki buḷoimu tatua; mosia in diá motoḷutui kon i-Nakó, bo nonaḷámai kon i-Nakó.”

MALEAKHI 3:7

Naonda bo mogoguyang monimu koḻipod, moiko komintan in sinumabatdon kon hukum-Ku mita bo diá nosatia in nopobayá intua. Pobuidon mangoi kon i-Nakó, dá Akuoi in mamangoidon bui kon inimu. Táe moiko in moḻibó, ‘Onu in musti aidan nami sinbá mobui kon ini-Mu?’

IBRANI 3:12

Utatku mita, mokopoingat sinbá diá in tobatúmai kon sigad monimu in gina moraat bo diádon mopirisaya, sahingga in tumoḻikud bo mokopoyayúdon kon i Allah inta nobiag!