DANIEL 9:26 - Alkitab Singog In Mongondow Masa In Tanaa

²⁶ Kon imbuit in sempo tatua itoi inta piniḻí i Allah tatua in hukumonbí, bokaka diábí in sia kotaḷá. Dá namangoidon in tobatú tontara i datu inta moropot, bo nonurub kon Yerusalem takin Baḷoi i Tuhan. Singgai tumi tua in mamangoibí naonda bo ḷunud inta nodia kon parang bo korimumudan, ná inta ain sinantú i Allah.

DANIEL 9:26 Iomraidhean Croise

SAMUEL 2 21:5

Tubag monia, “Ki Saul datu inta piniḻí i Tuhan in moibog moyopú kon inami komintan modapot in kami in putúandon nongkon bayongan in Israel.

MAZMUR 22:15

Ropotku in nodait naonda bo tubig inta noibutak, bayongan in tuḷanku noipilat nongkon poguḻingkitannea, ginaku in ḷumoḷayat naonda bo lilin.

YESAYA 28:2

Ki Tuhan in mopotabábí mangoi kon intau tobatú inta moropot bo motorindog. Koangoinea in naonda bo deḷang kotaki-takin in uyan eis, naonda bo uyan morogot bo ḷunud inta mokoiḻig. Pongin ropotnea pogambatnea in mosia kon butá.

YESAYA 28:22

Dinongog-Kudon in singog inta sinantú i Allah Inta Totok in moḷantud bo Inta Totok in mokawasa sin moyopú kon sinangkub in butá. Dika momayow kon tosingogon mita tompoingat inta pinoguman-Ku tanaa. Sin mokodugang kon rorigamu in moposaḷamat in awak!

YESAYA 53:8

Sia in dinomok bo pinotayow kon pongadilan, bodongka dinia ihukum minatoi. Diábí in noindoimai kon ukurnea; sia in minatoi popisí in dosa in bangusa naton.

YESAYA 8:7

Tuamai in Akuoi, ki Tuhan, mopoangoi kon i datu in Asyur bo bayongan in tontaranea sin monubu kon Yohuda. Mosia in monubu naonda bo Ongkag in Eprat inta moiḻebe-ḻebet bo nomuḻing kon pompangnea mita.

YEREMIA 46:7

Ki ine in sia inta noponik naonda bo tubig in Ongkag in Nil, naonda bo ongkag inta iyumanap kon bingkínea mita? Tuata in butá in Mesir. Gumannea, ‘Simindogbí in akuoi bo kawasaanku in dunia. Yopúonkubí in kotá mita takin intaunea.

YEREMIA 51:42

Tubig kon dagat moiḻebet modapot in Babel; bokoḷnea mita mondoḷudut moyompat kon butá tatua.

DANIEL 11:10

Bo ki adí ḷoḷaki mita i datu kon butá in utuan in monouḷutdon sin moparang bo inoinínea in intau mobarong sin baḻíon tontara. Tobatú kon sigad monia tua in monubu naonda bo ḷunud. Kon ponubuan induanea sia in monubu kon dinding tondok in musung.

DANIEL 11:17

Onda intua datu kon butá in utuan moposadia in bayongan tontaranea sin monubu kon butá in toḷatan. Bo takin makusud mongawasa kon bayongan in dodatuan in musungnea, sia in momiabí kon yopakat takinnea bo mopoyotonibuḷoi in adínea bobay takin i datu in Mesir tatua; táe tomayánea tatua in diábí kodapotan.

DANIEL 11:22

Bayongan in tontara inta moḷawang kon inia, nodapot in Imang Moḷobenpa, in upetonneabí modait poḷat yopúon.

DANIEL 11:36

Datu in butá in utuan in mogaidbí kinoibog in ginanea. Takin ḷumoḷatú sia in moguman kon sia in moḷobe-ḷoben nongkon dewa taondakabí, nodapotbí in moḷobe-ḷoben nongkon i Allah Inta Totok in Moḷantud. Sia in motaaubí in mogaid kon tua modapot in torú i Allah modait. Sin onu inta ain sinantú i Allah mustibí aidan muna.

DANIEL 9:27

Datu tatua in momiabí kon dodandian moropot takin mobayong in intau pitu notaong in koonggotnea. Kon ruak in wakutu inta sinantú tatua, sia in mopogogaibí in mobogoi in kuruban bo sosumba. Onda intua inta mokokoningkim inta sinangoian Aid moraat inta mokorimumud in ukatonbí kon Baḷoi Tuhan bo umuranbí kon tua modapot in sia inta nogukat kon tua koḷabúan in koyopúan inta ain sinantú i Allah kon inia.”

HOSEA 1:9

Ki Tuhan in noguman kon inakó, “Tangoiai in adímu tatua ‘Deeman Umat-Ku’, sin intau in Israel in deeman umat-Ku, bo Akuoi in deemanbí ki Allah monia.”

AMOS 8:8

Butá in moḷundanbí, bo bayongan i intau in moondokbí. Sinangkup in butá in modandú bo moḻimbok naonda bo Ongkag in Nil.

AMOS 9:5

Butá modandú bo intaunea in monogumatoi, popisí in iḻiai i Tuhan Inta Totok in moḷantud bo Inta Totok in mokawasa. Naonda bo Ongkag in Nil moponik bo moponag natua doman in mosia moponik bodongka moḷabú.

NAHUM 1:8

Naonda bo ḷunud moḷoben inta mondangat, rimumudon-Nea in musung-Nea mita. Mosia inta mokobaḻí moḷawang kon i-Nia inandur-Nea in popatoi nodapot in noyopú.

MATIUS 22:2

“Aka ki Allah in momarenta, yo naonda bo poumpamaan tanaa: Tobatú datu inta nogaid kon rame sin ponikaan i adínea.

MATIUS 22:7

Bo datu tatua totok in sinumorú. Pinotabánea in tontaranea minayá nomutú kon moḷoḻimod, bo nonurub kon kotá monia tua.

MATIUS 23:38

Tuamai in diádon takinan i Allah in moiko.

MATIUS 24:2

Ki Yesus in noḻibó kon i monia, “Inontongdon monimu in nion komintan? Poguman-Kudon kon i monimu, diábí tobatúmai in batu kon naa in pomayá mako moitudu motompia kon batu ibanea. Tua komintan daitonbí uuyon.”

MARKUS 13:2

Tubag i Yesus, “Inontongmu bidon in bangunan mita inta noḷoben tatua toh? Táe diábí tobatúmai in batu mita tatua in pomayá mako moitudu mako kon tampatnea. Komintanbí daiton rumbunon.”

MARKUS 13:7

Aka moiko mokodongog kon goḷotup mita in parang bo habar mita poparangan, dikabí moondok. Sin tua in mustibí mobaḻí muna, táe deemanbí kon tuadon i wakutunea mokiamat.

MARKUS 9:12

Tubag i Yesus, “Ki Elia in totuubí kon mamangoi muna sin monoḻisí kon bayongan yagi-yagi. Táe naonda degá in soaḷ Adí Intau inta pinais kon Buk Motusi, kon Sia in koantugan in roriga mobarong bo poḷat singkuḻeon in intau?

LUKAS 21:24

Oyúon in ḻimodon, oyúon doman in diaan saḷaku intau inta dinakop bo pobayá in ḻipu-ḻipúannea; bo intau inta diá mopirisaya momoguyaat kon Yerusalem modapot mopaḷut in wakutu inta sinantú i Tuhan kon i monia.”

LUKAS 21:6

“Oyúonbí in wakutunea porumbunan kon onu inta inontong monimu tanion; diábí in tobatúmai batu in pomayápa mako in moiguntuḷ motompia kon tampatnea inta muna!”

LUKAS 24:26

Degá diábí kinotaauan monimu kon Datu Mopoposaḷamat in mustibí muna mokorasa kon roriga sinbá mokouḻí kon kamuliaan-Nea?”

LUKAS 24:46

Bo Sia in noguman kon i monia, “Kon bonu in Buk Motusi pinais nanaa: Datu Mopoposaḷamat in musti mokorasa kon roriga, bo musti mobiag bui nongkon kinopatoian-Nea kon singgai intoḷunea.

YOHANES 14:30

Diádon moantó in oumanon-Ku kon i monimu, sin wakutuneadon mongongawasa in dunia naa mamangoi. Táe diábí kokawasaannea in Akuoi.

KORINTUS 2 5:21

Sin Sia inta nodarit kon bayongan in oaid inta diá mopia, pinaké domandon i Allah mobaba kon bayongan in dosa naton, sinbá kita in buidon mobiag motompia takin i Allah sin notobatúdon i Kristus.

GALATIA 3:13

Táe ki Kristus ain nomilat kon i naton nongkon kutukan in hukum i Musa tatua. Sia nopomayádon mako in awak-Nea tontaní kinutuk sinbá kita in mopilat kon kutukan. Sin kon Buk Motusi ain pinais, “Kinutukdon in intau inta minatoi binambé kon kayu pinoyotaḻempang.”

PETRUS 1 2:21

Sin tuabí in mangaḻe pinogoinían i Allah kon i monimu. Sin ki Kristus tontaní ain notarima kon roriga lantaran moiko, bo tua in toḷadanbí kon i monimu sinbá duduian monimu in onu inta pinomia-Nea tatua.

PETRUS 1 2:24

Ki Kristusbí tontaní in notanggung kon dosa mita naton. Tua mita in sinanggung-Nea kon tudu in Kayu pinoyotaḻempang, sinbá kita in moipilatdon kon bonu in kawasa in dosa, bo mobiagdon podudui in ibog i Allah. Kekeb-Neabí mita tatua inta mokopia kon i monimu.

PETRUS 1 3:18

Sin ki Kristus tontaní in tongábí doman komintan minatoi popisí in dosa mita intau. Tobatú intau inta diá kotaḷá; minatoi popisí in intau inta kotaḷá. Ki Kristus in nogaid kon tua sinbá kita in motaau-Nea diaan mayá kon i Allah. Sia in iḻimod kon kaadaan saḷaku intau, táe biniag bui kon bonu in Roho.