DANIEL 9:23 - Alkitab Singog In Mongondow Masa In Tanaa

²³ Kon dodai in iko nomangkoidon nopoigum kon i Allah, Sia in nobogoidon in tubag. Akuoi in namangoi sin mopotaau intua sin Sia in notabi kon inimu. Yo, indongogaidon kopiaan koyogot in akuoi moginsilang kon mangaḻe in oontongon tatua.

DANIEL 9:23 Iomraidhean Croise

DATU MITA 2 19:20

Onda intua nokidia in ki Yesaya in koyow kon i Datu Hizkia kon nobaḻí tubag in sambayang i datu,

AMSAL 15:8

Ki Tuhan in motarima kon sambayang in intau mopia, táe doíbí in Sia kon sosumba in intau moraat.

DONDONG MOḶANTUD 7:10

Akuoi in kapunyaan i batoḷ in dodobku, sia in moibog kon inakó.

YEHEZKIEL 14:14

Umpakabí in ki Nuh, ki Daniel bo ki Ayub in nogutun kon tampat tatua, dá kopopia i nayatoḷu in tongábí mokosaḷamat kon awak monia tontaní. Akuoi, ki Tuhan Inta Totok in moḷantud ain nosingog.

YEHEZKIEL 24:16

“Ei intau ilo-ilow, baḷú-Kubí gamáan in intau inta totok in kinotabimu. Táe diábí motaau in iko mogamui bo mongombaḷ, andeka mopomayá mako in ḷuámu moḷabú.

YEHEZKIEL 26:12

Musungmu mita tatua in mogagowbí kon bayongan in kaoyúonan bo daganganmu. Mosia in morumbunbí kon dindingmu mita bo mogumpag kon baḷoimu mita inta mogaga totok. Gamáanbí monia in batunea mita, dopí mita bo butánea, bodongka pogambat kon bonu in dagat.

DANIEL 10:1

Kon taong intoḷunea kon pinomarentaan i Datu Koresh kon Persia, koyow tobatú pinoniata kon i Daniel inta dinonoi doman ki Beltsazar. Koyow tatua in totuubí, táe mororiga totok komangaḻean. Kon dodai in moḷongasi momangaḻe kon tua ki Daniel in notarima kon insilang soaḷ mangaḻe in koyow tatua kon bonu in tobatú oontongon.

DANIEL 10:19

Sia in noguman, “Ki Allah in notabi kon inimu, tuamai dikadon moḻia-ḻiaw in gina andeka moondok, yo, koropotdon!” Kon dodai in sia noguman natua, kinorasaanku kon nodugangdon bui in ropotku bo noguman, “Posingogdon, Tuangku. Ki Tuang in nodugangdon kon ropotku.”

DANIEL 6:3

Ki Daniel bo intau doyowa ibanea in dinuínea sin moindoi kon oaidan in gubernur mita tatua sinbá ki datu diá porugionmai.

MATIUS 24:15

“Moiko in mokoontongbí kon ‘aid moraat inta mokorimumud’, ná inta pinoguman i Nabi Daniel, simindog kon tampat motusi. (Paraḷu indoian in intau mita inta mobaca: tarukira totok in mangaḻenea!)

LUKAS 1:28

Malaekat tatua sinumuot kon baḷoi i Maria bo poḷat noguman nanaa, “Salam kon inimu inta binarakatan, ki Tuhan in koyota-yotakinmu.”