DANIEL 9:22 - Alkitab Singog In Mongondow Masa In Tanaa

²² Bo ki Gabriel in noginsilang naa, “Daniel, akuoi in namangoi sin motuḷung kon inimu monotaau kon toḻindap tatua.

DANIEL 9:22 Iomraidhean Croise

DANIEL 10:11

Malaekat tatua in noguman kon inakó, “Daniel, iko in kinotabi i Allah. Bangondon bo sindogdon bo indongogai in singogku mita tanaa kopiaan. Akuoi naa in pinotabádon namangoi kon inimu.” Naonda in sia noguman kon tua, sinimindogdon in akuoi takin urot.

DANIEL 10:12

Bo gumannea kon inakó, “Daniel, dika moondok. Ki Allah in nokidongogdon kon sambayangmu pinangkoi kon singgai muna iko nonantú kon nopoompá kon inimu tontaní sinbá mobaḻí mobijaksana. Akuoi in namangoidon nobaḻí tubag in sambayangmu.

DANIEL 10:14

Akuoi in namangoi sin mopobaḻí kon inimu momangaḻe kon onu inta mobaḻí kon singgai moiduduimai kon bangusamu. Oontongon tanaa in soaḷbí singgai moiduduimai.”

DANIEL 7:16

Bo diniuganku in intau tobatú inta sinimindog kon tua bo pinoigumanku kon insilang kon bayongan intua komintan. Dá pinotaaunea domandon.

DANIEL 8:16

Dinongogku in singog inta nomaḷú nongkon ḷoḷan in Ongkag in Ulai, kainia, “Gabriel, insilangaidon kon inia in mangaḻe oontongon tatua.”

AMOS 3:7

Ki Tuhan Inta Totok in moḷantud in diábí kon dodai in onda in mogaid kon oaidan-Nea aka diápa muna moponiata in tomayá-Nea kon nabi mita, mogogundoi-Nea.

ZAKHARIA 1:14

bo malaekat tatua in nopotabá kon inakó mopotaau in onu inta pinoguman i Tuhan Inta totok in mokawasa, “Akuoi in totokbí in motabi bo mopandung totok kon kotá in Yerusalem, kotá-Ku inta motusi.

ZAKHARIA 1:9

Akuoi in noḻibó kon inia, “Tuang onu degá in mangaḻe in kabaḷo mita tanaa?” Sia in notubag, “Bain poontongku in mangaḻenea kon inimu.

WAHYU 4:1

Nopaḷut mako intua nanaa in bui inontongku. Inontongku in tobatú ḷoḻingkop nobukat kon soroga. Bo dinongogkudon bui in singog inta noguman kon inakó koina inta naonda bo singog in torompet. Singog tatua in noguman, “Poponikdon mangoi kon naa, bá popoontong-Kudon kon inimu onu in mobaḻí kon singgai moiduduimai.”