DANIEL 8:7 - Alkitab Singog In Mongondow Masa In Tanaa

⁷ Sinaridiku sia in nondangat kon domba koḷakian tatua. Totok in sinumorú in sia dá nondangat kon domba koḷakian tatua bo nomutoḷ kon tungoinea doyowa. Domba koḷakian tatua diá nokopongonu in nonayow kon inia. Noigambat in sia kon butá bo totok in iruntai, bo diá tobatúmai in intau in mokotuḷung kon inia.

DANIEL 8:7 Iomraidhean Croise

DANIEL 11:11

Dá sinumorúdon in ki datu in butá in toḷatan, bo mayábí in sia kon popoparangan bo monayow kon i datu in butá in utuan. Sia in mokotaḷowbí kon tontara mobarong inta dinia i datu in butá in utuan.

DANIEL 7:12

Mahaḷuk mita ibanea in irabutdon in kawasanea, táe mosia in inogoipabí in nobiag nodapot in wakutu inta ain sinantú.

DANIEL 7:7

Kon dodai in akuoi inimindoi mako kon inia, mahaḷuk inggopatnea nomuká. Sia in totok in moropot bo motoyang bo mokokoningkim. Takin ingiponnea mita inta mongoḷoben bo ná kotogat in uatoi, sia in nomutuk bo nokaan kon kokaanonnea, bo noritak kon ki agatnea mita. Noyoposi in mahaḷuk mita inta noiuna sia in kotungoi mopuḷú.

DANIEL 8:10

Tungoi tatua in kodugang-kodugang in koḷobennea nodapot in tugatdon ponayow kon tontara in soroga tuata in tundi mita, nodapotbí in tongonumai in kon sigadnea pinogambatnea kon butá bo totok in iruntainea.

DANIEL 8:6

Bembé koḷakian tatua dinimiug kon domba koḷakian inta inontongku kon bingkí in ongkag tatua, bo nondangat kon inia takin torú.

DANIEL 8:8

Bembé koḷakian tatua kodugang-kodugang in koḷobennea. Táe naonda in sia noidapotdon in totokan in kawasanea, noputoḷdon in tungoinea inta noḷoben tatua, bo kon tampat tatua nomuká in tungoi opat inta noiḷontú, kon batúannea posibayá in kinotundúannea.

IMAMAT 26:37

Moiko in moḷagui bo moyodangat, umpakabí diá in mogaḷow. Bo moiko in diábí mokosanggup monayow kon musungmu mita.

YOSUA 8:20

Intau mita in Ai nobobui ná tumi, bo inontongdon monia in poyok moḷoben namonik in ḷangit. Ki Yosua bo tontaranea mita in nokoontong domandon kon poyok bo kinotaauanneadon kon tontaranea mita ibanea in nokoagowdon kon kotá tatua. Dá nomurowdon in ki Yosua takin tontaranea mita sin monubu bo moḻimod kon intau mita in Ai. Intau mita in Israel inta kon kotá in Ai tatua namangoi domandon bo nonubu, dá intau mita in Ai kinokopungandon bo diádon nokoḷagui. Diá tobatúmai in intau nongkon i monia in nokoḷagui, nodait minatoi iḻimod in intau Israel,