DANIEL 8:4 - Alkitab Singog In Mongondow Masa In Tanaa

⁴ Inontongku in domba koḷakian tatua nonungoi ná dotá in toyopan, utuan bo toḷatan. Diá tobatúmai in mahaḷuk in mokotahang tumayow kon inia andeka mokoḷagui nongkon kawasanea. Sia in mogaid kon onukabí in koibognea bo nobaḻí moḷoḷatú.

DANIEL 8:4 Iomraidhean Croise

DATU MITA IMITÁNEA 22:11

Nabi tobatú inta kon sigad in nabi mita tatua, inta ki Zedekia ki adí i Kenaana, nomia kon tungoi mita nongkon uatoi bo noguman kon i Ahab, “Naabí inta pinoguman i Tuhan, ‘Takin tungoi mita ná tanaa ki tuang datu in momongkug kon Siria bo morimumud kon i monia.’ ”

AYUB 10:7

Sabanarnea in kinotaauan-Mubí bo nosadar, kon akuoi in diá kotaḷá, táe nobanarbí. Kinotaauan-Mubí kon tobatúmai intau diábí in mokotongod in moposaḷamat kon inakó nongkon kawasa-Mu.

MAZMUR 44:5

Ikobí in Datuku bo Allahku, inta nopountung kon umat-Mu.

MAZMUR 50:22

Tondudutka, moiko inta nokoḻiong kon i Allah; ḷukadai bá diá dapot in yopúon-Ku in moiko, bo diábí in moposaḷamat.

MAZMUR 7:2

Oo Tuhan Allahku, akuoi in moniung kon ini-Mu; posaḷamatdon bo poḷuatdon in akuoi nongkon bayongan in intau inta mogaḷo-gaḷow mako kon inakó.

YEHEZKIEL 34:21

Moiko in nogundud poḷat nondangat kon domba inta notakit nodapot in moitondí in mosia nongkon paanan in domba.

DANIEL 11:16

Datu in butá utuan tatua in mogaidbí podudui in ibognea bo diá bidon in moḷawang tongopiḻikmai. Bo ḻitúannea bidon in butá inta mopia tatua bo kawasaannea komintan.

DANIEL 11:36

Datu in butá in utuan in mogaidbí kinoibog in ginanea. Takin ḷumoḷatú sia in moguman kon sia in moḷobe-ḷoben nongkon dewa taondakabí, nodapotbí in moḷobe-ḷoben nongkon i Allah Inta Totok in Moḷantud. Sia in motaaubí in mogaid kon tua modapot in torú i Allah modait. Sin onu inta ain sinantú i Allah mustibí aidan muna.

DANIEL 5:19

Totuu moḷoben in sia, nodapot in intau mita nongkon bayongan in bangusa, inanakan, bahasa, mourot bo moondok kon inia. Aka moibog in sia moḻimod kon intau, ḻimodonneabí doman mako in intau tatua. Aka moibog in sia moposaḷamat kon intau, dá posaḷamatonneabí doman in intau tatua. Sia in mopoḷantud andeka mopoompá kon i ineka podudui in ibognea.

DANIEL 5:30

Kon doḷom doman tatua kinoḻimodandon in ki Belsyazar datu in Babel tatua.

DANIEL 7:5

Mahaḷuk inta nogindua batangannea in naonda bo beruang. Sia in sinimindog kon sioḷnea tumi, bo notangaḷ kon tuḷan gutuk toḷu. Dinongogku in singog in noguman kon inia, “Yo, kaandon in ponoyá kinooibogmubí!”

DANIEL 8:7

Sinaridiku sia in nondangat kon domba koḷakian tatua. Totok in sinumorú in sia dá nondangat kon domba koḷakian tatua bo nomutoḷ kon tungoinea doyowa. Domba koḷakian tatua diá nokopongonu in nonayow kon inia. Noigambat in sia kon butá bo totok in iruntai, bo diá tobatúmai in intau in mokotuḷung kon inia.

MIKHA 5:8

Israel in monaḷowbí kon musungnea mita poḷat morimumud kon i monia komintan.

ULANGAN 33:17

Kon i Yusup oyúon in ropot in bantong, bo tungoi in sapi in kayuon tuata in ribuan Manasye bo puḷúan ribu in Epraim. Bangusa mita in sinungoinea bo inundudnea nodapot in popod in butá.”