DANIEL 8:3 - Alkitab Singog In Mongondow Masa In Tanaa

³ bo kon bingkí in ongkag tatua inontong in domba koḷakian tobatú inta tungoinea in doyowa mongobanat, tobatú in mobana-banat bo mobagu-bagu kon inta ibanea.

DANIEL 8:3 Iomraidhean Croise

TAWARIKH 1 21:16

Inontong i Daud in malaekat tatua iḷumayug magí mako kon toḷungayá takin kokada-kadai in kedang, malaekat tatua in nosadiadon moyopú kon Yerusalem. Dá ki Daud bo itoi mita in rayat, inta kon dodai in tua nogiḷambung in karong nobaḻí tomponuot kon nomanasaḷ, sinumungkud kon butá.

EZRA 1:2

“Naa in parenta i Kores, datu in Persia. Ki Tuhan, Allah inta nongawasa kon soroga ain nomaḻí kon inakó datu kon sinangkup in dunia, bo nopotabá kon inakó moposindog in baḷoi kon i-Nia kon Yerusalem kon butá in Yohuda.

EZRA 4:5

Mosia in nobogoi in doit kon intau mita moḷoben kon pomarentaan in Persia sinbá monginggamá kon tomayá in intau mita in Yahudi tatua. Tua komintan umuran nobaḻí kon tungkuḷ in pinomarentaan i Datu Kores nodapot kon pinomarentaan i Datu Darius.

ESTER 1:3

Kon taong intoḷunea kon pinomarentaannea, ki Datu Ahasyweros nomia kon rame moḷoben kon bayongan in intau moḷoben bo pogawainea. Tongguḷu mita totokan in tontara in Persia bo Media in namangoi doman kon rame tatua, natua doman in gubernur mita bo intau mita moḷoben kon propinsi.

YESAYA 13:17

Ki Tuhan in noguman, “Akuoi in nopotabá kon bangusa in Madai sin monubu kon Babel. Mosia in diábí motaau sogóon in saḷaka andeka buḷawan.

YESAYA 21:2

Akuoi in nokoontong kon oontongon onu mita inta mobaḻí inta mokoondok; soaḷ pomaḷidawaan bo pomutúan. Monikdon, tontara in Elam, tubudon! Ei tontara in Madai, kopungdon! Ki Allah in mogimpaḷutbí kon bayongan in roriga inta pinopisí in Babel.

YESAYA 44:28

Akuoibí inta noguman kon i Kores, ‘Ikobí inta momarenta sin kopontingan-Ku, bo mogaid kon bayongan inta kinoibog-Ku. Parentadon sinbá Yerusalem posindogon bui, bo Baḷoi Tuhan aidandon in kinodoyonannea.’ ”

YEREMIA 51:11

Ki Tuhan in nopotabádon kon datu mita in Media, sin moibog in Sia morimumud kon Babel. Natuata in pototuḻínea kon aid in intau mita inta norimumud kon baḷoi-Nea. Porwira mita in tontara in parang nomarenta, “Iḷanitai in piot! Podia kon kaḻeaw!

DANIEL 10:5

Akuoi in iḷumangag, bo inontongku in intau tobatú inta nogiḷambung nongkon linen bo baan nongkon buḷawan taakan.

DANIEL 2:39

Táe naonda in dodatuan i Tuangku mopaḷut, momukádon in dodatuan ibanea inta diá ná koḷoben in dodatuan i Tuangku. Onda intua momuká domandon in dodatuan intoḷunea inta ilambangan in tonsilai nongkon bitú kon patong tatua, inta mongawasa kon sinangkub in dunia.

DANIEL 6:28

Sia in moposaḷamat bo mopoḷuat, mogaid kon mujizat bo inta mokoherang pinomayá kon ḷangit andeka kon butá. Ki Daniel in pinosaḷamat-Neadon, nongkon konuku in singa mita.”

DANIEL 7:5

Mahaḷuk inta nogindua batangannea in naonda bo beruang. Sia in sinimindog kon sioḷnea tumi, bo notangaḷ kon tuḷan gutuk toḷu. Dinongogku in singog in noguman kon inia, “Yo, kaandon in ponoyá kinooibogmubí!”

DANIEL 8:2

Kon bonu in oontongon tatua inontongku in awakku in kon propinsi Elam, kon Susan, ibukotá in Persia. Akuoi in sinimindog mako kon diug in Ongkag in Ulai,

DANIEL 8:20

Domba koḷakian inta inontongmu tatua, inta kotungoi doyowa, nobaḻí lambang in dodatuan in Media bo Persia.

ZAKHARIA 1:18

Kon bonu in oontongon ibanea, inontongku in opat in tungoi in sapi.

ZAKHARIA 2:1

Kon oontongon noiduduimai akuoi in nokoontong kon ḷoḷaki tobatú inta nokadai kon meter pogogukur.

ZAKHARIA 5:1

Sinaridianku bui, bo tanaa inontongku in ḻitodan in buk inta pinoḷayug in tompot.

ZAKHARIA 5:5

Malaekat tatua in noiangoi bui bo noguman, “Indoiai oyúonpa doman in bui namangoi!”

ZAKHARIA 5:9

Akuoi in iḷumangag monik bo nokoontong kon bobay doyowa iḷumayug mangoi kon inakó. Mosia in kokoḻikipan moroton naonda bo koḻikip in bangow. Karansi koina in ginamá monia bo dinia iḷumayug.

ZAKHARIA 6:1

Akuoi in nokoontong kon oontongon ibanea. Tanaa inontongku in kereta in parang opat inta iḻumuai nongkon sigad in buḷud porunggu doyowa.

PINOGIAPAN 24:2

bo nokoontong kon bangusa Israel inta nononḷoḷaigan inta sinondi-tondí pinodudui in suku bangusanea. Bo Roho i Allah nongawasa kon i Bileam,

YOSUA 5:13

Kon singgai tobatú ki Yosua kon diug in Yerikho. Indoianmai yo sia in daḻíbí nokoontong kon ḷoḷaki tobatú inta sinimindog kon tayowonnea takin kokada-kadai in pitoi inta ain sinonggó. Ki Yosua dinimiug kon intau tatua, bo noḻibó, “Iko naa in yobayat, andeka musung?”

WAHYU 13:11

Bo akuoi in buidon nokoontong kon tobatú mahaḷuk ibanea inta noitukat nongkon bonu in butá. Doyowa in tungoinea, naonda bo tungoi in ki adí in domba. Singognea naonda bo singog in naga.

WAHYU 5:6

Noiduduimai bui kon tua akuoi in nokoontong kon tobatú ki Adí in Domba sinimindog kon yua-yuak in tampat pomomarentaan tatua bo iḻibu in mahaḷuk opat bo bayongan itoi tatua. Ki Adí in Domba tatua in nádon onda bo ain iratá. Pitu in tungoi-Nea bo pitu doman i mata-Nea. Tuata in Roho i Allah inta ain pinotabá-Nea kon bayongan dunia naa.