DANIEL 8:26 - Alkitab Singog In Mongondow Masa In Tanaa

²⁶ Oontongon soaḷ kuruban muḷoi in ḷoḷabungnea bo muḷoi in doḷo-doḷom inta ain ininsilangan kon inimu tatua, in totu-totuubí kon mobaḻí. Táe tua komintan in mobaḻíbí kon singgai moiduduimai inta moonggotpa; dá dikadon oumanon kon i ineka.”

DANIEL 8:26 Iomraidhean Croise

YESAYA 24:22

Mosia in sipunonbí moyotakin naonda bo intau mita in ponjara kon bonu in bubú, bo pobonu kon ponjara modapot in moiangoi in wakutunea hukumon.

YEHEZKIEL 12:27

“Ei intau inta ilo-ilow, intau mita in Israel in noguman kon oontongon bo onu inta sinoḻindapmu kon mobaḻí tua in bain moonggot mako bo motuoi.

DANIEL 10:1

Kon taong intoḷunea kon pinomarentaan i Datu Koresh kon Persia, koyow tobatú pinoniata kon i Daniel inta dinonoi doman ki Beltsazar. Koyow tatua in totuubí, táe mororiga totok komangaḻean. Kon dodai in moḷongasi momangaḻe kon tua ki Daniel in notarima kon insilang soaḷ mangaḻe in koyow tatua kon bonu in tobatú oontongon.

DANIEL 10:14

Akuoi in namangoi sin mopobaḻí kon inimu momangaḻe kon onu inta mobaḻí kon singgai moiduduimai kon bangusamu. Oontongon tanaa in soaḷbí singgai moiduduimai.”

DANIEL 11:2

Bo onu inta pogumanku kon inimu in totuubí.” Malaekat tatua in noguman, “Toḷu in datu ibanea in momarenta kon Persia, dinuduian in datu inta inggopatnea inta mooyu-oyúon nongkon inta ibanea. Kon dodai in moḷantudon totok in kawasa bo kaoyúonannea, sia in mopoyogintayowdon in ropotnea takin dodatuan in Yunani.

DANIEL 12:4

Bo guman in malaekat tatua bui kon inakó, “Daniel, taḷobaidon in buk tatua in tanaa, bo kompitaidon in meterai sinbá umuran moitaḷob mako modapot kon singgai tumi. Mobayong in intau in monungkuḷ monaridi kon onu inta koyogot mobaḻí. Táe diábí in mangaḻe in inta iḷongasi monia.”

DANIEL 12:9

Sia in notubag, “Bayádon in tanaa mako, Daniel, sin tosingogon mita tanaa in mustibí bunion bo diá motaau poguman modapot kon singgai tumi.

WAHYU 10:4

Naonda in diádon singog in gotup pitu tatua, moibog in akuoi momais kon tua, táe kinodongoganku in singog nongkon soroga in noguman, “Bunidon onu in pinoguman in gotup pitu tatua, donaaidon paison intua!”

WAHYU 22:10

Bo malaekat tatua in noguman bui kon inakó, “Dika mobuni kon tosingogon mita inta kon bonu in buk tanaa, sin diádon moonggot kobaḻían intua komintan.