DANIEL 8:14 - Alkitab Singog In Mongondow Masa In Tanaa

¹⁴ Dinongogku in malaekat tobatú ibanea in notubag, “Modapot in toribu bo mogatut bo ḻima nopuḷú nosinggaipa. Kon dodai intua kuruban muḷoi in ḷoḷabungnea bo muḷoi in doḷo-doḷom diápabí posumba. Bain mopaḷut mako kon tua bo baḷoi pooibadaan tompiaandon bui.”

DANIEL 8:14 Iomraidhean Croise

KINOBAḺIAN 1:5

bo sinangoian-Neadon in bayag tatua “Singgai” bo sindip tatua “Doḷom”. Doḷom noitaḻibdon, bo noiangoidon in doḷo-doḷom. Tuata in singgai inta muna.

YESAYA 1:27

Ki Tuhan in moadil, dá Sia in moposaḷamatbí kon Yerusalem takin intaunea mita inta inangoian in manasaḷ.

YESAYA 45:25

Táe buí i Yakub in posaḷamatonbí, bo mosia in modayowbí kon i-Nakó, ki Tuhan.

DANIEL 12:11

Pinangkoi kon kuruban muḷoi in singgai pinogogai bo inta mokokoningkim inta sinangoi Aid Moraat inta mokorimumud tua pinosindog, in moitaḻib toribu bo doyowa nogatut bo siow nopuḷú nosinggai.

DANIEL 12:12

Kosanangdon in mosia inta umuran mosatia modapot in singgai in toribu bo toḷu nogatut bo toḷu nopuḷú bo ḻima.

DANIEL 12:7

Intau ibanea tatua in nopotundú in ḻimanea doyowa nosimpaḷ ná ḷangit. Dinongogku in sia nongibot pinodoyon kon i Allah inta mononoi bo noguman, “Bayongan inta nobaḻí tatua in modapotbí in toḷu notaong kapin. Naonda in mopaḷut mako in pomogutúan kon umat i Allah mopaḷut, dá mopaḷut domandon in inta mokoherang mita tatua.”

DANIEL 7:25

Sia in mosingogbí monayow kon i Allah Inta Totok in moḷantud bo mondorot kon umat i Allah. Sia in moḷongasibí momaḷui kon hukum mita bo singgai mita moḷoben in agama in umat i Allah, bo mosia in kawasaanneabí kon bonu in toḷu bo tobotak in taong.

DANIEL 8:26

Oontongon soaḷ kuruban muḷoi in ḷoḷabungnea bo muḷoi in doḷo-doḷom inta ain ininsilangan kon inimu tatua, in totu-totuubí kon mobaḻí. Táe tua komintan in mobaḻíbí kon singgai moiduduimai inta moonggotpa; dá dikadon oumanon kon i ineka.”

GALATIA 3:8

Bo kon Buk Motusi aindon pinais muna kon ki Allah in moposaḷamatbí kon intau mita inta deeman Yahudi, sin pirisaya monia kon i-Nia. Habar Mopia tatua aindon pinotaau muna kon i Abraham, tua inta mangaḻe in singog tanaa, “Barakat i Allah kon bayongan intau kon dunia naa in moponag mongin inimu.”

WAHYU 11:15

Bo malaekat impitunea in nogirup kon torompetnea, dá kinodongogandon in singog mita inta mongoḷangon totok nongkon soroga noguman, “Kawasa momarenta kon dunia naa, masai naa kinadaiandon i Tuhan naton, bo i Datu mopoposaḷamat inta pinodandi-Nea. Sia bidon in momarenta modapot in mononoi!”

WAHYU 12:14

Táe bobay tatua inogoiandon in koḻikip doyowa. Koḻikip in boniá moḷoben, sinbá ḷumayug in sia mayá in tampatnea kon padang gurun, tampat inta poḷukadan kon inia kon bonu in toḷu notaong kapin, sin pomiḷagui kon uḷag.

WAHYU 13:5

Mahaḷuk tatua inogoianbí in kasampatan ḷumoḷatú in mosingog bo moningkuḻe kon i Allah. Sia inogoianbí doman in kasampatan momarenta kon bonu in opat nopuḷú bodoyowá nobuḷan koonggotnea.