DANIEL 8:12 - Alkitab Singog In Mongondow Masa In Tanaa

¹² Bo intau mita kon tua nomangkoidon nogaid kon dosa bo diádon noposumba in kuruban mita inta ain sinantú posumba tatua. Dá ibada inta noitutui in pinogambatdon kon butá. Tungoi tatua in nokoaid kon bayongan inta kinoibognea.

DANIEL 8:12 Iomraidhean Croise

AYUB 12:6

Táe kobiagan in mogogagow diábí ginogondok; intau inta mokobaḻí monontot kon i Allah, mobiag motompia. Bokaka dewa inta pongata-ngata monia, tongábí ropot monia tontaní.

MAZMUR 119:142

Kooadil-Mu in umuran mononoi, hukum-Mu in umuranbí mobanar.

MAZMUR 119:43

Tuḷungaipa kaasí in akuoi sinbá umuran mosingog kon onu in totuu, sin akuoi in mogoḷat mako kon onu in tantúon-Mu.

MAZMUR 28:5

Mosia in diábí nopandungmai kon inta pinomia i Tuhan, andeka onu inta pinomia-Nea. Dá Sia in mohukumbí kon i monia, bo moyopú kon i monia modapot in mononoi.

YESAYA 59:14

Hukum inta moadil in pinosídon, bo inta moadil in pinoyayúdon. Aid motuḻid in diádon pinandungmai kon tampat mita poyoyodungkuḷan, bo gina motuḻid in diádon pinandungmai.

YEREMIA 12:1

“Aka diaanku in pelekaraku kon tayowon-Mu, o Tuhan, yo notantú bidon kon moniatabí kon Ikobí in noitutui. Táe moibogbí doman in akuoi in moḻibó kon inta moadil kon ini-Mu: Nongonu sin intau moraat in mobiagbí mooyúon? Nongonu sin intaubí inta diá motuḻid in mokodapot kon inta koibog monia?

DANIEL 11:28

Onda intua datu in butá kon utuan in mobui kon butánea takin kodia-dia in bayongan pakakat inta inagow inta nouḻínea. Sia in moniat mako kon morimumud kon agama inta pinirisaya in umat i Allah. Sia in mogaidbí kon onu in koibognea aidan bodongka mobui kon butánea tontaní.

DANIEL 7:21

Kon dodai in sinaridikumai, tungoi tatua in moparang monayow kon umat i Allah bo nonaḷow kon i monia.

DANIEL 8:4

Inontongku in domba koḷakian tatua nonungoi ná dotá in toyopan, utuan bo toḷatan. Diá tobatúmai in mahaḷuk in mokotahang tumayow kon inia andeka mokoḷagui nongkon kawasanea. Sia in mogaid kon onukabí in koibognea bo nobaḻí moḷoḷatú.

WAHYU 13:7

Sia inogoianpa doman in wakutu moḷawang kon umat i Allah takin monaḷow kon i monia. Bo inogoian doman in kasampatan mongawasa kon bayongan suku, umat, bahasa bo bangusa.

SAMUEL 1 23:9

Táe ain kinotaauan i Daud kon ki Saul in koniatdon moraat kon inia. Tuamai in noguman in sia kon i Imang Abyatar, “Diadon mangoi in epod tatua.”