DANIEL 7:6 - Alkitab Singog In Mongondow Masa In Tanaa

⁶ Naonda in sinaridikumangoi, noitukat domandon in mahaḷuk ibanea. Batangannea in naonda bo macan tutul, táe kon ḻikudnea oyúon in koḻikip in ḷagapan bo uḷunea in opat. Koontongan mokobangkaḷ in sia.

DANIEL 7:6 Iomraidhean Croise

YEHEZKIEL 17:3

inta koibog-Ku ki Tuhan Inta Totok in moḷantud poguman kon i monia: Oyúon in ḷagapan boniá moḷoben tobatú inta mogaga in bubuḷnea bo kokoḻikipan mooḷad bo moropot. Iḷumayug in sia ná buḷud in Libanon, nomutoḷ kon tubu in pangkoi in ḷokuyú totanga,

DANIEL 10:20

Bo sia in notubag, “Kinotaauanmu degá mongo nongonu sin namangoi in akuoi kon inimu? Makusudnea in moguman kon inimu onu inta pinais kon bonu in Buk Kobobanar. Tanaa akuoi in musti mobui sin moparang monayow kon malaekat moḷoḷukad Persia. Nopaḷut mako kon tua malaekat moḷoḷukad kon Yunani in mamangoi. Diábí in motuḷung kon inakó koḻikudbí in ki Mikhael, malaekat moḷoḷukad in Israel, negaramu.

DANIEL 2:39

Táe naonda in dodatuan i Tuangku mopaḷut, momukádon in dodatuan ibanea inta diá ná koḷoben in dodatuan i Tuangku. Onda intua momuká domandon in dodatuan intoḷunea inta ilambangan in tonsilai nongkon bitú kon patong tatua, inta mongawasa kon sinangkub in dunia.

DANIEL 7:4

Inta muna batangannea in naonda bo singa, táe kokoḻikipan ná koḻikip in ḷagapan garuda. Naonda in inindoianku, daḻídon norabut in koḻikipnea bo noḷabú; noibingkat in sia nongkon butá bo pinosindog kon sioḷ doyowa naonda bo intau, bo inogoian in raian intau.

DANIEL 7:5

Mahaḷuk inta nogindua batangannea in naonda bo beruang. Sia in sinimindog kon sioḷnea tumi, bo notangaḷ kon tuḷan gutuk toḷu. Dinongogku in singog in noguman kon inia, “Yo, kaandon in ponoyá kinooibogmubí!”

HOSEA 13:7

Tuamai in domokon-Kubí in moiko naonda bo pododomok in singa. Naonda bo macan tutul ḷaboton-Ku in moiko kon daḷan.

WAHYU 13:2

Mahaḷuk inta inontongku tua, batangannea in naonda bo macan tutul, sioḷnea naonda bo sioḷ in boruang, bibignea naonda bo bibig in singa. Mahaḷuk tatua inogoian i naga in ropot, inogoian in tampat pomomarentaannea bo kawasa inta moḷoben.