DANIEL 7:5 - Alkitab Singog In Mongondow Masa In Tanaa

⁵ Mahaḷuk inta nogindua batangannea in naonda bo beruang. Sia in sinimindog kon sioḷnea tumi, bo notangaḷ kon tuḷan gutuk toḷu. Dinongogku in singog in noguman kon inia, “Yo, kaandon in ponoyá kinooibogmubí!”

DANIEL 7:5 Iomraidhean Croise

DATU MITA 2 2:24

Ki Elisa in nobobui bo inimindoi kon i monia bo nogodi-godi kon i monia pinodoyon kon tangoi i Tuhan. Kon dodai doman intua iḷumuaidon in beruang kobaayan doyowa nongkon kayuon bo nomera-merak kon opat nopuḷú bodoyowá in mongoadí inta kon sigad in mongoadí mita tatua.

AMSAL 17:12

Mopia-piabí kon moyodungkuḷ in ki iná in beruang inta kinobuḻian i adínea, dika in moyodungkuḷ in intau bodok inta kinawasa in kobobodoknea.

YESAYA 56:9

Ki Tuhan in nopotabá kon bangusa mita ibanea namangoi naonda bo biag ḻindong sin modomok kon umat-Nea.

DANIEL 11:2

Bo onu inta pogumanku kon inimu in totuubí.” Malaekat tatua in noguman, “Toḷu in datu ibanea in momarenta kon Persia, dinuduian in datu inta inggopatnea inta mooyu-oyúon nongkon inta ibanea. Kon dodai in moḷantudon totok in kawasa bo kaoyúonannea, sia in mopoyogintayowdon in ropotnea takin dodatuan in Yunani.

DANIEL 2:39

Táe naonda in dodatuan i Tuangku mopaḷut, momukádon in dodatuan ibanea inta diá ná koḷoben in dodatuan i Tuangku. Onda intua momuká domandon in dodatuan intoḷunea inta ilambangan in tonsilai nongkon bitú kon patong tatua, inta mongawasa kon sinangkub in dunia.

DANIEL 5:28

sinilai; dodatuan i Tuangku in sinilai bo inogoi kon intau in Media bo Persia.”

DANIEL 7:4

Inta muna batangannea in naonda bo singa, táe kokoḻikipan ná koḻikip in ḷagapan garuda. Naonda in inindoianku, daḻídon norabut in koḻikipnea bo noḷabú; noibingkat in sia nongkon butá bo pinosindog kon sioḷ doyowa naonda bo intau, bo inogoian in raian intau.

DANIEL 7:6

Naonda in sinaridikumangoi, noitukat domandon in mahaḷuk ibanea. Batangannea in naonda bo macan tutul, táe kon ḻikudnea oyúon in koḻikip in ḷagapan bo uḷunea in opat. Koontongan mokobangkaḷ in sia.

HOSEA 13:8

Akuoi in mondangatbí kon i monimu naonda bo beruang inta kinobuḻian i adínea mita. Yabi-yabion-Kubí in moiko. Naonda bo singa Akuoi in modomok kon i monimu kon tampatmu, bo naonda bo mahaḷuk ḻindong Akuoi in moyabi-yabi kon i monimu.

WAHYU 13:2

Mahaḷuk inta inontongku tua, batangannea in naonda bo macan tutul, sioḷnea naonda bo sioḷ in boruang, bibignea naonda bo bibig in singa. Mahaḷuk tatua inogoian i naga in ropot, inogoian in tampat pomomarentaannea bo kawasa inta moḷoben.