DANIEL 7:21 - Alkitab Singog In Mongondow Masa In Tanaa

²¹ Kon dodai in sinaridikumai, tungoi tatua in moparang monayow kon umat i Allah bo nonaḷow kon i monia.

DANIEL 7:21 Iomraidhean Croise

DANIEL 11:31

Bo sia in nokidia in tontara mita inta nokokotor kon Baḷoi i Tuhan. Mosia in momopatbí kon kuruban muḷoi in singgai bo moposindog in inta mokokoningkim inta sinangoian Aid moraat inta mokorimumud.

DANIEL 12:7

Intau ibanea tatua in nopotundú in ḻimanea doyowa nosimpaḷ ná ḷangit. Dinongogku in sia nongibot pinodoyon kon i Allah inta mononoi bo noguman, “Bayongan inta nobaḻí tatua in modapotbí in toḷu notaong kapin. Naonda in mopaḷut mako in pomogutúan kon umat i Allah mopaḷut, dá mopaḷut domandon in inta mokoherang mita tatua.”

DANIEL 7:20

Ibogonku in kotaauanku doman in soaḷ tungoi mopuḷú kon uḷunea bo soaḷ tungoi nointok inta nomuká noiduduimai bodongka norabut kon tungoi toḷu inta nobiag muna tua. Tungoi nointok tatua in komata bo bibignea in mongonguman kon ambungangaḷ takin iḷumoḷatú. Sia in mokokoningkim totok noiḻiu kon tungoi mita ibanea tatua.

DANIEL 8:12

Bo intau mita kon tua nomangkoidon nogaid kon dosa bo diádon noposumba in kuruban mita inta ain sinantú posumba tatua. Dá ibada inta noitutui in pinogambatdon kon butá. Tungoi tatua in nokoaid kon bayongan inta kinoibognea.

DANIEL 8:24

Sia in mobaḻíbí moropot totok, táe deemanbí noidoyon kon ropotnea tontaní. Sia in mopoangoibí in inta mokoyopú inta mokokoningkim bo onukabí in aidannea kodapotanneabí. Sia in momutúbí kon intau mita inta motorindog bo umat i Allah.

DANIEL 8:9

Nongkon tungoi tobatú nomukádon in tungoi nointok, inta nobaḻí totok in noḷoben bo kawasanea iḷumoben nopobayá ná toḷatan, ná pomukaan bo nopobayá ná butá inta nopia.

WAHYU 17:14

Mosia in noyopakat kon moparang kon i Adí in Domba tatua. Táe ki Adí in domba tatua takin dumodudui-Nea mita inta mosatia bo inta ain inoiní bo piniḻí-Nea tatua in monaḷow kon datu mita tatua, sin Siata in Tuang in bayongan tuang, bo Datu in bayongan datu.”

WAHYU 17:6

Bo inontongku in bobay tatua noḷoḷangu in dugú in umat mita i Allah bo dugú in intau mita inta nobaḻí sakusi mita i Yesus. Naonda inontongku in bobay mita tatua, noherangdon totok in akuoi.

WAHYU 19:19

Noiduduimai kon tua akuoi in nokoontong kon mahaḷuk tatua, bo datu mita kon dunia naa takin tontara mita monia, noyosipun sin moparang kon i-Nia inta sinumakoi kon kabaḷo nobudó bo tontaranea mita.