DANIEL 7:10 - Alkitab Singog In Mongondow Masa In Tanaa

¹⁰ bo tuḷú ḷumekep nongkon pomomarentaan tatua. Ribuan in intau nogundoi kon i-Nia bo jutaan in intau sinimindog kon tayowon-nea. Onda intua pinangkoidon in sidang pongadilan, bo buk mita in binukádon.

DANIEL 7:10 Iomraidhean Croise

DATU MITA IMITÁNEA 22:19

Ki Mikha in noguman bui, “Tanaa in indongogai in onu inta pinoguman i Tuhan! Akuoi in nokoontong kon ki Tuhan in iḻimitú kon ḷoḻitúan-Nea kon soroga, bo bayongan in malaekat-Nea sinimindog kon diug-Nea.

TAWARIKH 2 18:18

Ki Mikha in noguman bui, “Tanaa in indongogaidon onu inta pinoguman i Tuhan! Akuoi in nokoontong kon ki Tuhan in iḻimitú kon ḷoḻitúan pomomarentaan-Nea kon soroga, bo bayongan in malaekat-Nea in sinimindog kon diug-Nea.

AYUB 25:3

Koiapan degá in malaekat inta nogundoi kon i-Nia? Oyúon degá in tampat inta diá sinindaran in bayag-Nea?

MAZMUR 103:21

Dayowdon in ki Tuhan, ei bayongan in mahaḷuk kon soroga, bayongan in mogogundoi-Nea inta nogaid kon kinoibog-Nea.

MAZMUR 18:8

Bo nodandú in dunia bo noḷundan, apad mita in buḷud nodandú bo mogugur popisí in torú i Allah.

MAZMUR 50:3

Ki Allah naton in namangoi bo tongá kibio-biómai, Sia in inunaan in tuḷú inta modilá, bo iḻibu in deḷang inta motoyang.

MAZMUR 68:17

Nongonu sin nongkon tudumu inta mobayong nion iko in mobobuibí takin intoi kon Buḷud in Sion inta piniḻí i Allah pogutunan-Nea? Ki Tuhan in mogutunbí kon tua modapot in mononoi.

YESAYA 30:27

Kawasa bo kamuliaan i Tuhan koontongan nongkon moyayú. Tuḷú bo poyok moponiata kon torú-Nea. Sia in moyosingog takin i monia, bo tosingogon-Nea mita momokak naonda bo tuḷú.

YESAYA 30:33

Nongkon koḻipodpabímai ain sinadia in tampat potubáan kon i datu in Asyur. Tampat tatua modaḷom bo mooḷad, binonuan in kayu pondungú inta noyoguntuḷdon. Ki Tuhan in mopoyongkitdon intua pongin mopoirup in poginaan-Nea ná ongkag in balerang.

DANIEL 12:1

Malaekat inta nogiḷambung in pakeang linen tatua in noguman bui, “Kon dodai intua moitukatbí in malaekat moḷoben ki Mikhael moḷoḷukad kon bangusamu. Onda intua moiangoi in sempo in roriga inta diá in poḻiuan pinangkoi kon oyúondon in bangusa mita. Táe bayongan in intau nongkon bangusamu inta tangoinea pinais kon buk i Allah, in posaḷamatonbí.

DANIEL 7:22

Onda intua Sia inta mononoi tatua namangoi bo nobogoi in kaputusan inta nopobanar umat i Allah Inta Totok in moḷantud. Noiyaputdon in wakutunea mosia in motarima kon kawasa sin momarenta.

DANIEL 7:26

Bo pongadilan in soroga in mosidang bo morabut kon kawasanea poḷat morimumud kon inia modapot in moinggamá.

ZAKHARIA 14:5

Moiko in moḷaguibí mongin ḷopá inta nomotak kon tombuḷud tatua nobaḻí doyowa. Moiko in moḷaguibí ná mogoguyangmu kon tungkuḷ in ḻinug kon dodai in ki Uzia datu in Yohuda. Bo namangoidon in ki Tuhan Allahku, sinakinan in bayongan in malaekat.

MATIUS 25:31

“Aka ki Adí Intau mamangoi saḷaku Datu bo sinakinan in malaekat mita, yo Sia in ḻimitú kon tampat pomarentaan-Nea.

ULANGAN 33:2

“Ki Tuhan namangoi nongkon Buḷud in Sinai; Sia nomuká kon tudu in Edom naonda bo mata in singgai bo nongkon Buḷud in Paran sia nonimbayag kon umat-Nea. Sia sinakinan in mopuḷú noribu in malaekat; tuḷú nodokot kon dotá in koḷanan-Nea.

IBRANI 1:14

Aka natua, onubí in malaekat mita tatua? Mosia tua in rohobí mita inta mobantung kon i Allah, inta pinotabá i Allah mamangoi motuḷung kon intau mita inta bain motarima kon kasaḷamatan.

IBRANI 12:22

Tongá aka moiko namangoidon in Buḷud Sion bo kotá i Allah inta nobiag, tuata in Yerusalem inta kon soroga takin ribuan malaekat-Nea.

YUDAS 1:14

Ki Henokh, buí impitunea nongkon i Adam, tungkuḷ intua nokoimontan doman in nopotaau in koyow i Allah soaḷ intau mita tatua. Ki Henokh in noguman nanaa, “Indoiai, ki Tuhan in mamangoi takin ribuan malaekat-Nea mita inta mokudus

WAHYU 11:18

Intau mita inta diá nonotaau kon i Tuhan, sinumorúdon sin aindon wakutunea Iko mopoḷuai in torú-Mu, bo aindon doman wakutunea Iko monantú kon intau mita minatoi. Naadon doman i wakutunea mobogoi kon boḻi in pinogaidan in intau mita inta nogaid kon oaidan i Allah, bo in nabi mita, bo kon bayongan in umat, tuata in mosia inta noibada kon ini-Mu, adí ande itoi. Naadon i wakutunea morimumud kon intau mita inta nomoguyaat kon dunia naa!”

WAHYU 5:11

Noiduduimai oyúon in inontongku bui. Akuoi in nokodongog kon singog in malaekat inta ribuan sedang bo jutaanbí in kobayongnea. Mosia in sinimindog iḻimibu kon tampat pomomarentaan bo kon mahaḷuk opat tatua takin itoi mita tatua.