DANIEL 6:9 - Alkitab Singog In Mongondow Masa In Tanaa

⁹ Poigumon nami sinbá ki Tuangku in motekeng kon surat parenta tatua sinbá mobaḻí undang-undang in Media bo Persia inta diádon motaau inggamáan bui.”

DANIEL 6:9 Iomraidhean Croise

ESTER 1:19

Manangka intua, poigumon nami sinbá ki Tuang in momontowdon kon tosingogon kon ki Bokí Wasti in diá bidon motaau mamangoi kon tayowon i Tuang. Bontow in tosingogon tatua in musti baḻíon undang-undang in Persia bo Media, sinbá diádon motaau bui inggamáan. Mopaḷut mako kon tua ogoidon in ḷoḻitúan i Bokí Wasti tatua kon bobay inta mopia-pia nongkon inia.

MAZMUR 118:9

Mopia-piabí in mosingayow kon i Tuhan, dika in mongamang mako kon dodatuon.

MAZMUR 146:3

Dikadon mongamang kon mongongawasa, kon intau inta diá mokoposaḷamat.

AMSAL 6:2

Bo degá iko in noitogotdon kon onu in siningogmu bo noibaaḷdon kon dandimu tontaní.

YESAYA 2:22

Dá, dikabí umandoḷ kon intau inta mato-matoi naa, sin sia in diábí in mangaḻenea.