DANIEL 6:6 - Alkitab Singog In Mongondow Masa In Tanaa

⁶ Bo mosia in noguman, “Kita in tongábí mokouḻí kon taḷá i Daniel kon soaḷ agamanea.”

DANIEL 6:6 Iomraidhean Croise

NEHEMIA 2:3

bo notubag, “Mobiagdon in ki Tuang modapot in mononoi! Naondabí in bobantung diá moajar in gina, aka kotá pinoḷobongan kon mogoguyang in bobantung tanaa in dongkadon goguraatnea mita bo ḷoḻingkop mita in bonawangnea ain doman nogoguyaat pinokak in tuḷú.”

MAZMUR 56:6

Kinoouput in singgai musung mopotombauk in pelekaraku, umuranbí in mosia moḷongasi mopobodito kon inakó.

MAZMUR 62:3

Tongábí Sia inta nogoḻiung bo noposaḷamat kon inakó, Sia in mododuḷuku, diábí in akuoi motundan.

DANIEL 2:4

Mosia in notubag kon bonu in singog in Aram, “Kobiagdon Tuangku modapot in mononoi! Oumandon in togoindop tatua kon inami, dá insilangandon nami in mangaḻenea.”

DANIEL 3:9

Mosia in noguman kon i Datu Nebukadnezar, “Mobiagdon in ki Tuangku modapot in mononoi!

DANIEL 5:10

Nokodongogmai kon karak mita i datu bo in intaunea mita moḷoben, ki iná i datu sinumuot kon yuang bobutungan tatua. Bo sia in noguman, “Mobiagdon in ki Tuangku modapot in mononoi! Pokoonow in gina i Tuangku bo dikabí mobilai.

DANIEL 6:11

Naonda in dinongog i Daniel intua, nobuidon in sia kon baḷoinea. Gopotnea inta kon ḷundukan kon ḻimonik oyúon in jandelanea mita inta noitayow kon Yerusalem. Bo ná biasamai, sia mosambayang kon i Allahnea bo modayow kon i-Nia kotoḷu in tosinggai poḷat tumungkud kon tayowon in jandelanea mita inta binukatan tatua.

DANIEL 6:21

Noiyaputmai intua, nokuuk in sia táe takin ḻia-ḻiaw in gina, “Daniel, mogogundoi i Allah inta nobiag! Degá ki Allahmu inta sinumbamu totu-totuu tua in nokoposaḷamatdon kon inimu nongkon singa mita tatua?”

OUMAN IN RASUL MITA 24:2

Ki Paulus in dinia domandon kon tayowon monia, ki Tertulus in inoinídon doman, dá nomangkoidon in ki Tertulus nosingog kainia, “Tuang gubernur inta mopia! Naonda in ki Tuang nomarenta kon butá nami naa, mopiadon totok in kinorasaan nami. Bo ki Tuang mopandoi momarenta dá nobayong domandon in mopia in kinorasaan nami.