DANIEL 6:16 - Alkitab Singog In Mongondow Masa In Tanaa

¹⁶ Onda intua intau mita tatua bui namangoi kon tayowon i datu bo noguman, “Tuangku, mustibí toropon i Tuangku kon podudui in undang-undang in Media bo Persia, parenta inta ain pinoḷuai i datu in diábí motaau baḷú-baḷuian.”

DANIEL 6:16 Iomraidhean Croise

SAMUEL 2 3:39

Umpakabí akuoi naa in datu moḷoben inta piniḻí i Allah, táe korasaanku in tanaa kon moyangkóbí. Ki adí mita i Zeruya tua in moiḻiudon in romú. Diá in akuoi mokotongod in mongawasa kon i monia. Igumon mako ki Tuhan in mohukum kon intau mita moraat tatua, podudui kon oaid monia!”

AYUB 5:19

Aka anib bo mopogogondok, iko in umuranbí posaḷamaton.

AMSAL 29:25

Moondok kon raian in intau, mokopoangoi kon roriga. Popirisaya kon i Tuhan, dá moamanbí in iko.

YESAYA 41:10

Dika moondok, sin takinan-Kubí in iko, dika moḻia-ḻiaw in gina, sin Akuoi in ki Allahmu. Iko in irigonan-Ku bo tuḷungan-Ku, Ḻima-Ku inta moroton in pokapit-Ku.

YESAYA 43:2

Aka iko ḷumoḷan kon tubig yo takinan-Ku in iko, iko in diábí moḷomot kon bonu in rorigamu mita. Aka mongin tuḷú, diábí in iko mopokak, totungkuḷ mita inta mobogat in diábí mokobodito kon inimu.

YEREMIA 26:14

Soaḷ akuoi, totuu kon akuoi in kon bonu in kawasamu in mopoaid kon onukabí in koibogmu.

YEREMIA 38:5

Ki Datu Zedekia in notubag, “Mopia! Aidai podudui in koibogmu, diábí in akuoi motaau mogimaḷow kon i monimu.”

YEREMIA 38:6

Bo ginamá monia in akuoi bo sinuntun monag monia in akuoi kon bonu in parigí i Malkia ki adí ḷoḷaki i datu, inta noiukat kon palas in komaḻig. Diábí in tubig kon bonu in parigí tatua, tongá yoná, bo akuoi in noibonu kon yoná tatua.

YEREMIA 39:17

Táe Akuoi, ki Tuhan, in moḷukadbí kon inimu. Iko in diábí ogoi kon intau mita inta kinoondokmu.

DANIEL 3:15

Yo, tanaa, moibog degá in moiko dumokó bo mosumba kon patong tatua kon dodai in musik posingogon? Aka moiko doí, yo moiko in baḷúdon pogonag kon bonu in tuḷú inta kodoko-dokot. Bo dewa degá táonda in mokoposaḷamat kon i monimu nongkon kawasaku?”

DANIEL 3:17

Aka ki Allah inta sinumba nami mokoposaḷamat kon inami nongkon tuḷú inta kodoko-dokot tatua bo nongkon kawasa i Tuangku, yo notantúbí kon aidan-Nea intua.

DANIEL 3:28

Bo nogumandon in ki datu, “Dinayo-dayowdon in ki Allah inta sinumba i Sadrakh i Mesakh bo i Abednego. Sia in nopotabádon kon malaekatnea sin moposaḷamat kon bobantungnea taya toḷu tatua inta mopirisaya kon i-Nia. Mosia in iḻimimpatdon kon parentaku bo moibo-ibogbí kon matoi aka mosumba andeka modayow kon dewa taondaka koḻikudbí in ki Allah monia tontaní.

DANIEL 6:20

Kon tungkuḷ in modiugpa mobayag nobangondon in ki datu bo iḻimikat minayá in angob in singa.

DANIEL 6:7

Onda intua minayádon in mosia noyotakin kon tayowon i datu bo noguman, “Oo Tuangku Datu Darius, mobiagdon in ki Tuangku modapot in mononoi!

OUMAN IN RASUL MITA 24:27

Táe naonda in notompodon doyowa notaong in ki Peliks nobaḻí gubernur, binaḷuiandon in sia i Perkius Pestus. Bo popisí in modondouḷug kon intau in Yahudi dá pinomayádon mako i Peliks in ki Paulus kon bonu in ponjara.

OUMAN IN RASUL MITA 25:11

Aka akuoi bo totu-totuu kotaḷá inta motaau baḻíon monimu dodoyonan pohukuman kon inakó dapot in matoi, yo kodu-koduduibí in akuoi. Táe aka onu in pinonapud monia tua bo diá totuu, yo diá in tobatúmai intau in kohak moposarakan kon inakó sin tongá popisí in ogoi ponotabi kon i monia nion. Akuoi in monuntut kon tantúondon kon pongadilan i Kaisar!”

OUMAN IN RASUL MITA 25:9

Táe ki Pestus inta moibog sinbá kosanang in gina in intau Yahudi in noguman kon i Paulus, “Moibog degá iko mayá in Yerusalem sinbá sidangon kon tua kon tayowonku soaḷ pelekara tanaa?”

SURAT I PAULUS KON JAMAAT RUM 13:3

Sin ki ine in mogaid kon inta mopia donaai bidon moondok kon pomarenta, tongábí mosia inta mogaid kon moraat tua in musti moondok. Dá aka iko moibog bá diá moondok kon pomarenta, dá aidaidon in onu inta mopia bo pujionbí in iko.

KORINTUS 2 1:10

Ki Allahbí tua in noposaḷamat kon inami nongkon yoyiga inta mokopatoi tua. Bo inta moposaḷamat kon inami kon singgai moiduduimai naa, sin tongábí Sia in binaḻí nami oandoḷan. Kami in moyakin bidon kon sambayang mita monimu kon inami indongoganbí i Allah, sahingga in posaḷamaton-Neabí in kami nongkon bayongan inta mokobodito kon i nami. Ki Allah in umuranbí nobogoi in barakat kon inami sin umuran monimu sinambayangan. Tuamai nobayongdon totok in intau mosukur kon i Allah.