DANIEL 6:10 - Alkitab Singog In Mongondow Masa In Tanaa

¹⁰ Dá ki Datu Darius in notekengdon kon surat parenta tatua.

DANIEL 6:10 Iomraidhean Croise

DATU MITA IMITÁNEA 8:38

igumon mako moibogpa in Iko mokidongog kon sambayang monia. Aka nongkon sigad in umat-Mu Israel oyúon in takin kuyang in gina mosambayang kon ini-Mu poḷat motonggó kon ḻimanea popotundú ná baḷoi pososumbaan tanaa,

DATU MITA IMITÁNEA 8:44

Aka Iko momarenta kon umat-Mu mayá moparang monayow kon musung, bo kon ondaka in mosia, mosia in tumayow kon kotá inta piniḻí-Mu tanaa bo mosambayang tumayow kon baḷoi tanaa inta ain pinosindogku kon ini-Mu,

DATU MITA IMITÁNEA 8:54

Naonda in ki Salomo nopaḷut mako nopoyaput in sambayang bo oigum kon tayowon in mezbah i Tuhan takin notonggó kon ḻima, sinimindogdon in sia

TAWARIKH 2 6:38

Aka kon butá tatua bo mosia takin ibogbí monia tontaní bo totu-totuudon monaḷámai kon dosa mita monia, bo mosambayang kon ini-Mu tumayow kon butá tanaa inta inogoi-Mu kon mogoguyang nami, tumayow kon kotá inta ain piniḻí-Mu bo baḷoi pooibadaan inta ain pinosindogku kon ini-Mu tanaa,

EZRA 9:5

Naonda in kuruban ḷoḷabungnea nomangkoidon pinosumba, sinimindogdon in akuoi nongkon iḻitúanku koina bo takin ḷambung inta noberak, sinumungkud in akuoi bo nopotonggó in ḻimaku kon i Tuhan Allahku.

NEHEMIA 6:11

Táe akuoi in notubag, “Akuoi naa in deemanbí intau inta moibog moḷagui. Saḷaku intau biasa diábí motaau in akuoi tumuot kon Baḷoi Tuhan, sin matoi in akuoi. Diá, doíbí in akuoi!”

MAZMUR 34:1

Mazmur i Daud, kon tungkuḷ in sia sinumon intau nobundai kon tayowon i Abimelek, dá inuntun in sia bo minayá.

MAZMUR 5:7

Yopúon-Mu in intau mita inta moibog monguboḷ. Mopopak bo moḷoḻimod mobú in Iko in mokoontong.

MAZMUR 55:17

Táe akuoi in nokuani kon i Allah, ki Tuhan in moposaḷamatbí kon inakó.

MAZMUR 86:3

Ikobí in ki Allahku, kotabipa kaasí in akuoi o Tuhan, sin kinoouput in singgai akuoi mosambayang kon ini-Mu.

MAZMUR 95:6

Koḻigai in kita dumokó mosumba kon i-Nia, tumungkud kon tayowon i Tuhan, inta nomaḻí kon inaton.

DANIEL 6:13

minayádon in mosia komintan kon i datu sin mopongadu kon i Daniel. Mosia in noguman, “Ki Tuangku in notekengdon kon surat parenta inta moguman kon diápa ogoi in bayongan intau kon bonu in toḷu nopuḷú nosinggai naa in mopoyaput in oigum kon i dewanea andeka kon intau koḻikudbí in kon i Tuangku! Bo noguman doman, kon ki ine in ḻimimpat kon parenta tatua yo pogambatbí kon bubú in singa?” Ki Datu in notubag, “Totuu, bo parenta tatua in nobaḻídon undang-undang in Media bo Persia inta diábí motaau inggamáan bui.”

DANIEL 9:4

Bayongan in dosa in bangusaku inakuku kon i Tuhan Allahku. Gumanku, “Tuhan Allah, Iko in moḷoben, bo kami in mohoromat kon ini-Mu. Iko in umuranbí mogintompod kon dandi-Mu bo mopoontong in tabi-Mu inta mononoi kon i monia inta motabi kon ini-Mu bo inta nogaid kon onu inta pinoki aid-Mu.

YUNUS 2:4

Akuoi in nosingog kon bonu in ginaku: Ki Tuhan in nopoguntundon kon inakó naa nongkon tayowon-Nea. Diádon in akuoi mokoontong bui kon baḷoi pogogutunan-Nea inta motusi.

MARKUS 3:3

Dá ki Yesus in noguman kon intau inta noḻempeng in ḻimanea tosimpaḷ tua, “Koḻigai kon naa bo sindog kon tayowon intau mita tanaa.”

LUKAS 14:26

“Aka intau mamangoi kon i-Nakó, táe sia in motabi-tabi kon i iná bo kon i amánea andeka kon i adíneabí bo kon i buḷoinea bo kon awaknea tontaní, yo sia tua in diá motaau mobaḻí dumodudui-Ku.

LUKAS 22:41

Onda intua Sia iyumayú topiḻik kon murí-Nea mita tatua, degá topogaraban batu in koyayúnea, bodongka sinumungkud bo nosambayang.

OUMAN IN RASUL MITA 10:9

Nopoikoḷomai kon singgai, kon wakutu in bobantungnea mita tatua kon daḷanpa bo motoyongdon moyaput in Yope, degá jammaidon mopuḷú bodoyowá tusinggainea, ki Petrus in noponikdon kon baḷoi sin mosambayang.

OUMAN IN RASUL MITA 2:15

intau mita tanaa in diábí noḷoḷangu, ná kain singog monimu; sin tanaa in bagupabí jam siow doḷo-doḷom.

OUMAN IN RASUL MITA 20:24

Táe tua in diábí hirauonkumai matoi kabí asaḷ bo oaidan inta pinoki aid i Tuhan Yesus kon i nakó in moḷapatku aidan bo ginaku in umuran motantú modapot in kopaḷutan kobiaganku naa kon akuoi in mustibí mopoyaput in Habar Mopia inta ain pinonotabi i Allah kon i naton.

OUMAN IN RASUL MITA 20:36

Nosingog mako kon natua, ki Paulus bo bayongan intau kon tua in sinumungkud bo nosambayang.

OUMAN IN RASUL MITA 21:5

Táe naonda in nodaitdon in wakutu nami kon tua, minayádon in kami nongkon tua bo nongingguputdon kon bobayáan nami. Intau mita inta mopirisaya takin buḷoi bo adí monia nogatod kon inami nodapot kon ḷuai in kotá. Noidapotmai kon bingkí in pintad, kami in sinumungkud bo nosambayang.

OUMAN IN RASUL MITA 3:1

Kon singgai tobatú wakutu in orasdon posambayangan sin aindon jam nogintoḷu ḷoḷabungnea, ki Petrus bo ki Yohanes in minayá sinumuot kon Baḷoi Tuhan.

OUMAN IN RASUL MITA 4:29

Bo tanaa mako Tuhan, indoiaika in mosia mongancambí kon inami. Poigumon nami kon ini-Mu Tuhan, ogoiaipa in kabaranian in bobantung-Mu mita tanaa in mopoyaput in Pirman-Mu mita.

OUMAN IN RASUL MITA 5:20

“bayádon sindog kon Baḷoi Tuhan bo popotaaudon kon bayongan intau in soaḷ kobiagan inta mobagu naa.”

OUMAN IN RASUL MITA 5:29

Táe ki Petrus bo ki Yohanes in noguman, “Kami in mustibí mokidongog kon i Allah, deemanbí dumudui kon singog in intau nion.

OUMAN IN RASUL MITA 7:60

Bo sinumungkud in sia poḷat nomaḷú noropot, “Tuhan, donaaidon dosa tanaa popobaba-Mu kon i monia!” Onda in noguman mako natua sia in minatoidon.

OUMAN IN RASUL MITA 9:40

Táe nodaitnea pinoki ḷuaian in mosia kon gopot tatua, bo sia in sinumungkud nosambayang. Nopaḷut mako nosambayang, nobobui in sia kon mayat tatua bo noguman, “Tabita, pobangondon!” Dá ki Dorkas nobukádon kon mata, bo naonda inontongnea in ki Petrus, bango-bangon in sia bo iḻimitú.

EPESUS 3:14

Manangka intua akuoi in sinumungkud kon tayowon i Amá.

PILIPI 1:14

Pinomonjaraan kon inakó in nobaḻídon dodoyonan sahingga in nobayong intau in Keresten kon kotá tanaa in nobaḻí nopirisaya totok kon i Tuhan, dá diádon moondo-ondok in mosia mopotaau in koyow i Allah.

PILIPI 1:20

Inta totok in kinoibogku bo iharapku mako in bá diá mokoimontanmai in akuoi in diá mokopogaid kon oaidanku. Táe haraponku bá pomuḷoi mako, torutama totok in tanaa mako mobaranidon totok in akuoi sahingga in bayongan onu inta kon inakó – mobiag andeka matoi – ki Kristus in pomuliaan.

PILIPI 4:6

Donaai moḻia-ḻiaw in ginamu kon bayongan yagi-yagi. Onukabí in aidanmu umuran posambayang bo pogumandon kon i Allah onu in igumonmu. Onu in paraḷumu umurandon potaau kon i Allah bo dika mokoḻiong in mopoyaput in sukur kon i-Nia.

KOLOSE 3:17

Bayongan inta aidan andeka singogon monimu, yo aidai ande singog komintan podoyon kon tangoi i Tuhan Yesus. Poyaputdon in sukurmu kon i Allah ki Amá naton sin bayongan inta pinomia i Yesus kon inimu.

IBRANI 13:15

Tuamai potonsigad naton kon i Yesus, kita in musti umuran modayow kon i Allah; tua in nobaḻí kuruban sukur naton kon i-Nia, inta pinosumba naton pinongin singog in bibig sin mopomulia kon tangoi-Nea.

IBRANI 4:16

Tuamai, koḻigai in kita dika moondo-ondok in mayá kon tayowon i Allah inta nomarenta takin pia in gina. Motabibí in ki Allah kon i naton bo ogoian-Neabí in barakat, sahingga motarimabí in kita kon totuḷung-Nea aka kon wakutuneadon.

WAHYU 2:10

Dikabí moondok kon yoyiga inta diádon moonggot in musti korasaan monimu. Pokotorop, oyúon in tongonumai intau kon sigad monimu in potuoton Ibilis kon bonu in ponjara sin mosoba kon i monimu. Moiko in mokorasa kon yoyiga kon bonu in mopuḷú nosinggai. Táe kotoinduduibí tantú in moiko kon i-Nakó modapot in matoi, dá moiko ogoian-Ku in kobiagan mononoi saḷaku tombuinag sin nountungdon.

WAHYU 2:13

Kinotaauan-Kubí in pinogutunan monimu. Moiko in nogutun kon tampat inta pinomarentaan in Ibilis, táe moiko in motoinduduibí kon i-Nakó. Sedang bo wakutu in ki Antipas, sakusi-Ku inta motoindudui tua iḻimod kon tayowonmu kon tampat poyoyosipunan in Ibilis, yo moiko in umuranbí doman nongaku saḷaku intau mita inta mopirisaya kon i-Nakó.