DANIEL 5:22 - Alkitab Singog In Mongondow Masa In Tanaa

²² Táe ki adínea ḷoḷaki, inta ki Tuangku tontaní, in doí tumonsiup, umpaka kinotaauandon i Tuangku in tua komintan.

DANIEL 5:22 Iomraidhean Croise

TAWARIKH 2 33:23

Táe noyoposi i amánea, ki Amon in diábí sinumonsiup bo diá doman nobui mangoi kon i Tuhan; nodapotbí in sia in binara-baradosa nongkon i amánea.

TAWARIKH 2 36:12

Sia in binaradosa doman kon i Tuhan Allahnea. Doí doman in sia tumonsiup bo doí dumudui kon i Nabi Yeremia inta nopotaau in koyow nongkon i Tuhan kon inia.

MAZMUR 119:46

Atorang-Mu in potaaukubí kon datu mita, bo diábí in akuoi mooyá.

IḶUAIAN 10:3

Dá ki Musa bo ki Harun minayá nokipodungkuḷ kon i datu bo noguman kon inia, “Ki Tuhan, Allah in bangusa Ibrani, noguman, ‘Dapot in toonu iko doí tumungkud kon i-Nakó? Pomayádon mako in umat-Ku mayá, sinbá mosia in motaau mayá moibada kon i-Nakó.

YESAYA 13:11

Ki Tuhan in noguman, “Akuoi in mohukumbí kon dunia popisí in aidnea moraat, bo intau mita inta moraat popisí in dosa mita monia. Bayongan in inta moḷoḷatú in poompáan-Kubí, intau mododia bo moromú in hukumon-Ku.

YESAYA 14:13

Iko in moniat moponik kon ḷangit bo momia kon tampat pomomarentaanmu kon ḻimonik in tundi inta totok in moonik! Kainimukamai iko in motaaubí ḻimitú mobaḻí datu kon tudu in buḷud kon dotá in utuan, tampat pinoyosipunan in dewa mita.

YESAYA 26:10

Umpaka intau moraat pinopoaidan in inta mopia, diábí doman in sia mobalajar kon onu inta mobanar. Kon negara inta oyúon in hukum sia in mopoaidbí doman kon inta motombogá, bo doíbí motarima kon kawasa i Tuhan.

DANIEL 5:18

Ki Allah Inta Totok in moḷantud nomaḻí kon i Nebukadnezar ki amá i Tuangku nobaḻí datu moḷantud bo nobogoi kon inia in koḷoḷoben bo ponango-nangoian.

MATIUS 14:4

Nokoimontandon in ki Yohanes nonoboḷow kon i Herodes, kai nia: “Diábí mopia aka iko motonibuḷoi i Herodias!”

MATIUS 21:32

Sin ki Yohanes ain namangoi mopoyotutui in daḷan inta totuu kon i monimu, táe diá pinirisaya monimu in sia. Táe mononagi mita kon pajak bo bobay mita inta sundaḷ nopirisaya kon inia. Sin umpakabí moiko ain nokoontong kon inia, táe moiko in diá angoian in panasaḷan bo moiko in diábí doman mopirisaya kon inia.”

LUKAS 12:47

Bobantung mita inta ain nonotaau kon onu in kinoibog i tuangnea táe diá mobasadia bo diá doman mogaid kon inta kinoibog i tuangnea tua, yo sia in totokbí in ḷuntaan.

YOHANES 13:17

Aka kinotaauandon monimu komintan in naa, yo mosanang bidon in moiko aka pomiaanmu.

YAKOBUS 4:17

Tuamai, intau inta kinotaauannea in mopia, táe diá aidannea, yo binaradosa in intau tatua.

YAKOBUS 4:6

Umpaka natua, totabi Allah inta inogoi kon i naton moropo-ropot nongkon ibog in roho naton tatua. Tuamai kon bonu in Buk motusi in pinais doman, “Ḷawangonbí i Allah in intau inta mokaḷakuang, táe Sia in motabibí kon intau inta moompá in dodia.”