DANIEL 5:2 - Alkitab Singog In Mongondow Masa In Tanaa

² Koyogot in mosia nonginumai, ki Belsyazar in nokigamá in palo mita buḷawan bo saḷaka, inta ain inagow i Nebukadnezar, ki amánea, nongkon Baḷoi i Tuhan kon Yerusalem. Makusud i Datu Belsyazar in bá intau mita moḷoben, ki buḷoinea mita, bo pahangnea mita bo sia doman tontaní, in monginum kon palo mita tatua.

DANIEL 5:2 Iomraidhean Croise

SAMUEL 2 9:7

Ki Daud in noguman, “Dika moondok. Akuoi in motuḷung bo motabibí kon inimu sin motabi in akuoi kon i Yonatan ki amámu. Bayongan in butá i ḷakimu ki Saul, in ogoikudon bui kon inimu bo kinoouputbí in kinobiaganmu motaaubí in iko mongaan kon komaḻig.”

DATU MITA 2 24:13

Bayongan in pakakat buḷawan inta pinomia i Datu Salomo sin pakéon kon Baḷoi Tuhan, pinoguraat i Nebukadnezar. Bo bayongan in pakakat inta koboḻi inta kon bonu in Baḷoi Tuhan tatua bo kon komaḻig in dinianea minayá in Babel. Bayongan intua nobaḻí noidudui kon onu inta ain siningog i Tuhan muna.

DATU MITA 2 25:15

Pakakat mita buḷawan bo saḷaka, noitakin doman in palo mita mongointok bo pindan mita inta potuduanmai kon baga in ginamá i Nebuzaradan tontaní.

TAWARIKH 2 11:20

Noiduduimai kon tua ki Rehabeam notonibuḷoi i Maakha ki adí i Absalom. Mosia in nokouḻí kon adí ḷoḷaki taya opat: ki Abia, ki Atai, ki Ziza bo ki Selomit.

TAWARIKH 2 15:16

Noiduduimai kon tua ki Datu Asa nopogogai kon i baainea ki Maakha nongkon ḷoḻitúannea saḷaku ki iná in datu sin nomiadon in sia kon patong berhala inta mokotor kon i Asyera, Dewi in koḷumbaan. Ki Asa in nogumpag bo norimumud kon patong tatua bo sinubánea kon Ḷopá in Kidron.

TAWARIKH 2 36:10

Kon pinoyoḻimbanan in taong, ki Datu Nebukadnezar nogakut kon i Yoyakhin pinobayá in Babel nobaḻí intau inta dinakop, bo pakakat mita inta koboḻi kon Baḷoi Tuhan in dinianea doman. Onda intua ki Nebukadnezar noduí kon i Zedekia, pokuamáan ki Yoyakhin, nobaḻí datu in Yohuda bo Yerusalem.

TAWARIKH 2 36:18

Pakakat mita in Baḷoi Tuhan, bo pakakatnea mita inta koboḻi, takin doman kapunyaan in datu bo in pogawainea mita, komintan inagow i datu in Babel bo dinia kon Babel.

EZRA 5:14

Nodapotbí in pinobuineadon bui in pakakat mita buḷawan bo saḷaka inta pinaké kon bonu in Baḷoi Tuhan bo inta ginamá nongkon Yerusalem i Nebukadnezar bo inukat kon bonu in kuil kon Babel. Pakakat mita tatua in inogoi bui i Datu Kores kon intau inta ki Sesbazar, inta ain dinuínea nobaḻí gubernur in Yohuda.

YEREMIA 27:7

Bayongan in bangusa in mobaḻíbí atanea, kon i adínea ḷoḷaki, bo kon i ompunea modapot in moiangoi in wakutunea negaranea tontaní moḷabú. Kon dodai intua bangusa in Babel in mobaḻí ata in bangusa mita inta moropot bo kon datu mita inta moḷoben.

YEREMIA 50:35

Ki Tuhan in noguman, “Moyopúdon in Babel takin rayat bo pojabat in pomarenta takin intau mita mongopandoi monia!

YEREMIA 52:19

Pakakat mita buḷawan bo saḷaka, noitakin doman palo mita nointok bo tampat in baga, palo mita inta pototagúan kon dugú in mahaḷuk inta iratá sin pokuruban, tampat in ḷobud, sioḷ in togá, palo mita pototubáan kon dupa, bo palo mita pobonuan kon sosumba tubig in anggur, komintan ginamá tontaní i Nebuzaradan.

DANIEL 1:2

Inogoi i Tuhan in sia in nonaḷow kon i Datu Yoyakin bo poḷat nogagow kon tongosilai in pakakat mita inta koboḻi kon Baḷoi Tuhan. Intau mita inta sinokodakopnea, dinianea kon kuil in dewanea kon Babel, bo pakakat mita inta koboḻi inta inagownea, sinagúnea kon bonu in gudang mita in kuil tatua.

DANIEL 5:11

Sin kon bonu in dodatuan i Tuangku oyúon in ḷoḷaki tobatú inta kinawasa in dimukud in dewa mita inta motusi. Kon dodai in pinomarentaan i amá i Tuangku, noniatadon kon intau tatua in totok mopandoi, momangaḻe bo kohikmat, inta naonda bo hikmat in dewa mita. Ki amá i Tuangku ki Datu Nebukadnezar ain noduí kon inia nobaḻí itoi in mogogoiní kon dimukud, mototaau bo in intau mita inta mobayong in sinotaau bo inta nonotaau in bobayá in tundi.

DANIEL 5:13

Dá ḷagidon dinia kon tayowon i datu in ki Daniel. Bo ki datu in noḻibódon kon inia, “Iko degá in ki Daniel, intau in Yahudi inta iḷumbú, inta ain dinia i amáku nongkon butá in Yohuda?

DANIEL 5:18

Ki Allah Inta Totok in moḷantud nomaḻí kon i Nebukadnezar ki amá i Tuangku nobaḻí datu moḷantud bo nobogoi kon inia in koḷoḷoben bo ponango-nangoian.

DANIEL 5:23

Ki Tuangku in dinumodia kon i Tuhan kon soroga bo nokobaḻí nokidia mangoi kon naa in bayongan palo mita inta ain inagow nongkon Baḷoi i Tuhan. Bo ki Tuangku takin intau mita moḷoben, bo ki buḷoi mita i Tuangku takin pahang mita i Tuangku in nonginum nomaké in palo mita tatua. Ki Tuangku in nodayow kon dewa mita inta pinomia nongkon buḷawan, saḷaka, bitú, uatoi, kayu bo batu, dewa mita inta diá mokoontong andeka mokodongog andeka momangaḻe kon onuka. Ki Tuangku in diá mohoromat kon i Allah inta nonantú kon kobiagan bo kopatoian i Tuangku bo inta monantú kon daḷan kobiagan i Tuangku.

DANIEL 5:3

Dá ḷagidon dinia mangoi kon inia in palo mita tatua, bo mosia komintan in nonginum kon anggur nomaké in pakakat mita tatua.

DANIEL 5:30

Kon doḷom doman tatua kinoḻimodandon in ki Belsyazar datu in Babel tatua.

DANIEL 5:4

Koyogot in monginum mosia in sindaḷan doman modayow kon dewa mita inta pinomia nongkon buḷawan, saḷaka, bitú, kayu bo batu.