DANIEL 4:7 - Alkitab Singog In Mongondow Masa In Tanaa

⁷ Táe naonda in mononoḻindap, mototaau bo intau mita inta mobayong in sinotaau bo intau mita inta nonotaau in bobayá in tundi namangoi bo inoumanku in togoindopku tatua kon i monia, yo diábí tobatúmai in intau in nokopoguman kon mangaḻenea.

DANIEL 4:7 Iomraidhean Croise

KINOBAḺIAN 41:24

Batoḷ in gandum inta nokepa tatua noḻiom kon inta kobonu koina. Aindon inoumanku in togoindopku tanaa kon mososihir mita, táe diá tobatúmai in motaau moginsilang kon mangaḻe in togoindopku tatua.”

KINOBAḺIAN 41:8

Nobangon monik doḷo-doḷom moajardon totok in ginanea, tuamai sia nomarentadon nokioiní in bayongan mososihir bo intau mita inta mopandoi kon Mesir. Bodongka inoumannea in togoindopnea tatua kon i monia, táe diá tobatúmai in kon sigad monia tua motaau moginsilang kon mangaḻe in togoindopnea tatua.

MAZMUR 37:35

Akuoi in nokoontongdon kon intau moraat tobatú inta moambungangaḷ; sia in naonda bo pangkoi in kayu inta mopia bo uakatnea in noikanom noonag.

YESAYA 44:25

Akuoibí naa inta noḷamboi kon toḻindap in mononoḻindap, bo inta nopoyambá kon mogogoiní mita. Tosingogon mita in intau mobijak binayowan-Ku, kabijaksanaan monia binaḻí-Ku kabodokan.

YEHEZKIEL 31:3

Iko in naonda bo ḷokuyú in Libanon inta mogaga nopuḻing in tanga inta nobambar bo mogaga. Pangkoinea in notuḻid bo noḷantud ḷuntungnea in nodapot in goḷom.

DANIEL 1:4

Mosia in mustibí tayowmobiag inta diá in bogit. Musti moḷunat, norosikoḷa moḷantud, mopandoi bo mobarong in kotaauan monia bo patus mopobayá in oaidan kon bonu in komaḻig. Ki Aspenas in mustibí motundú kon i monia mobaca bo momais kon bonu in singog in Babel.

DANIEL 2:10

Intau mita inta totok in motaau tatua in notubag, “Kon sinangkub in dunia diábí in tobatúmai in mokopotaau kon onu inta kinoibog i Tuangku. Bo diápa doman kon dodai in onda in datu tobatú, naondaka in koḷoben bo koḷantudnea, nopoigum kon ná tatua nongkon mononoḻindap, mototaau bo intau mita inta nobayong in sinotaaunea kon komaḻignea.

DANIEL 2:27

Ki Daniel in notubag, “Tuangku, diábí in intau kototaau, mototaau, mononoḻindap, andeka inta nonotaau kon bobayá in tundi inta mokopotaau intua kon i Tuangku.

DANIEL 2:7

Mosia in notubag bui, “Oumanon muna Tuang kon inami in togoindop tatua, baintua bo insilangan nami in mangaḻenea.”

DANIEL 3:8

Tongonumai in intau in Babel nomaké kon kasampatan tatua sin mopobodito kon intau in Yahudi.

DANIEL 4:18

Ei Beltsazar, tuata in togoindopku. Tanaa in pogumandon kon inakó in mangaḻenea. Diábí tobatúmai in kon sigad in intau mita mongopandoi inta kon bonu in dodatuanku in nokopotaau kon inakó in mangaḻenea, táe iko in mokopotaaubí, sin iko in kinawasa in dimukud in dewa mita inta motusi.”

DANIEL 5:7

Bo nomaḷú totok in sia in nopoigum sinbá mononanow, mototaau bo intau inta nonotaau totok in bobayá in tundi in oiníon. Naonda in mosia namangoi, ki datu in noguman, “Ki ine in mokobaca kon pais tatua bo mopotaau in mangaḻenea kon inakó, yo ogoianku in pakeang dodatuan ná jubah nokamumu bo boboḷ buḷawan nobaḻí tomponuot kahoromatan. Koḻikud intua sia in duíonku mobaḻí mongongawasa intoḷunea kon dodatuanku.”

DANIEL 5:8

Intau mita mongopandoi minayá inumuna, táe diá tobatúmai in nongkon sigad monia in mokobaca kon pais tatua andeka mopotaau in mangaḻenea kon i datu.