DANIEL 4:4 - Alkitab Singog In Mongondow Masa In Tanaa

⁴ Akuoi in nogutun bo nobiag takin notompia kon bonu in komaḻigku bo nobiag nooyúon totok.

DANIEL 4:4 Iomraidhean Croise

YESAYA 56:12

Intau mita moḷoḷoḷangu mita tatua in moguman, ‘Igai monginum in kita kon anggur bo monginum modapot in moorop! Ikoḷom in mopia-pia nongkon singgai naa!’ ”

YEREMIA 48:11

Ki Tuhan in noguman, “Nongkon koḻipodpabímai Moab in nobiag noaman. Diápabí kon dodai in onda in sia inakut pinobayá in pinoḷumbúan. Sia in naonda bo tubig in anggur inta pinomayá mako in sinumonop bo diá dodai in onda in binonu kon tampat in anggur ibanea. Anggurnea in norongingipa bo mopia.

YEHEZKIEL 28:17

Batanganmu inta mogaga nokoḷoḷatú kon inimu bo kaoyúonanmu nokopopisí kon inimu notombodok. Tuamai pinomobak-Ku in iko kon butá bo binaḻí-Ku tompoingat kon datu mita ibanea.’ ”

YEHEZKIEL 29:3

Ki Tuhan Inta Totok in moḷantud in nopotabá kon inakó mopotaau kon i datu in koyow tanaa, “Akuoi naa in musungmu, ei bangkeḻé moḷoben inta nosiug mako kon yuak in ongkag. Iko in mongambungangaḷ kainimu in Ongkag in Nil iko in kitogi bo iko in nomia.

DANIEL 2:11

Ki Tuangku in moibog kon onu inta totok in mororiga aidan. Diábí tobatúmai in mokotubag koḻikudbí in dewa mita, táe mosia in diábí nogutun kon sigad in intau.”

DANIEL 4:19

Nokodongogmai kon tua, ki Daniel inta dinonoi doman ki Beltsazar, noitaḻikokog bo noitongau notoyong. Dá akuoi, ki Datu Nebukadnezar in noguman kon inia, “Beltsazar, dikabí moḻia-ḻiaw in ginamu popisí in togoindop takin mangaḻenea tua.” Ki Beltsazar in notubag, “Tuangku, mopia-piabí aka kuma bo bayongan inta mobaḻí inta sinoḻindap in togoindop tatua bo moiuma kon musung mita i Tuangku bo deeman kon i Tuangku.

DANIEL 5:8

Intau mita mongopandoi minayá inumuna, táe diá tobatúmai in nongkon sigad monia in mokobaca kon pais tatua andeka mopotaau in mangaḻenea kon i datu.

ZEPANYA 1:12

Kon oras tatua Akuoi in mogamá kon poḷombow, bo moḻikai kon kotá in Yerusalem. Hukumon-Kubí in intaunea mita inta diá mopandungmai tatua takin inta noorop in onu inta kon inia tontaní, bo inta norai kon Akuoi, ki Tuhan in diábí kon dodai in onda in mogaid kon nanaa andeka natua.