DANIEL 4:14 - Alkitab Singog In Mongondow Masa In Tanaa

¹⁴ Noropot in singognea in noguman, ‘Pupuḷdon in pangkoi in kayu tatua bo pongkódon in tanganea mita, tontakdon in daunnea mita bo poraritdon in bungainea mita. Untundon in mahaḷuk mita inta nosiug mako kon siungonnea bo ḷagapan mita inta nonompugad kon tanganea mita.

DANIEL 4:14 Iomraidhean Croise

AYUB 24:20

Ki inánea tontaní in nokoḻiongdon kon inia, bo oḷuasi mita mongarat kon awaknea. Tangoinea in diá bidon toropon bui; sia in iyompat naonda bo pangkoi in kayu inta noumpag.

YEREMIA 27:5

“Pinongin kawasa-Ku inta moḷoben bo pinongin ropot-Ku binaḻí-Ku in dunia bo intau takin bayongan in mahaḷuk, bo tua in motaau-Kubí ogoi kon i ineka in koibog-Ku pobogoian.

YEREMIA 51:6

Posaḷamatdon in awakmu! Poḷaguidon nongkon Babel, dika modapot in moiko moitakin koḻimodan popisí in dosanea! Sin naadon in wakutunea Akuoi motuḻí kon aid moraat in Babel, bo mohukum kon inia podudui in oaidnea.

YEREMIA 51:9

Intau ango-angoi inta nogutun kon tua in nosigumanan, ‘Kita in noḷongasidon notuḷung kon Babel, táe nolatdon! Maníka taḷaandon naton in butá tanaa bo mobui kon butá naton tontaní. Ki Tuhan in nohukumdon kon Babel totok in mobogat, bo norimumudon komintan.’ ”

YEHEZKIEL 31:10

Tuamai, Akuoi, ki Tuhan Inta Totok in moḷantud, nopotaau kon inimu onu in inta mobaḻí kon pangkoi in kayu inta ḷuntungnea noitunduḷ kon goḷom tua. Sin koḷantud-koḷantud yo koḷoḷatú-koḷoḷatú in sia.

DANIEL 2:21

Siabí inta nonantú kon sempo bo wakutu, Sia in nopoḷabú bo noduí kon pongawasa. Siabí doman inta nobogoi in kabijaksanaan, bo noponotabi in pomomangaḻe.

DANIEL 3:4

nomaḷúdon noropot totok in intau i datu, “Utat mita nongkon bayongan in bangusa, suku in bangusa bo bahasa! Indongogaidon in parenta i datu tanaa:

DANIEL 4:12

Daunnea mita in nongoḷunow bo bungainea in modatog totok, tugatbí kaanon in bayongan inta nogutun kon dunia naa. Mahaḷuk mita ḻindong in nosiug mako kon siungonnea bo ḷagapan mita in nonompugad kon tanganea mita. Bo bayongan in mahaḷuk motaaubí mokaan kon bungainea mita.

DANIEL 4:23

Ki Tuangku in nokoontong doman kon malaekat tobatú noponag nongkon soroga bo noguman, ‘Pupuḷdon in pangkoi in kayu tanaa bo yompatdon, táe pomayádon mako in tuodnea moimuḷa mako kon butá. Togotdon in rante uatoi bo bitú bo taḷaaidon kon rawang in bonok. Pomayádon mako in sia mobuntad in oḷú bo mobiag moyotakin in mahaḷuk mita kon bonu in pitu notaong.’

DANIEL 4:29

Mopuḷú bodoyowá nobuḷan noiduduimai, kon dodai in akuoi nodondaḷoi kon taman kon ḷundukan kon ḻimonik in baḷoi in komaḻigku kon Babel,

DANIEL 5:20

Táe naonda in sia iḷumoḷatú, motogat in gina bo moḻingá iḷabú in sia nongkon pomomarentaan dodatuannea dá noinggamádon in kahoromatannea.

DANIEL 5:21

Pinoguntun in sia nongkon sigad in intau bo ginanea in nobaḻídon ná gina in mahaḷuk. Sia in nobiag takin in keledai in kayuon, mokaan kon bonok naonda bo sapi bo mosiug kon rawang inta diá in oḻi-oḻingoinea dá nobuntad in oḷú. Kon imbuitnea sia in nongaku kon ki Allah Inta Totok in moḷantud in kitogi kawasa kon dodatuan in intau bo dodatuan tatua in ogoi-Nea kon i ineka in piḻíon-Nea.

MATIUS 3:10

Pokotorop! Boḻiung aindon inukat mako kon uakat in kayu. Bo pomuḷoi in pangkoi inta diá mopomungai in mopia yo notantú kon pupuḷonbí bo pogonag kon tuḷu.

MATIUS 7:19

Sin pomuḷoi in pangkoi inta mopomungai in diá mopira yo musti pupuḷon bo tubáan.

LUKAS 3:9

Boḻiung aindon sinadia mako pomupuḷ kon pangkoi dapot in uakatnea mita. Pomuḷoi in pinomuḷa inta diá mopomungai in bungai inta mopia in toko-pupuḷonbí bo tubáan kon tuḷu.”

WAHYU 10:3

Bo sia in nomaḷú noropot naonda bo ganggor in singa. Nopaḷut mako in sia nomaḷú, sinubagan in gotup pitu inta moyodudu-duduimai.

WAHYU 18:2

Nanaa in pinobaḷúnea: “Ain noḷabú! Babel kotá moḷoben tua ain noḷabú! Tanaa sia in nobaḻídon tampat in dimbuḷó bo dimukud mita moraat. Bo kon bonunea in nobiagdon norupa-rupamai in ḷagapan inta nonajis bo inta kinodoí in intau.