DANIEL 4:13 - Alkitab Singog In Mongondow Masa In Tanaa

¹³ Naonda in irai-raikumai in oontongon tatua, inontongku in malaekat tobatú in noponag nongkon soroga, koontongan in sia kon kiḷuka-ḷukadmai bo nokopoingat.

DANIEL 4:13 Iomraidhean Croise

AYUB 12:24

Binaḻí-Nea in itoi mita notoboḻingo, dá minayá in mosia takin diá kotaauan kon onda in bayáan.

MAZMUR 103:20

Dayowdon in ki Tuhan, ei malaekat-Nea mita inta mongotorindog, inta nokidongog bo nopoaid in onu inta pinoki aid-Nea.

MAZMUR 89:7

Kon ḷangit diábí in ná Iko, o Tuhan, diábí in mahaḷuk in soroga in mokotongkai kon ini-Mu.

DANIEL 4:10

Kon dodai in akuoi nosiugpa, inontongku in pangkoi in kayu inta nobiag kon yua-yuak in dunia.

DANIEL 4:17

Tuata in bontow in tosingogon nami malaekat mita inta umuran kiḷuka-ḷukadmai bo inta tantú nokopoingat. Makusud nami in bá intau mita kon ondaka yo mongaku, kon ki Allah Inta Totok in moḷantud in kitogi kawasa kon dodatuan in intau bo dodatuan tatua in ogoi-Nea kon i inekabí in piniḻí-Nea, nodapotbí in kon intau inta totok in diá in mangaḻenea!’

DANIEL 4:23

Ki Tuangku in nokoontong doman kon malaekat tobatú noponag nongkon soroga bo noguman, ‘Pupuḷdon in pangkoi in kayu tanaa bo yompatdon, táe pomayádon mako in tuodnea moimuḷa mako kon butá. Togotdon in rante uatoi bo bitú bo taḷaaidon kon rawang in bonok. Pomayádon mako in sia mobuntad in oḷú bo mobiag moyotakin in mahaḷuk mita kon bonu in pitu notaong.’

DANIEL 4:5

Táe kon doḷom tobatú kon tungkuḷ in akuoi nosiugpa sinumogoindop in akuoi bo nokouḻí kon oontongon inta mokoḻia-ḻiaw totok kon ginaku.

DANIEL 7:1

Kon doḷom tobatú, kon taong imitánea ki Belsyazar nobaḻí datu kon Babel, akuoi, ki Daniel in sinumogoindop bo nokouḻí kon oontongon. Togoindop tatua in pinaisku bo naa in poyaputku onu inta inontongku: Tompot moropot nogirup nongkon bayongan tampat bo nokopopisí kon nomuká in deḷang kon baḷangon.

DANIEL 7:17

Sia in noguman, “Mahaḷuk mongoḷoben totok mita opat tatua in dodatuan opat inta moitukat mangoi kon dunia naa.

DANIEL 7:23

Naa in insilang inta nouḻíku, “Mahaḷuk inta inggopatnea tatua in dodatuan inta inggopatnea inta simindog kon butá bo noyoposi in dodatuan mita ibanea. Dodatuan tatua in morimumud bo mokaan kon bayongan in dunia naa bo moyuntai kon kiagatnea.

DANIEL 8:13

Onda intua dinongogku in malaekat tobatú in noguman kon malaekat ibanea mako, “Modapot degá in toonu in bayongan inta inontong kon oontongon tatua mobaḻí? Modapot in toonu in dosa moḷoben tatua monoḻiu kon sosumba muḷoi in singgai? Modapot in toonu in tontara in soroga bo baḷoi pooibadaan tatua runtaion?”

ZAKHARIA 14:5

Moiko in moḷaguibí mongin ḷopá inta nomotak kon tombuḷud tatua nobaḻí doyowa. Moiko in moḷaguibí ná mogoguyangmu kon tungkuḷ in ḻinug kon dodai in ki Uzia datu in Yohuda. Bo namangoidon in ki Tuhan Allahku, sinakinan in bayongan in malaekat.

MATIUS 25:31

“Aka ki Adí Intau mamangoi saḷaku Datu bo sinakinan in malaekat mita, yo Sia in ḻimitú kon tampat pomarentaan-Nea.

MARKUS 1:24

“Ei Yesus, intau in Nazaret, onuon-Mu in kami? Mamangoi degá momutú kon inami in Iko? Kotaauankubí in Iko: Iko nion in totabá i Allah inta motusi!”

LUKAS 4:34

“Ei Yesus, intau in Nazaret, onuon-Mu in kami? Degá mamangoi in Iko momutú kon inami? Kinotaauankubí in Iko: Iko in totabá inta Motusi nongkon i Allah!”

ULANGAN 33:2

“Ki Tuhan namangoi nongkon Buḷud in Sinai; Sia nomuká kon tudu in Edom naonda bo mata in singgai bo nongkon Buḷud in Paran sia nonimbayag kon umat-Nea. Sia sinakinan in mopuḷú noribu in malaekat; tuḷú nodokot kon dotá in koḷanan-Nea.

YUDAS 1:14

Ki Henokh, buí impitunea nongkon i Adam, tungkuḷ intua nokoimontan doman in nopotaau in koyow i Allah soaḷ intau mita tatua. Ki Henokh in noguman nanaa, “Indoiai, ki Tuhan in mamangoi takin ribuan malaekat-Nea mita inta mokudus

WAHYU 14:10

yo intau tatua monginum kon anggur i Allah, tuata in torú-Nea inta ain inaḻin-Nea kon bonu in tampat-Nea, bo diábí ginaatan topiḻikpamai! Intau mita tatua in toko sikisaan kon bonu in tuḷu bo balerang kon tayowon in malaekat mita motusi bo kon tayowon Adí in Domba tatua.