DANIEL 4:12 - Alkitab Singog In Mongondow Masa In Tanaa

¹² Daunnea mita in nongoḷunow bo bungainea in modatog totok, tugatbí kaanon in bayongan inta nogutun kon dunia naa. Mahaḷuk mita ḻindong in nosiug mako kon siungonnea bo ḷagapan mita in nonompugad kon tanganea mita. Bo bayongan in mahaḷuk motaaubí mokaan kon bungainea mita.

DANIEL 4:12 Iomraidhean Croise

AYUB 12:24

Binaḻí-Nea in itoi mita notoboḻingo, dá minayá in mosia takin diá kotaauan kon onda in bayáan.

AYUB 14:7

Oyúonpabí in kamang kon pangkoi in kayu inta ain pinupuḷ; buibí in sia momoḻimping, bo monanga.

AYUB 14:9

táe aka kotugatan in tubig, mobiagbí bui in sia; naonda bo pinomuḷa inta noguod, poḻimpingnea mita in momukádon bui.

OMBAḶ 4:20

Mosia in nodomok kon datu inta piniḻí i Tuhan, intau inta pinongata nami saḷaku mobobogoi in kobiagan, bo moḷukad kon inami nongkon ḷawang.

YEHEZKIEL 17:23

Kon buḷud inta totok in moḷantud, pomuḷaan-Ku in sia. Kon tua monokat in sia, bo momungai, bo mobaḻídon pangkoi in ḷokuyú inta mobambar totok. Bayongan in ḷagapan in monompugadbí kon tua bo moniung kon siungonnea.

YEHEZKIEL 31:17

Mosia in modia kon inia pobayá in dunia in intau minatoi bo moyosipun takin monia inta ain noḷabú. Bo bayongan inta dungkuḷmai iḻimitú kon siungon in pangkoi in kayu tatua in poraritonbí kon sigad in bangusa mita.

DANIEL 4:14

Noropot in singognea in noguman, ‘Pupuḷdon in pangkoi in kayu tatua bo pongkódon in tanganea mita, tontakdon in daunnea mita bo poraritdon in bungainea mita. Untundon in mahaḷuk mita inta nosiug mako kon siungonnea bo ḷagapan mita inta nonompugad kon tanganea mita.

MATIUS 13:32

Totuu kon batoḷ tatua in totok in mointok nongkon bayongan batoḷ. Táe aka sia in mobiagdon, sesawi tatua in moḷobe-ḷoben nongkon kuyat mita ibanea. Sia in sinimimpangkoi sahingga in ḷagapan mita in mamangoi bo monompugad kon tanganea mita.”

MARKUS 13:32

“Umpaka natua, táe diábí in tobatúmai in mokotaau kon singgai ande wakutu kobaḻían tua. Malaekat mita kon soroga bo Adí in diábí doman monotaau kon tua, tongábí ki Amá in monotaau.

MARKUS 4:32

Táe aka mobiagdon, yo moḷobe-ḷobenbí in sia nongkon bayongan pinomuḷa ibanea. Tanganea mita mongobambar, sahingga ḷagapan mita motaau mamangoi monompugad kon tua bo kooḻiungannea.”

LUKAS 13:19

Kaadaannea tua in naonda bo batoḷ in sesawi, inta ginamá in intau bo pinomuḷa kon gobánea. Batoḷ tatua in nobiag simimpangkoi, dá angoian in ḷagapan bo ponompugadan in pangkoinea.”