DANIEL 4:11 - Alkitab Singog In Mongondow Masa In Tanaa

¹¹ Pangkoi in kayu tatua noḷantud totok; pangkoinea in moḷoben bo moropot. Ḷuntungnea in nodapot in ḷangit, dá koontonganbí in bayongan in intau kon sinangkub in dunia naa.

DANIEL 4:11 Iomraidhean Croise

KINOBAḺIAN 11:4

Guman monia, “Koḻigai in kita moposindog in kotá takin tobatú ḷangkeang inta ḻimonikannea modapot kon ḷangit, sinbá kita kotaauandon in bayongan dunia naa bo kita diá domandon moirarit kon dunia naa.”

YEHEZKIEL 31:12

Tontara ango-angoi inta diá nonotaau in ampung in momupuḷbí kon inia bo pomayádon mako. Tanganea inta noputoḷdon in moḷabúdon kon bayongan in buḷud bo ḷopá kon butá tatua. Bayongan in bangusa inta nogutun kon siungonnea in mayábí monaḷámai kon inia.

YEHEZKIEL 31:5

Popisí in tubignea diá kon dodai in onda in mogaat, kobobiagnea in noḷumbá, tanganea noḷoben bo nobanat. Nongkon bayongan in pangkoi in kayu kon kayuon, sia in moḷantu-ḷantud noiḷontú.

MATIUS 11:23

Bo iko Kapernaum, degá kainimu kamai iko in diaanbí mamonik in ḷangit? Diápa, sedang bo moiko in pogonagbí kon naraka! Sin aka soaḷ mita inta mokoherang inta ain nobaḻí kon yua-yuak monimu bo nobaḻí kon Sodom, yo kotá tatua in umuranpabí oyúon nodapot in masa in naa.”

ULANGAN 9:1

“Indongogai Utat mita! Singgai naa moiko ḷumoḷandon kon Ongkag in Yordan sin mayá ḻimitú kon butá in bangusa mita inta moḷobe-ḷoben bo moropo-ropot nongkon i monimu. Kotá mita monia mongoḷoben bo dininding nodapot in ḷangit.