DANIEL 3:6 - Alkitab Singog In Mongondow Masa In Tanaa

⁶ Ki ine in doí dumudui kon parenta tanaa, yo baḷúdon pogonag kon tuḷú inta koyogot in modokot.”

DANIEL 3:6 Iomraidhean Croise

KINOBAḺIAN 19:28

Sia in nobobui kon dotá in Sodom bo Gomora bo kon ḷopá mita, bo inontongnea in poyok in tuḷú inta nosipun nongkon butá tatua, naonda bo poyok nongkon doḷuong moḷoben.

IḶUAIAN 20:5

Dika mosumba kon patong ná tatua, sin Akuoibí naa in ki Tuhan Allahmu, bo Akuoi in doíbí potongkaion in onuka. Intau mita inta moyaat in gina kon i-Nakó, hukumon-Ku modapot kon buí inta nogintoḷu bo noginggopat.

YEREMIA 29:22

Dá aka intau mita inta ain inakut nongkon Yerusalem pinobayá in Babel mongutuk kon intau tobatú, yo mosia in mogumanbí, ‘Igumon mako ki Tuhan in mopoaid kon inimu ná ki Zedekia bo ki Ahab, inta ain sinubá kobia-biag i datu in Babel.’

DANIEL 2:5

Ki Datu in notubag, “Sinantúkudon in naa: Moiko in mustibí mopotaau in togoindop tatua kon inakó, takin doman mangaḻenea. Aka diá in moiko mokopotaau, yo pongko-pongkóon in moiko bo baḷoi monimu in umpagon.

DANIEL 3:11

bo ki ine in doí dumudui kon parenta tatua yo pogonag kon tuḷú inta kodoko-dokot.

DANIEL 3:15

Yo, tanaa, moibog degá in moiko dumokó bo mosumba kon patong tatua kon dodai in musik posingogon? Aka moiko doí, yo moiko in baḷúdon pogonag kon bonu in tuḷú inta kodoko-dokot. Bo dewa degá táonda in mokoposaḷamat kon i monimu nongkon kawasaku?”

DANIEL 3:21

Dá ḷagidon sinokig in taya toḷu tatua sinokig kinorigon koḷambu-ḷambung nolongkap, nogiḷambung, jubah, nogisapoyo bo pakeang ibanea, bodongka pinogambat kon bonu in tuḷú inta kodoko-dokot tatua.

DANIEL 3:7

Dá naonda in nokodongog kon pakakat mita in musik tatua pinosingog, intau mita nongkon bayongan in bangusa, suku bangusa bo bahasa, dinumokó bo nosumba kon patong buḷawan tatua.

DANIEL 5:19

Totuu moḷoben in sia, nodapot in intau mita nongkon bayongan in bangusa, inanakan, bahasa, mourot bo moondok kon inia. Aka moibog in sia moḻimod kon intau, ḻimodonneabí doman mako in intau tatua. Aka moibog in sia moposaḷamat kon intau, dá posaḷamatonneabí doman in intau tatua. Sia in mopoḷantud andeka mopoompá kon i ineka podudui in ibognea.

DANIEL 6:7

Onda intua minayádon in mosia noyotakin kon tayowon i datu bo noguman, “Oo Tuangku Datu Darius, mobiagdon in ki Tuangku modapot in mononoi!

MATIUS 13:42

Bayongan tua in daiton pogonag kon bonu in tuḷu; kon tua kodongogan in amui bo roriga.

MATIUS 13:50

Bo intau mita inta moraat tokoḷumbúon-Nea kon yuak in tuḷu; kon tua mongombaḷ in mosia bo mororiga.”

MATIUS 4:9

bo Ibilis in noguman kon i-Nia: “Tanaa komintan daitonku ogoi kon ini-Mu, aka Iko tumungkud mosumba kon inakó.”

MARKUS 6:27

Dá ḷagineadon pinotabá in tobatú pongawalnea minayá nogamá kon uḷu i Yohanes Mobobaptis. Pongawalnea tatua minayá in ponjara bo nongingguḷu kon i Yohanes.

WAHYU 14:11

Poyok in tuḷu inta mopororiga kon i monia tua in umuran bidon moidamonik. Singgai doḷom diá goga-gogaian poposikisaan kon i monia inta nosumba kon mahaḷuk tatua bo patongnea bo inta ain sinon tandaan in tangoi mahaḷuk tatua.”

WAHYU 9:2

Dá tundi tatua in nomukatdon kon ḷoḻingkop in bubú in irang popatoi tatua, dá iḷumuaidon in poyok nongkon bonunea naonda bo poyok kon tungku moḷoben. Mata in singgai bo baḷangon sinimindip lantaran poyok inta nongkon bubú tatua.