DANIEL 3:27 - Alkitab Singog In Mongondow Masa In Tanaa

²⁷ Bayongan in oḻit i datu, gubernur mita, bupati, bo pogawai mita ibanea iḻimibu kon i nayatoḷu tatua bo nokoontong kon mosia in beresibí diá iḻiai in tuḷú. Buok monia in diábí nopokak, bo pakeang monia in diábí nobaḷui, nodapot in diábí in bó in poyok kon i monia.

DANIEL 3:27 Iomraidhean Croise

DATU MITA IMITÁNEA 13:28

Nouḻínea in mayat in nabi nongkon Yohuda tatua noiukatpa mako kon daḷan takin keledai bo singa in kon diugnea. Singa tatua in diábí nodomok kon keledai tatua, bo diábí doman nokaan kon mayat tatua.

DATU MITA 2 19:19

O Tuhan, Allah nami, poḷuatdon in kami nongkon intau mita in Asyur tatua, sinbá bayongan in intau kon dunia in monotaaudon kon tongábí Iko tontaní in Allah.”

MAZMUR 83:18

Biódon mako in mosia modapot in mononoi pokopooyáanmai bo angoian in ondok, biódon mako in mosia matoi kon bonu in empeng.

YESAYA 26:11

Tuhan, Iko in nogoḷatdon mohukum kon musung-Mu mita, táe diábí kinotaauan monia. Pomayádon mako mosia in mooyá in mokoontong kon tabi-Mu kon umat-Mu. Pomayádon mako modait in mosia moyopú pongin hukuman inta ain pinopooḷat-Mu mako kon i monia.

YESAYA 43:2

Aka iko ḷumoḷan kon tubig yo takinan-Ku in iko, iko in diábí moḷomot kon bonu in rorigamu mita. Aka mongin tuḷú, diábí in iko mopokak, totungkuḷ mita inta mobogat in diábí mokobodito kon inimu.

DANIEL 3:21

Dá ḷagidon sinokig in taya toḷu tatua sinokig kinorigon koḷambu-ḷambung nolongkap, nogiḷambung, jubah, nogisapoyo bo pakeang ibanea, bodongka pinogambat kon bonu in tuḷú inta kodoko-dokot tatua.

DANIEL 6:23

Ki Allah in bobantung ain nopotabá in malaekatnea sin momompon kon bibig in singa mita tatua dá diábí in mosia nopoyagi-yagimai kon bobantung naa. Ki Allah in noposaḷamat kon bobantung sin kinotaauan-Nea kon bobantung naa in diábí nogaid kon noitaḷá kon i-Nia bo kon i Tuangku.”

DANIEL 6:7

Onda intua minayádon in mosia noyotakin kon tayowon i datu bo noguman, “Oo Tuangku Datu Darius, mobiagdon in ki Tuangku modapot in mononoi!

MATIUS 10:30

Bá kotaauan monimu, kon bayongan buok kon uḷumu kinotaauan-Neabí in kobayongnea.

OUMAN IN RASUL MITA 26:26

Ki Tuang Agripa tontaní in porasaanku nonotaaubí totok kon soaḷ mita tanaa. Tuamai nobaranidon taran-tarangan in akuoi in nosingog kon tayowon i Tuang. Sin nodait bidon kinotaauan i Tuang in naa komintan, sin diábí in nobaḻí kon tampat inta noibuni.

OUMAN IN RASUL MITA 27:34

Tuamai akuoi in moguman kon i monimu, mongaanpa umpaka tongá tumongopiḻik. Simbá mosehat in moiko bo moropotpa. Sin mosaḷamatbí komintan in moiko bo diábí in mogaat kon sigad monimu nion.”

IBRANI 11:34

tuḷu inta noborambang nopiong monia, bo mosia in diábí kinotakuḷan. Mosia in noḻemé táe nobaḻí noropot, mosia noḷoḷakidon kon pinoparangan sahingga in sinaḷow monia in tontara mita in bangusa ibanea.