DANIEL 3:26 - Alkitab Singog In Mongondow Masa In Tanaa

²⁶ Bo ki Nebukadnezar in dinimiug kon ngara in pinonontuḷúan tatua bo nomaḷú, “Sadrakh, Mesakh bo Abednego, mogogundoi mita i Allah Inta Totok in moḷantud! Ḷuaidon nongkon tuḷú tanion!” Dá iḷumuaidon in mosia.

DANIEL 3:26 Iomraidhean Croise

KINOBAḺIAN 14:18

Ki Melkisedek, datu in Salem inta nokadai doman kon oaidan in imang i Allah in Totok Moḷantud, nodia kon roti bo anggur sin ogoi kon i Abram,

DATU MITA IMITÁNEA 8:51

Mosia in umat-Mubí tontaní inta ain dinia-Mu iḻumuai nongkon Mesir butá inta pinononggataan kon i monia.

EZRA 5:11

Mosia in notubag, ‘Kami naa in mogogundoi i Allah mongongawasa kon dunia naa. Kami in koyogot in moposindog in Baḷoi Tuhan inta pinosindog bo sinompakakatan kon puḷúan in taong inta noitaḻibdon i datu tobatú in Israel inta moḷoben.

MAZMUR 66:12

Pinomayá-Mu mako in kami iyunta-yuntai in musung; kami in nongin ḷunud bo tuḷú. Táe tanaa in dinia-Mudon in kami kon tampat inta mopia totok.

YESAYA 28:16

Tuamai, ki Tuhan Inta Totok in moḷantud noguman nanaa, “Akuoi in mogukat kon dodoyonan inta moropot bo motorindog kon Sion; batu orotan tobatú inta moḷoben in mangaḻenea inta pinaisan: ‘Ki ine in morigon in pirisayanea, diábí umundok popisí in taḷowon.’

YESAYA 52:12

Moiko in diábí ḻimika-ḻikat in mayá, bo diábí ná intau inta moḷagui. Sin ki Tuhan in modiabí kon i monimu: ki Allah in Israel in mogoḻiungbí kon i monimu nongkon bayongan tampat.

YEREMIA 11:4

Dodandian tatua in inaidan-Ku takin mogoguyang monia kon dodai in mosia dinia-Ku iḻumuai nongkon Mesir, ḻipú inta naonda bo naraka kon i monia. Akuoi in nopotabá kon i monia tumoindudui kon i-Nakó bo mogaid kon bayongan inta pinarenta-Ku. Tanaa in pinoguman-Kudon doman kon intau mita in Yohuda bo intau in Yerusalem kon aka mosia bo motoḷutui kon i-Nakó yo mosia in mobaḻí umat-Ku bo Akuoi in ki Allah monia.

DANIEL 2:47

Ki Datu in noguman, “Totuu, Daniel, ki Allahmu tua in moḷobe-ḷobenbí kon bayongan in allah. Sia in nongawasa kon bayongan in datu, bo nopotaau in bayongan inta noibuni. Kinotaauanku intua sin iko in nokomampudon noginsilang kon mangaḻe in inta noibuni tanaa.”

DANIEL 3:17

Aka ki Allah inta sinumba nami mokoposaḷamat kon inami nongkon tuḷú inta kodoko-dokot tatua bo nongkon kawasa i Tuangku, yo notantúbí kon aidan-Nea intua.

DANIEL 4:2

Akuoi in moibog mongonguman kon inta mokoherang bo mujizat inta ain pinomia i Allah Inta Totok in moḷantud kon inakó.

DANIEL 6:20

Kon tungkuḷ in modiugpa mobayag nobangondon in ki datu bo iḻimikat minayá in angob in singa.

DANIEL 6:21

Noiyaputmai intua, nokuuk in sia táe takin ḻia-ḻiaw in gina, “Daniel, mogogundoi i Allah inta nobiag! Degá ki Allahmu inta sinumbamu totu-totuu tua in nokoposaḷamatdon kon inimu nongkon singa mita tatua?”

DANIEL 7:25

Sia in mosingogbí monayow kon i Allah Inta Totok in moḷantud bo mondorot kon umat i Allah. Sia in moḷongasibí momaḷui kon hukum mita bo singgai mita moḷoben in agama in umat i Allah, bo mosia in kawasaanneabí kon bonu in toḷu bo tobotak in taong.

OUMAN IN RASUL MITA 16:17

Bobay tatua in dumuduianmai kon i Paulus bo kon inami komintan bo sindaḷan momaḷú, “Intau mita tanaa simpaḷbí mita i Allah Inta totok in Moḷantud! Mosia in mamangoi mopotaau in daḷan kasaḷamatan kon i monimu komintan!”

OUMAN IN RASUL MITA 16:37

Táe ki Paulus in noguman kon intau inta pinotabá monia tatua, “Kami naa intaubí doman in Rum. Diápa kinotaauan monimu in kami mongo noitaḷá andeka diá, táe kami in sinambokdon muna monimu kon tayowon intau moantó bo pinobonu kon ponjara. Bo tanaa mosia in mopotabádon kon inami mayá takin umuni-uni? Doíbí in kami natua! Potabádon mangoi kon naa in pomarenta mita tatua bo momuḻi kon i nami.”

OUMAN IN RASUL MITA 27:23

Sin kogobíi malaekat i Allah inta sinumbaku, ki Allah inta ki togi kon inakó in namangoi kon inakó.

GALATIA 1:10

Yo naonda degá in naa: Motayak degá in akuoi kon inta mokosanang kon gina in intau andeka inta mokosanang kon gina i Allah? Andeka ontongon monimu degá akuoi in mokopopia kon intau, sinbá kosanang in intau? Aka natua in oaidku, yo akuoi naa in deemanbí bobantung i Kristus.

ULANGAN 4:20

Táe moiko in bangusa inta pinosaḷamat-Nea nongkon Mesir, tampat inta kinororigaan totok monimu. Moiko in dinia-Nea iḻumuai nongkon butá tatua, sinbá mobaḻí bangusa-Nea tontaní ná kaadaanmu tanaa mako.

YOSUA 4:10

Imang mita tatua umuranpabí sinimindog mako nodapot in intau mita tatua nopaḷut nogaid kon bayongan inta pinoki aid i Tuhan kon i monia pinongin i Yosua. Tua in noidudui kon topotundú mita i Musa kon i Yosua. Noḻikat in bangusa Israel iḷumoḷan kon Ongkag in Yordan.

WAHYU 19:5

Bo kinodongogandon in giow nongkon tampat pomomarentaan tatua noguman, “Dayowdon in ki Allah, ei bayongan in intau inta nogaid kon oaidan i Allah, bo bayongan intau – guyanga-mongoadí – inta nosumba kon i Allah!”